Xitsonga 1989 (TSO89)
116

Xikhongelo xa munhu la poneke ku fa

1161Ndzi rhandza HOSI Xikwembu,

hikuva xa ndzi yingisa loko ndzi rila eka xona.

2Leswi xi ndzi twaka,

ndzi ta xi khongela vutomi bya mina hinkwabyo.

3Mapindzi ya rifu a ma ndzi tsondzerile.

A ndzi vona sirha ri ahlamile,

ndzi khomiwa hi gome ni nhlomulo.

4Kutani ndzi vitana HOSI Xikwembu,

ndzi ku ka xona: “We HOSI,

ndza ku kombela, ndzi lamulele!”

5HOSI Xikwembu xa hina xi ni vunene,

xi tsetselela vanhu, xi va twela vusiwana,

6xi hlayisa ni vanhu va xiyimo xa le hansi.

A ndzi herile matimba, kambe xi ndzi ponisile.

7Sweswi ndzi ni ku rhula,

hikuva HOSI Xikwembu xi ndzi katekisile ngopfu.

8We Xikwembu, u ndzi vutlile emavokweni ya rifu,

u ndzi surile mihloti,

a wu pfumelanga leswaku ndzi rheta ndzi wa.

9Hikokwalaho ndzi ta famba emahlweni ka wena,

emisaveni ya lava hanyaka.

10

116:10
II Kor. 4:13
A ndzi tshiki ku ku tshemba,Van'wana va ri: A ndzi ehleketa leswaku ndzi ta kukuriwa ndzi fa

hambileswi ndzi pfaka ndzi vula leswaku ndzi le khombyeni lerikulu,

11ndzi pfaka ndzi lan'wa

ndzi vula leswaku vanhu hinkwavo va hemba.

12Xana ndzi nga nkhensa HOSI ha yini,

hikuva minkateko ya yona hinkwayo yi le henhla ka mina!

13Ndzi ta khongela HOSI Xikwembu lexi xi ndzi poniseke,

ndzi ri karhi ndzi xi humesela magandzelo ya swakunwa.

14Ndzi ta hetisisa leswi ndzi tiboheke ku swi humesela HOSI,

vanhu va yona hinkwavo va ri karhi va ndzi vona.

15Eka HOSI Xikwembu, rifu ra loyi a xi khongelaka

a hi mhaka leyitsongo.Kumbe: HOSI Xikwembu xi twa ku vava loko nandza wa xona a lova

16We HOSI, ndzi nandza wa wena,

na yena mana wa mina a a ri nandza wa wena.

A ndzi bohiwile, kambe sweswi ndzi ntshunxiwile.

17Hikokwalaho ndzi ta ku humesela magandzelo ya ku nkhensa,

ndzi khongela wena.

18Ndzi ta hetisisa leswi ndzi tiboheke ku swi humesela HOSI,

vanhu va yona hinkwavo va ri karhi va ndzi vona,

19ndzi ri exivaveni xa Tempele ya yona,

exikarhi ka wena, we muti wa Yerusalema.

Dzunisani HOSI!