Xitsonga 1989 (TSO89)
18

Lonkulu i mani?

(Mk. 9:33-37; Lk. 9:46-48)

181

18:1
Lk. 22:24
Enkarhini wolowo, vadyondzisiwa va ta ka Yesu va ku: “Lonkulu eMfun'weni wa matilo i mani xana?” 2Yesu a vitana n'wana, a n'wi yimisa exikarhi ka vona, a ku: 3
18:3
Mk. 10:15
Lk. 18:17
“Ndzi tiyisile ndzi ri ka n'wina, loko mi nga hundzuki mi fana ni vana, a mi nga ngheni eMfun'weni wa matilo. 4Hikokwalaho ke, loyi a titsongahataka kukotisa n'wana loyi, hi yena la nga lonkulu eMfun'weni wa matilo. 5Naswona loyi a amukelaka n'wana wo kota loyi hi vito ra mina, ú amukela mina.

Ta swikhunguvanyiso

(Mk. 9:42-48; Lk. 17:1-2)

6“Kambe loyi a khunguvanyisaka un'wana wa lavatsongo lava va pfumelaka ka mina, swi nga antswa loko a boheleriwa ribye ra ku sila enhan'wini, a hoxiwa exidziveni xa lwandle. 7Yi ni khombo misava hikwalaho ka ku khunguvanyisa; loko ku ri ku khunguvanyisa, kunene ku fanele ku va kona, kambe ú ni khombo munhu loyi ku khunguvanyeka ku humelelaka hikwalaho ka yena. 8

18:8
Mt. 5:30
Loko voko ra wena kumbe nenge wa wena swi ku khunguvanyisa, swi tseme, u swi cukumeta kule na wena; hikuva swi nga antswa loko u nghena evutomini u ri xilema kumbe u khwita, ku ri ni ku hoxiwa endzilweni lowu nga timekiki u ri ni milenge mimbirhi kumbe mavoko mambirhi. 9
18:9
Mt. 5:29
Ni loko tihlo ra wena ri ku khunguvanyisa, ri xokole, u ri cukumeta kule na wena; hikuva swi nga antswa ku nghena evutomini u ri ni tihlo rin'we, ku ri ni ku hoxiwa endzilweni wa Tihele u ri ni mahlo mambirhi.

Xifaniso xa nyimpfu leyi lahlekeke

(Lk. 15:3-7)

10“Tilanguteleni leswaku mi nga sandzi un'wana wa lavatsongo lava; hikuva ndza mi byela leswaku tintsumi ta vona le matilweni ti tshama ti langutile mombo wa Tata wa mina la nge matilweni, masiku hinkwawo. [ 11

18:11
Lk. 19:10
Hikuva N'wana-wa-Munhu ú tile ku ta lava ni ku ta ponisa leswi lahlekeke.]Van'wana a va tsalanga ndzimana leyi 12Xana mi anakanya yini hi mhaka leyi xana: Loko munhu a ri ni dzana ra tinyimpfu, kutani yin'we ya tona yi lahleka, xana a nga ka a nga siyi leta 99 enhoveni, a ya lava leyi lahlekeke xana? 13Ndzi tiyisile ndzi ri ka n'wina, loko a tshuka a yi kumile, ú ta yi tsakela ngopfu ku tlula leta 99 leti nga lahlekangiki. 14Hi mukhuva wolowo, a hi ku rhandza ka Tata wa n'wina la nge matilweni leswaku ku lahleka na un'we wa lavatsongo lava.

Ta makwavo la dyoheke

(Lk. 17:3)

15

18:15
Lk. 17:3
“Loko makwenu a ku dyoherile, yana u ya n'wi komba ku hoxa ka yena, mi ri vambirhi ntsena; loko a ku yingisa, u ta va u vuyisile makwenu. 16
18:16
Dut. 19:15
Kambe loko a nga ku yingisi, teka vanhu vambirhi, kumbe un'we, leswaku mhaka hinkwayo yi tiyisiwa hi milomo ya timbhoni tinharhu, kumbe timbirhi. 17Loko a ala ku va yingisa, byela nhlengeletano;nhlengeletano, kumbe: kereke loko a ala ku yingisa na yona nhlengeletano, eka wena a a kotise muhedeni ni muluvisi.

Ta ku alela ni ku pfumelela

18

18:18
Mt. 16:19
Yoh. 20:23
“Ndzi tiyisile ndzi ri ka n'wina, hinkwaswo leswi mi nga ta swi alela la misaveni, swi ta aleriwa ni le tilweni; ni hinkwaswo leswi mi nga ta swi pfumelela la misaveni, swi ta pfumeleriwa ni le tilweni.ku alela, ku pfumelela, kumbe: ku boha, ku ntshunxa 19Ndzi tiyisa kambe ndzi ri ka n'wina: Loko vambirhi exikarhi ka n'wina va twanana laha misaveni hi mhaka yihi na yihi, kutani va yi kombela hi ku khongela, va ta nyikiwa hi Tata wa mina la nge matilweni. 20Hikuva laha vambirhi kumbe vanharhu va hlengeletaneke kona hi vito ra mina, na mina ndzi kona exikarhi ka vona.”

Xifaniso xa nandza la nga tsetseleriki nakulobye

21

18:21-22
Lk. 17:3-4
Kavaloko Petro a ta eka Yesu, a fika a n'wi vutisa a ku: “Hosi, loko makwerhu a tshamela ku ndzi dyohela, xana ndzi ta n'wi rivalela kangani xana? Swi nga va ka 7 xana?” 22Yesu a ku ka yena: “A ndzi ku byeli ku n'wi rivalela ka 7, kambe ndzi ri ka 7 loku andzisiwaka hi 70.Kumbe: kambe ndzi ri ka 77 23Hikuva Mfumo wa matilo wu fana ni hosi leyi naveleke ku kambisisa timali leti tameriweke hi malandza ya yona. 24Kuteloko yi sungurile ku kambisisa, ku tisiwa munhu un'wana la nga ni nandzu lowukulu wa mali ya magidi-gidi. 25Kambe leswi munhu loyi a a pfumala xo n'wi tlherisela hi xona, n'wini wa yena a lerisa leswaku a xavisiwa, yena ni nsati ni vana ni hinkwaswo leswi a nga na swona, leswaku nandzu wu ta hela hi mukhuva wolowo. 26Hiloko nandza yoloye a wela emilengeni ya n'wini wa yena, a khongela a ku: ‘Ndzi lehisele mbilu, ndzi ta ku tlherisela hinkwaswo.’ 27N'wini wa nandza loyi a n'wi twela vusiwana, a n'wi ntshunxa ni ku n'wi rivalela nandzu wa kona. 28Kambe loko nandza loyi a humele handle, a hlangana ni nandza-kulobye loyi a a ri ni nandzu lowutsongo eka yena, wa mali ya makume ma nga ri mangani; kavaloko a n'wi khoma, a n'wi tlimba minkolo, a ku: ‘Humesa mali ya mina!’ 29Nandza-kulobye yoloye a wela emilengeni ya yena, a n'wi khongela a ku: ‘Ndzi lehisele mbilu, ndzi ta ku tlherisela hinkwaswo.’ 30Kambe yena a ala, a ya n'wi hoxa ekhotsweni, a kondza a tlherisa mali hinkwayo. 31Kutani loko malandza laman'wana ma vona leswi humeleleke, ma khomiwa hi gome ngopfu, ma ya rungulela n'wini wa wona hinkwaswo leswi humeleleke. 32Kavaloko n'wini a vitana nandza loyi, a ku ka yena: ‘Nandza lowo biha! A ndzi ku rivalele nandzu wa wena hinkwawo, leswi a wu ndzi komberile; 33xana a swi nga ku fanelanga na wena ku tsetselela nakuloni, kukotisa leswi na mina ndzi nga ku tsetselela ke?’ 34Kutani n'wini wa yena a n'wi karihela, a n'wi nyiketa emavokweni ya maphorisa, nandza yoloye a kondza a tlherisa mali hinkwayo. 35Tata wa mina wa le matilweni ú ta endlisa sweswo eka n'wina, loko un'wana ni un'wana wa n'wina a nga rivaleri makwavo hi mbilu hinkwayo ya yena.”