Xitsonga 1989 (TSO89)
14

141Wansati la tlhariheke, ú tiakela muti,

kasi la nga xiphukuphuku wa wu hahlula.

2Loyi a nga ni mahanyelo lamanene, ú chava HOSI Xikwembu,

kambe loyi a nga ni mikhuva yo gombonyoka, wa xi sandza.

3Ku vulavula ka xiphukuphuku ku xi nghenisa etimhakeni,Van'wana va ri: Enon'weni wa xiphukuphuku ku huma ku tikurisa ntsena

kasi marito ya lavo tlhariha ma va sirhelela.

4Laha ku nga riki na tihomu, mavele ku hava,

ntshovelo lowukulu wu tisa hi ntamu wa homu.

5Mbhoni leyi tshembekeke yi vulavula ntiyiso,

leyi nga tshembekangiki, a hi ku hemba ka yona!

6Musandzi ú lava vutlhari, kambe a nga byi kumi,

munhu la twisisaka, ú kuma vutivi hi ku olova.

7Hambana ni xiphunta,

hikuva a xi nga ku dyondzisi nchumu!Van'wana va ri: u nga fularheli lava vulavulaka va ri ni vutivi

8Vutlhari bya munhu wa miehleketo, byi n'wi komba ndlela,

kasi vuphukuphuku bya swiphunta, bya swi kanganyisa.

9Lavo homboloka, ku dyoha a swi va karhati,

kasi lavo lulama va twelana vusiwana.Van'wana va ri: Lavo homboloka va tshama va ri emilandzwini, kasi lavo lulama minkarhi hinkwayo va tsakeriwa

10Mahlomulo ma twa hi n'winyi wa wona,

ni ntsako wa yena wu nga ka wu nga twi hi un'wana.

11Yindlu ya munhu wo homboloka yi ta hahluriwa,

kasi dladla ra munhu wo tshembeka ri ta katekisiwa.

12

14:12
Swiv. 16:25
Ku ni swilo leswi munhu a nga swi vonaka swi lulamile,

kasi eku heteleleni, swi yisa eku feni.

13Munhu a nga hleka, kasi mbilu ya vava,

mafenya ma hela hi nhlomulo.

14Loyi a nga ni mahanyelo yo biha, ú tshovela mihandzu ya swiendlo swa yena,

na yena lonene, ú vuyeriwa hi mihandzu ya mintirho ya yena.

15Munhu wo kala mano, ú pfumelela hinkwaswo,

kasi munhu wa miehleketo, ú languta ntsena lomu a kongomaka kona.

16La tlhariheke wa xiyaxiya, a papalata leswo biha,

kambe xiphunta xi ni magugu, xi wela swilo ehenhla.

17Munhu wa ximbilwa-mbilwana ú endla swilo hi ndlela ya vuphukuphuku,

kasi munhu wa miehleketo wa tiyisela.Van'wana va ri: va n'wi venga

18Hakelo ya vanhu vo kala mano, i vuphukuphuku,

kasi vutivi i harhi enhlokeni ya lava nga ni miehleketo.

19Munhu wa mintirho yo biha ú ta nkhinsamela lavanene,

ni munhu wa mintirho yo homboloka ú ta va ehansi ka lavo lulama.

20Xisiwana a xi tsakeli hi munhu, hambi va ri vaakelani va xona,

kasi n'wankumi ú ni vanghana lavo tala.

21Ku sandza munhu-kuloni,Van'wana va ri: Ku sandza munhu loyi a nga ni ndlala i xidyoho,

kasi loyi a nga ni tintswalo eka swisiwana wa kateka.

22Lava lukaka mano layo biha, va endla xihoxo;

lava nga ni makungu lamanene, vanhu va va tsakela ni ku va tshemba.

23Hinkwavo lava tikarhataka, va vuyeriwa,

kambe lava tshamelaka ku phyaphyarha ntsena, vo tichela vusiwana.

24Rifuwo i harhi ya vuhosi enhlokweni ya lowo tlhariha,Van'wana va ri: Ku twisisa i harhi ya vuhosi enhlokweni ya lowo tlhariha

kasi xiphukuphuku xi bomba hi vuphukuphuku bya xona.

25Mbhoni leyi vulaka ntiyiso, ya ponisa,

kasi leyi vulavulaka mavunwa, ya dlayisa.

26Ku chava HOSI Xikwembu, swi nyika munhu ku tshemba loku tiyeke,

ni vana va yena va ta va ni ndhawu yo tumbela eka yona.

27Ku chava HOSI Xikwembu i xihlovo xa vutomi,

lexi ponisaka munhu entlhan'wini wa rifu.

28Hosi i vanhu,

laha ku nga riki na vanhu, vuhosi bya hela.

29Munhu loyi a kotaka ku tiyisela swilo, ú twisisa ngopfu,

kasi munhu wa ximbilwa-mbilwana, u nyanya ku paluxa vuphukuphuku bya yena.

30Mbilu leyi tsakeke, yi horisa miri,

kasi ku vilela, swi fana ni vuvabyi byo borisa marhambu.

31Loyi a xanisaka xisiwana, ú le ku rhuketeleni ka Mutumbuluxi wa xona,

kasi loyi a nga ni tintswalo eka vapfumari, ú dzunisa Muvumbi.

32Munhu wo homboloka ú wisiwa hi mintirho ya yena leyo biha,

kasi lowo lulama ú sirheleriwa hi mahanyelo ya yena lamanene.Van'wana va ri: kasi lowo lulama wa sirheleriwa hambi ku ri eku feni

33Vutlhari byi aka emiehleketweni ya munhu loyi a twisisaka,

kambe eka swiphunta a byi tshami.

34Ku lulama swi kurisa tiko,

kasi xidyoho xi khomisa vanhu tingana.

35Nandza wa miehleketo, hosi ya n'wi tsakela,

kambe vukari bya yona byi wela loyi a endlaka leswi khomisaka tingana.