Xitsonga 1989 (TSO89)
115

Xikwembu lexi hanyaka i xin'we ntsena

1151We HOSI, ku dzunisiwa a hi swa hina,

hakunene a hi swa hina, kambe i swa wena ntsena,

hikuva u ni rirhandzu, wa tshembeka.

2Vamatiko va ha vulela yini va ku:

“Xana Xikwembu xa vona xi kwihi ke?”

3Xikwembu xa hina xi le matilweni,

xi tirha hi ku rhandza;

4

115:4-8
Ps. 135:15-18
Nhlav. 9:20
kasi swikwembu swa vona swa swifaniso swi endle hi vanhu,

i nsuku ni silivhere ntsena.

5Milomo swi na yona, kambe a swi vulavuli,

swi ni mahlo, kambe a swi voni.

6Swi ni tindleve, kambe a swi twi,

tinhompfu swi na tona, kambe a swi nun'hweti.

7Swi ni mavoko, kambe a swi khomi nchumu,

milenge swi na yona, kambe a swi famba-fambi;

minkolo ya swona a yi humesi mpfumawulo.

8Lava va swi vumbaka ni hinkwavo lava va swi tshembaka,

a va fane na swona.Kumbe: va ta fana na swona

9N'wina Vaisraele, tshembani HOSI Xikwembu,

hi xona xitlhangu ni mupfuni wa n'wina.Van'wana va ri: Vaisraele va tshemba HOSI Xikwembu, hi xona xitlhangu ni mupfuni wa vona

10N'wina va ka Aroni, tshembani HOSI Xikwembu,

hi xona xitlhangu ni mupfuni wa n'wina.

11N'wina mi chavaka HOSI Xikwembu, tshembani xona,

hi xona xitlhangu ni mupfuni wa n'wina.

12HOSI Xikwembu a xi hi rivalanga,

xi ta hi katekisa,

xi ta katekisa Vaisraele,

xi katekisa ni va ka Aroni.

13

115:13
Nhlav. 11:18
19:5
Lava va xi chavaka, lavakulu ni lavatsongo,

xi ta va katekisa.

14HOSI Xikwembu a xi mi andzise,

n'wina ni vana va n'wina!

15Xona lexi endleke tilo ni misava,

a xi ve xona xi mi katekisaka!

16Matilo i ya HOSI Xikwembu xi ri xoxe,

kasi vanhu xi va nyikile misava.

17Lava feke, va nga hinkwavo lava nga rhelelela exivandleni xa vafi,

va nga ka va nga dzunisi HOSI Xikwembu;

18kambe hina hi ta xi dzunisa

ku sukela namuntlha ni minkarhi hinkwayo.

Dzunisani HOSI!