Xitsonga 1989 (TSO89)
111

Mintirho ya Xikwembu ya hlamarisa

1111Dzunisani HOSI!

Ndzi ta nkhensa HOSI Xikwembu hi mbilu ya mina hinkwayo,

ndzi ri xikarhi ka ntshungu wa lavo lulama.

2Mintirho ya HOSI Xikwembu a hi ku kula ka yona,

hinkwavo lava va yi tsakelaka, va yi anakanya.

3Mintirho ya Xikwembu yi tele vunene ni ku dzuneka,

naswona ku lulama ka xona a ku na ku hela.Kumbe: naswona a xi tshiki ku hanana

4HOSI Xikwembu xi tsundzuxa vanhu mahlori ya xona,

xi ni tintswalo, xi twela vanhu vusiwana;

5lava va xi chavaka, xi va phamela swakudya,

ntwanano wa xona a xi wu rivali ni siku ni rin'we.

6Vanhu va xona xi va kombile matimba ya xona

hi ku va nyika tiko ra vanhu vambe ri va ra vona.

7Hinkwaswo leswi xi va endlelaka swona swa tshembeka, swi lulamile;

loko xi bohile makungu, a xi ma hundzuluxi;

8ma tiya minkarhi hinkwayo,

hikuva xi ma nyikile hi ku tshembeka ni ku lulama.

9HOSI Xikwembu xi ntshunxile vanhu va xona,

xi endla na vona ntwanano lowu nga heriki.

Vito ra xona ri hlawulekile, ra chaviseka.

10

111:10
Yob. 28:28
Swiv. 1:7
9:10
Masungulo ya vutlhari i ku chava HOSI Xikwembu,

hinkwavo lava endlaka sweswo va ni ku twisisa.

Ku dzuneka ka HOSI a ku na ku hela!