Xitsonga 1989 (TSO89)
112

La chavaka Xikwembu, wa kateka

1121Dzunisani HOSI!

Ku katekile munhu loyi a chavaka HOSI Xikwembu,

la rhandzaka ku endla leswi xi lerisaka swona.

2Vana va yena va ta chaviseka etikweni,

vatukulu va munhu loyi wo lulama va ta kateka.

3Emutini wa yena ku ni ndzalo ni rifuwo,

a nga tshiki ku hanana.Kumbe: ku lulama ka yena a ku heli

4Eminkarhini ya makhombo, munhu loyi ú famba eku vonakaleni,

ú ni tintswalo, ú twela vusiwana, a hi ku lulama ka yena!Van'wana va ri: HOSI Xikwembu xi n'wi fambisa eku vonakaleni, hikuva xi ni tintswalo, xi twela vanhu vusiwana, xi ni ku lulama

5Swi sasekile loko munhu a tiva ku hanana ni ku lomba van'wana;

la endlaka sweswo, ú hlayisa swilo swa yena hi ndlela leyi nkhensekaka.

6Munhu wo lulama a nga tsekatsekisiwi hi nchumu,

vanhu a va nga n'wi rivali ni siku ni rin'we.

7Makungu layo biha a ma n'wi tshukisi,

ú tiyile hikuva ú tshemba HOSI Xikwembu.

8Mbilu ya yena a yi kanakani, a yi chavi nchumu,

a kondza a vona ku hluriwa ka valala va yena.

9

112:9
II Kor. 9:9
A nga karhali ku humesa swilo swa yena, a pfuna vapfumari ha swona;

a nga tshiki ku hanana;

hikokwalaho matimba ya yena ma ta ya ma kula, a xiximiwa hi vanhu.

10Lavo homboloka va swi vona, kutani va kariha,

va mpfhumpfhela lavo lulama, kambe va hela ntamu,

makungu ya vona ma helela empfhukeni.