Xitsonga 1989 (TSO89)
2

Rito eka va le Ninivha

21Va fikile, lava nga ta ku hlasela va ku fayetela.

Rhalarhala, u ri ekhokholweni, u xiyaxiya tindlela.

Tibohe xisuti,

u tinyika matimba u tiya!

Rito ehenhla ka va le Yuda

2HOSI Xikwembu xi pfuxeta ku dzuneka ka Yakobo,

xi pfuxeta ni ku dzuneka ka Israele,Van'wana va ri: xi pfuxeta murhi wa vhinya ya Yakobo, ni murhi wa vhinya ya Israele

hikuva vaonhi va onhile swa vona,

va phatlulerile marhavi ya vona.

Ta ku wa ka Ninivha

3Switlhangu swa tinhenha ta XikwembuKumbe: Switlhangu swa valala va Ninivha swi tshwukile,

masocha ya kona ma ambarile swa xivunguvungu.

Loko makalichi ma ri karhi ma xaxametiwa,

tinsimbhi ta wona ta vangama-vangama,Van'wana va ri: (makalichi) ma vangama ku fana ni malangavi ya ndzilo

matlhari ma rhurhumerisiwa.Van'wana va ri: tihanci ti yima hi milenge ya le ndzhaku

4Makalichi ma rhendzeleka-rhendzeleka emagondzweni,

ma tsutsuma-tsutsuma erivaleni,

ma vangama ku fana ni swisa swa ndzilo,

ma hatima-hatima tanihi rihati.

5Tindhuna ta nyimpi ta rhambiwa,Van'wana va ri: Hosi ya Vaasiriya yi anakanya tinhenha ta yona ta khale

ta khuguka loko ti famba;

ti tsutsumela erirhangwini ra muti,

ti endla swisirhelelo hi switlhangu.

6Swipfala-nambu swi tshoviwa,Kumbe: Tinyangwa ta le tlhelo ra nambu ti tshoviwa

tindlu ta le ntsindza ti mbundzumuxiwa.Kumbe: va le ntsindza va hlangana nhloko

7Nkosikazi yi kokeriwa handle, yi yisiwa evukhumbiniVan'wana va ri: Xifaniso xa xikwembukazi xi fununguriwa, xi susiwa

malandza ya yona ya xisati ma ri karhi ma rila,

ma tiputa vusiwana ku fana ni swivambalana,

ma tiba swifuva.

8Muti wa Ninivha a wu fana ni xidziva xa mati;

kambe sweswi mati ya kona ma phohlile.

Hambiloko ku huweleriwa va ku: “Yimani! Yimani!”

a ku yimi munhu.

9Phanghani silivhere, mi phangha ni nsuku!

Mi nga ka mi nga heti swa le vuhlayiselweni bya kona,

ni xuma xa kona xa swilo swa risima

swa tinxaka-xaka.

Ri kwihi bako ra nghala ya Ninivha xana?

10Muti wa Ninivha wu herile, wu herisiwile, wu hundzuke rhumbi!

Va hela mbilu, matsolo ya vona ma gudlagudla,

va twa switlhavi emirini hinkwawo,

hinkwavo va hundzuka tinghohe hi ku chava.

11Xana ri kwihi bako ra tinghala xana,

ni ndhawu ya swinghalana yi kwihi xana,

laha nghala a yi tisa nhloto wa yona kona,Van'wana va ri: laha nghala a yi nghena kona ni nkati ya yona

ni laha swinghalana swa yona a swi tshama kona, swi nga karhatiwi hi nchumu, xana?

12Khale nghala ya matsune a yi phatlulela tinyama, yi nyika vana va yona;

a yi khoma swiharhi, yi nyika tinghala ta yona ta xisati,

yi tata mabako ya yona hi nhloto wa kona,

ni tindhawu ta yona hi nyama leyi phatluleriweke.

13HOSI ya matimba hinkwawo yi ri: “Yingisa we Ninivha, ndza ku pfukela. Ndzi ta hisa makalichi ya wena, ndzi tlhavetela tinhenha ta wenaVan'wana va ri: swinghalana swa wena hi fumu. Ndzi ta susa nhloto wa wena emisaveni ya Ninivha, kutani rito ra varhumiwa va wena a ri nga ha twali.”Van'wana va ri: xidumo xa mintirho ya wena a xi nga ha twali