Xitsonga 1989 (TSO89)
127

Minkateko hinkwayo yi huma eka Xikwembu

Risimu ra lava teke enkhubyeni eYerusalema. Pisalema ya Solomoni.

1271Loko yindlu yi nga akiwi hi HOSI,

ntirho wa vaaki a wu pfuni nchumu.

Loko muti wu nga rindziwi hi HOSI,

valanguteri va rindzela mahala.

2A swi pfuni nchumu ku hubuta u tirha,

u titsona ni vurhongo nimadyambu, u xanisekela ku kuma swakudya,

hikuva HOSI Xikwembu xi nyika lava xi va rhandzaka,

hambiloko va etlele.Kumbe: HOSI Xikwembu xi nyika lava xi va rhandzaka vurhongo lebyinene

3Vana va xinuna i nyiko yo huma eka HOSI,

hakunene ku va ni vana i nkateko.

4Vana va xinuna lava munhu a va kumaka loko a ha tiyile,

va fana ni miseve evokweni ra nhenha:

5Ku katekile wanuna

loyi nkotloto wa yena wu taleke hi miseve ya kona.

Vanhu vo tano va nge chavi nchumu,

loko va kanetana ni valala ehubyeni.