Xitsonga 1989 (TSO89)
1

Manghenelo

11Lexi i xivono xa Obadiya, hi tlhelo ra leswi HOSI N'wini wa hinkwaswo a swi vuleke ehenhla ka va le Edomu.

Xikwembu xi ta tsongahata va le Edomu

HOSI Xikwembu xi rhumile nandza wa xona ematikweni;

mahungu ya kona hi ma kumile, lawa ya nge:

“Sukani mi yima! A hi yeni hi ya hlasela Vaedomu!”

2HOSI yi ku ka va le Edomu:

“Ndzi ta mi tsongahata exikarhi ka tinxaka tin'wana,

ti ta mi hlekula ngopfu.

3Manyunyu ya n'wina ya mi kanganyisile,

n'wina mi tshamaka emakocokocweni,

n'wina mi akeke henhla ka tintshava,

hikuva mi ri:

‘Laha, hi nga ka hi nga susi hi munhu!’

4Kambe mina HOSI, ndzi vurisa sweswo ndzi ri:

Hambiloko mi haha mi ya henhla kukotisa gama,

niloko mi aka xisaka xa n'wina exikarhi ka tinyeleti,

ndzi ta mi hawula!

5“Loko vayivi va mi tela,

ni loko mi ngheneriwa hi makhamba nivusiku,

va ta phangha hinkwaswo leswi va swi lavaka,

va ta tshovela swa muti wa n'wina kukotisa vhinya, va siya makhwaji ntsena;makhwaji, kumbe: leswi nkun'huriwaka, nghumu

mi ta sala mi lo gòò!

6Va ta lavisisa rifuwo ra n'wina va ka Esawu,

va ko va ri kuma, va ri teka.

7Hinkwavo vanghana va n'wina va ta mi kanganyisa,

va mi hlongola etikweni ra n'wina;

lava a mi twanana na vona va ta lwa na n'wina va mi hlula,

lava a mi va tshemba ngopfu va ta mi phija mi wa,Kumbe: va ta mi phariyeta mi wa

vutlhari bya n'wina a byi nga ha pfuni nchumu.

8“Siku leri ndzi nga ta ba Vaedomu mina HOSI,

ndzi ta herisa tintlhari ta vona,

ndzi herisa ni vutivi entshaveni ya Esawu.

9Tinhenha ta wena, we muti wa Temana, ti ta rhurhumela hi ku chava,

kutani vavanuna hinkwavo va le Edomu va ta dlayiwa.”

Xivangelo xa ku biwa ka Edomu

10“Leswi mi khomeke vamakwenu va ka Yakobo hi tihanyi letikulu,

mi ta khomisiwa tingana, mi heriseriwa makumu.

11Siku leri vanhu vambe va tekeke rifuwo ra ka Yakobo,

n'wina a mo yima mi hlalela;

siku leri valala va nga nghena emutini wa Yerusalema, va phakelana swilo swa vona hi vuhlolotwana,

n'wina mi tiendle vanghana va vona.

12Naswona a mi nga fanelanga ku tsaka,

siku vamakwenu va weleke ekhombyeni;

siku va ka Yuda va herisiweke,

a mi nga fanelanga ku ba minkulungwana;

a mi nga fanelanga ku tibumabuma,

loko va ri emaxangwini.

13A mi nga fanelanga ku nghena emutini wa vanhu va mina,

siku va hlaseriweke;

a mi nga fanelanga ku tsaka,

siku va xanisiweke;

siku va weleke khombyeni,

a mi nga fanelanga ku phangha rifuwo ra vona.

14

1:14
Es. 34:5-17
63:1-6
Yer. 49:7-22
Ez. 25:12-14
35:1-15
Am. 1:11-12
Mal. 1:2-5
A mi nga fanelanga ku ya yima emahandzeni ya tindlela,

mi tlherisa lava balekaka;

lava poneke, a mi nga fanelanga ku va khoma,

mi va nyiketa eka valala esikwini ra khombo.”

Xikwembu xi ta avanyisa matiko

15“Siku leri mina HOSI ndzi nga ta avanyisa

vanhu va matiko hinkwawo, ri tshinele.

N'wina vamatiko, leswi mi swi endleke va ka Yakobo,

mi ta endliwa swona na n'wina.Kumbe: We Edomu, leswi u swi endleke va ka Yakobo, u ta endliwa swona na wena

16Leswi vanhu va mina va swi nweke kwale ntshaveni ya mina leyo hlawuleka,

vanhu va matiko hinkwawo va ta swi nwa minkarhi hinkwayo,Van'wana va ri: Kambe vanhu va matiko hinkwawo lawa ma va rhendzeleke, va ta swi nwa

va ta nwa va kondza va heta,

va heriseriwa makumu.”

Ku hlula ka Vaisraele

17“Entshaveni ya Siyoni, van'wana va ta pona;

ntshava leyi yi ta va yi hlawulekile.

Va ka Yakobo va ta tlhela va kuma

leswi nga swa vona.Van'wana va ri: Va ka Yakobo va ta tekela lava a va va tekela swa vona

18Va ka Yakobo ni va ka Yosefa

va ta fana ni ndzilo, ni malangavi ya wona:

Va ta hisa va ka Esawu va tshwa va hela

kukota mavivi;

eka va ka Esawu, a ku nga poni na un'we,

ndzi vurisa sweswo, mina HOSI.”

19Vanhu lava tshamaka edzongeni ra tiko ra Yuda va ta teka tiko ra va ka Esawu; lava nga vupeladyambu, va ta teka tiko ra Vafilista; va ta teka tiko ra va ka Efrayimi ni ra Samariya; va ka Benjamini vona va ta teka ra Giliyadi. 20Vuthu ra Vaisraele lava yisiweke evukhumbiniVan'wana va ri: Lava yisiweke evukhumbini le Hala ri ta teka tiko ra Vakanana ku ya fika emutini wa Sarepta. Lava sukeke eYerusalema va yisiwa evukhumbini le Safarada, va ta teka miti leyi nga dzongeni. 21Valamuleri va ta tlhandlukela entshaveni ya Siyoni, leswaku va fuma va le ntshaveni ya Esawu. HOSI Xikwembu hi xiviri, hi xona xi nga ta va hosi.