Xitsonga 1989 (TSO89)
126

Swirilo swi ta hundzuka ntsako

Risimu ra lava teke enkhubyeni eYerusalema.

1261Siku HOSI Xikwembu xi tlheleke xi hi katekisaKumbe: Siku HOSI Xikwembu xi hi vuyiseke hi le vukhumbini hina va le Siyoni,

a hi ku hi le ku lorheni!

2A hi tsakile swinene hi ba minkulungwana,

vamatiko va kondza va ku:

“HOSI Xikwembu xi va endlerile leswikulu!”

3Hakunene HOSI Xikwembu xi hi endlerile leswikulu,

kutani hi tsakile ngopfu.

4We HOSI, tlhela u hi katekisa,Kumbe: We HOSI, hi tlherisele etikweni ra hina

hi fana ni milambu leyi khulukaka emananga.

5Lava byalaka va ri karhi va khavaxela mihloti,

va ta tshovela va tsakile ngopfu.

6Loyi a fambaka a ri eku rileni a rhwele mbewu yo ya byala,

ú ta vuya a ri karhi a ba nkulungwana a rhwele ntshovelo wa yena.