Xitsonga 1989 (TSO89)
14

Ta ku fa ka Yohane Mukhuvuri

(Mk. 6:14-29; Lk. 9:7-9)

141Enkarhini wolowo, loko ku twakala ka Yesu ku fikile etindleveni ta hosi Heroda, 2a ku ka malandza ya yena: “Munhu loyi i Yohane Mukhuvuri; ú lo pfuka eku feni; kutani hi swona leswi endlaka leswaku mintirho leyi ya matimba yi vonaka eka yena.”

3

14:3-4
Lk. 3:19-20
Mhaka hi leswaku Heroda a a khomile Yohane, a n'wi boha, a n'wi nghenisa ekhotsweni hikwalaho ka Herodiya, nkata Filipi makwavo; 4
14:4
Levh. 18:16
20:21
hikuva Yohane a a tshamela ku byela Heroda, a ku: “A wu pfumeleriwi ku tekela makwenu ensati wa yena.” 5Heroda a a navela ku n'wi dlaya, kambe a a chava vanhu hikuva a va ku: “Yohane i muprofeta!” 6Kambe enkhubyeni wa siku ra ku velekiwa ka Heroda, n'wana wa Herodiya wa xisati a cina emahlweni ka vanhu, a tsakisa Heroda; 7hikokwalaho, Heroda a n'wi tshembisa hi ku hlambanya, a ku: “Xin'wana ni xin'wana lexi u nga ta xi kombela, ndzi ta ku nyika xona.” 8Hiloko nhwanyana a byeleteriwa hi mana wakwe ku hlamula, a ku: “Ndzi nyike nhloko ya Yohane Mukhuvuri ko kwala, yi ri enkambaneni.” 9Hosi yi khomiwa hi tingana; kambe hikwalaho ka ku hlambanya ka yona, ni hikwalaho ka lava tshameke na yona eswakudyeni, yi lerisa leswaku nhloko yi nyikiwa lowa nhwanyana. 10Ku rhumiwa vanhu, va ya tsema nhloko ya Yohane ekhotsweni. 11Kutani nhloko leyi yi tisiwa yi ri enkambaneni, va nyika nhwanyana; yena a yi yisa eka mana wa yena. 12Kavaloko vadyondzisiwa va Yohane va ta, va ta teka ntsumbu wa yena, va ya wu lahla; kutani va ya tivisa Yesu.

Ta ku phameriwa ka vanhu va 5 000

(Mk. 6:30-44; Lk. 9:10-17; Yoh. 6:1-14)

13Loko Yesu a twile timhaka teto, a suka kwalaho hi byatso, a pelela laha ku nga mananga, a ri yexe. Loko mintshungu yi swi twile, yi huma emitini, yi n'wi landza hi milenge. 14Eku humeni ka yena ebyatsweni, a vona ntshungu lowukulu, kutani a wu twela vusiwana, a hanyisa lava vabyaka exikarhi ka wona.

15Kuteloko ri perile, vadyondzisiwa va ta eka yena va ku: “Lomu i mananga, na swona nkarhi wu hundzile, tlherisa mintshungu, yi ya emitini, yi ya tixavela swakudya.” 16Kambe Yesu a ku ka vona: “A va fanelanga ku suka; va phameleni n'wina.” 17Va ku ka yena: “A hi na nchumu la, loko ku nga ri swinkwa swa ntlhanu ni tinhlampfi timbirhi.” 18A ku: “Swi tiseni haleno.” 19Kutani loko a lerisile ntshungu ku tshama hansi ebyanyini, a teka swinkwa leswa ntlhanu ni tinhlampfi timbirhi, a languta henhla etilweni, a nkhensa. Kavaloko a phemelela swinkwa sweswo, a nyika vadyondzisiwa, vona va avela ntshungu. 20Hinkwavo va dya va xurha; kutani va rholela mahlanhla lawa ya nga sala, ma tata swirhundzu swa 12. 21Kasi lava dyeke a va ri vanhu lava lavaka ku va 5 000, loko ku nga hlayiwi vavasati ni vana.

Ta Yesu loko a famba ehenhla ka mati

(Mk. 6:45-52; Yoh. 6:15-21)

22Endzhaku ka sweswo, Yesu a lerisa vadyondzisiwa leswaku va nghena ebyatsweni, va pfa va ya entsungeni, loko yena a ri karhi a tlherisa vanhu. 23Kuteloko a tlherisile mintshungu leyi, a tlhandlukela entshaveni ku ya khongela hi tlhelo; kutani a peleriwa hi dyambu a ha ri kwalaho a ri yexe. 24Byatso byona, a byi fambile mpfhuka lowukulu byi sukile eribuweni, byi tsekatsekisiwa hi magandlati, hikuva mheho a yi byi sivela. 25Hi nkarhi wa mahlamba-ndlopfu, a ta ka vona, a ri karhi a famba ehenhla ka lwandle. 26Loko vadyondzisiwa va n'wi vona a ri karhi a famba ehenhla ka lwandle, va tshuka ngopfu va ku: “I xipuku!” Kutani va huwelela hi ku chava. 27Kambe Yesu a hatla a vulavula na vona, a ku: “Tiyisani timbilu, hi mina; mi nga chaveni!” 28Petro a n'wi hlamula, a ku: “Hosi, loko u ri wena hakunene, lerisa leswaku ndzi ta kwalaho hi le henhla ka mati.” 29Yesu a ku ka yena: “Tana!” Kutani Petro a huma ebyatsweni, a famba ehenhla ka mati, a ya ka Yesu. 30Kambe loko a vona mheho, a khomiwa hi ku chava; kutani loko a sungula ku mbombomela, a huwelela a ku: “Hosi, ndzi ponise!” 31Yesu a hatla a tshambuluta voko, a n'wi khoma, a ku ka yena: “Munhu wa ku pfumela lokutsongo, u kanakanile ha yini xana?” 32Kuteloko va nghene ebyatsweni, mheho yi miyela. 33Kutani lava a va ri ebyatsweni va nkhinsamela Yesu, va ku: “Hakunene, u N'wana wa Xikwembu.”

Ta Yesu loko a hanyisa vavabyi eGenesareta

(Mk. 6:53-56)

34Loko va pelele entsungeni, va fika etikweni ra Genesareta. 35Loko vanhu va kona va tivile leswaku hi yena Yesu, va rhumela rito ematlhelweni hinkwawo, kutani hinkwavo lava vabyaka va tisiwa eka yena. 36Vanhu va n'wi khongela leswaku a pfumelela vavabyi ku khumba hambi ma ri makumu ya xiambalo xa yena ntsena; kutani hinkwavo lava nga n'wi khumba, va hanyisiwa.

15

Ta mikhuva ya Vayuda va khale

(Mk. 7:1-13)

151Enkarhini wolowo, Vafarisi ni vatsari lava humaka eYerusalema va ta ka Yesu, va ku: 2“Hikwalaho ka yini vadyondzisiwa va wena va tshika mikhuva leyi hi yi kumeke eka lava khale xana? Hikuva va dya va nga hlambanga mavoko.” 3A va hlamula, a ku: “Na n'wina, mi tlulela yini nawu xa Xikwembu hi mikhuva ya n'wina ke? 4

15:4
Eks. 20:12
21:17
Dut. 5:16
Levh. 20:9
Xikwembu xi te: ‘U va ni xichavo eka tata wa wena ni ka mana wa wena.’ Naswona xi te: ‘Loyi a rhukanaka tata wa yena kumbe mana wa yena, a a dlawe!’ 5Kasi n'wina mi ri, munhu a nga byela tata wa yena kumbe mana wa yena, a ku: ‘Leswi a ndzi ta fanela ku ku pfuna ha swona, i mhamba leyi hlayiseriweke Xikwembu.’ 6Eka n'wina, munhu loyi a nga ha ri na fanelo ya ku pfuna tata wa yena. Kutani ke mi onha rito ra Xikwembu hi mikhuva ya n'wina. 7Vakanganyisi, Esaya a a vula n'wina hakunene loko a te:

8

15:8-9
Es. 29:13
“ ‘Vanhu lava va ndzi xixima hi nomo,

kambe timbilu ta vona ti le kule na mina.

9Va tikarhata ntsena hi ku ndzi nkhinsamela,

tidyondzo leti va ti dyondzisaka i milawu ya vanhu ntsena.’ ”

Ta swilo leswi nyamisaka

(Mk. 7:14-23)

10Kutani Yesu a vitana ntshungu, a ku ka wona: “Yingisani, mi twisisa. 11Leswi nghenaka enon'weni, a hi swona leswi nyamisaka munhu, kambe leswi humaka enon'weni, hi swona leswi nyamisaka munhu.”

12Kavaloko vadyondzisiwa va ta eka yena, va ku: “Xana wa swi tiva leswaku Vafarisi va khunguvanyekile, loko va twile marito ya wena ke?” 13A hlamula, a ku: “Ximila xin'wana ni xin'wana lexi nga simekiwangiki hi Tata wa mina wa le tilweni, xi ta tsuvuriwa. 14

15:14
Lk. 6:39
Va tshikeni, hi lavo-fe-mahlo lava fambisaka lavo-fe-mahlo.Van'wana va ri: i vafambisi lava feke mahlo Loko lowo-fe-mahlo a fambisa lowo-fe-mahlo, va ta wela ekheleni hi vumbirhi bya vona.”

15Petro a n'wi hlamula a ku: “Hi hlamusele xifaniso lexiyani.” 16A ku: “Xana ni sweswi ma ha pfumala ku twisisa na n'wina ke? 17Xana a mi swi tivi leswaku hinkwaswo leswi nghenaka enon'weni, swi ya ekhwirini, kutani swi cukumetiwa enhoveni ke? 18

15:18
Mt. 12:34
Kasi leswi humaka enon'weni, swi pfa hi le mbilwini, kutani hi swona leswi nyamisaka munhu. 19Hikuva miehleketo leyo biha, ni ku dlayana, ni vuoswi, ni vuphukuphuku, ni ku yiva, ni vumbhoni byo hemba, ni ku sandzana, swi huma embilwini; 20hi swona leswi nyamisaka munhu; kambe ku dya hi mavoko lama nga hlambiwangiki, a hi xilo lexi nyamisaka munhu.”

Ta ku pfumela ka wansati wa Kanana

(Mk. 7:24-30)

21Yesu a suka kwalaho, a ya etikweni ra Tiri na Sidoni. 22Kutani ku humelela wansati wa le Kanana la humeke ematlhelweni walawo, a huwelela a ku: “Ndzi twele vusiwana, Hosi N'wana Davhida! N'wana wa mina wa wanhwanyana ú xaniseka ngopfu hi demona.” 23Kambe Yesu a nga n'wi hlamulanga nchumu. Kutani vadyondzisiwa va yena va n'wi kombela va ku: “N'wi hlongole, hikuva ú hi bela huwa a ri karhi a hi landzelela.” 24Yesu a hlamula a ku: “A ndzi rhumiwanga eka van'wana, loko ku nga ri eka Vaisraele, lava lahlekeke kukota tinyimpfu.” 25Hiloko wansati a ta, a ta n'wi nkhinsamela, a ku: “Hosi, ndzi pfune!” 26A n'wi hlamula, a ku: “A swi sasekanga ku tekela vana evuswa, u nyika timbyana.” 27Yena a ku: “Ina Hosi, kambe hambi ti ri timbyana, ti dya mahlanhla lama waka hi le tafuleni ra vini va tona.” 28Kwalaho Yesu a hlamula, a ku ka yena: “Manana, ku pfumela ka wena i kukulu; a ku endliwe hilaha u kombelaka hakona!” Kutani n'wana wa yena a hanyisiwa hi nkarhi wolowo.

Ta Yesu loko a hanyisa lavo tala

29Loko Yesu a sukile kwalaho, a tlhelela kusuhi ni lwandle ra Galeliya, kutani a tlhandlukela entshaveni, a fika a tshama hansi. 30Mintshungu leyikulu yi ta ka yena, yi ri ni lavo khwita, ni swilema, ni lavo-fe-mahlo, ni timbheveve, ni van'wana lavo tala; yi va veka emilengeni ya Yesu, kutani a va hanyisa. 31Mintshungu yi hlamala loko yi vona timbheveve ti vulavula, ni swilema swi hanyisiwa, ni lavo khwita va famba, ni lavo-fe-mahlo va vona; kutani yi dzunisa Xikwembu xa Israele.

Ta Yesu loko a phamela vanhu va 4 000

(Mk. 8:1-10)

32Yesu a vitana vadyondzisiwa va yena, a ku ka vona: “Ndzi twela ntshungu lowu evusiwana, hikuva va xwile masiku manharhu na mina, kutani a va ha ri na swakudya; a ndzi lavi ku va tlherisela emakaya va ri ni ndlala, hikuva va nga wa endleleni.” 33Vadyondzisiwa va ku ka yena: “Xana hi nga swi kuma kwihi kwala mananga swakudya swo phamela ntshungu lowo tano, va dya va xurha ke?” 34Yesu a ku ka vona: “Mi ni swinkwa swingani ke?” Va ku: “Hi ni swinkwa swa 7, ni tinhlampfinyana ti nga ri tingani.” 35Kwalaho a lerisa ntshungu leswaku wu tshama hansi. 36Kutani a teka swinkwa swa 7 ni tinhlampfi, a nkhensa, a phema, a nyika vadyondzisiwa, vona va avela ntshungu. 37Hinkwavo va dya va xurha, va rholela ni mahlanhla lama nga sala, ma tata swirhundzu swa 7 leswikulu. 38Lava nga dya, a va ri vanhu va 4 000, loko ku nga hlayiwi vavasati ni vana. 39Kuteloko a tlherisile mintshungu, a nghena ebyatsweni, a ya etikweni ra Magadani.Van'wana va ri: Magadala

16

Ta lava kombelaka mahlori

(Mk. 8:11-13; Lk. 12:54-56)

161

16:1
Mt. 12:38
Lk. 11:16
Vafarisi ni Vasaduki va ta ka Yesu va ta n'wi ringa, va kombela leswaku a endla mahlori lama humaka etilweni. 2Yena a va hlamula, a ku: “[Nimadyambu, mi ri: ‘Ri ta xa swinene, hikuva tilo ri tshwukile ku fana ni ndzilo.’ 3Kutani nimixo mi ri: ‘Namuntlha yi ta na, hikuva tilo ri tshwukile, ni ku vimba ri vimbile.’ Mi tiva ku xiya xiyimo xa tilo, kambe mi tsandzeka ku xiya mahlori ya minkarhi leyi!]Van'wana a va tsalanga tindzimana 2 na 3 4
16:4
Mt. 12:39
Lk. 11:29
Rixaka leri i ra lunya ni ra lava sandzaka Xikwembu; ri kombela mahlori, kambe ri nga ka ri nga nyikiwi wona, loko ma nga ri mahlori ya muprofeta Yonasi.” Kutani a va siya, a tifambela.

Ta comela xa Vafarisi ni xa Vasaduki

(Mk. 8:14-21)

5Loko vadyondzisiwa va pelela entsungeni, va rivala ku teka swinkwa. 6

16:6
Lk. 12:1
Yesu a ku ka vona: “Tlharihani, mi chava comela xa Vafarisi ni xa Vasaduki.” 7Kutani va kanetana va ku: “Kumbe hi leswi hi nga tekangiki swinkwa.” 8Kuteloko Yesu a swi twile, a ku ka vona: “Vanhu va ku pfumela lokutsongo, hikwalaho ka yini mi kanetana hi leswi mi nga riki na swinkwa xana? 9
16:9
Mt. 14:17-21
Xana a mi si twisisa? Xana a mi tsundzuki swinkwa swa ntlhanu leswi nga phamela vanhu va 5 000, ni leswaku mi tatile swirhundzu swingani leswikulu hi mahlanhla xana? 10
16:10
Mt. 15:34-38
A mi tsundzuki ni swinkwa swa 7 leswi nga phamela vanhu va 4 000 ni leswaku mi tatile swirhundzu swingani hi mahlanhla ke? 11Hikwalaho ka yini mi nga swi twi leswaku a ndzi nga vulavuli na n'wina hi ta swinkwa xana? Chavani comela xa Vafarisi ni xa Vasaduki!” 12Hi kona va twisisaka leswaku a a nga vuli ku chava comela xa swinkwa, kambe ku chava tidyondzo ta Vafarisi ni ta Vasaduki.

Ta Petro loko a vula leswaku Yesu i mani

(Mk. 8:27-30; Lk. 9:18-21)

13Loko Yesu a fikile etikweni ra Khezariya wa Filipi, a vutisa vadyondzisiwa va yena, a ku: “Xana vanhu vona va ri, N'wana-wa-Munhu i mani ke?” 14

16:14
Mt. 14:1-2
Mk. 6:14-15
Lk. 9:7-8
Va ku: “Van'wana va ri, u Yohane Mukhuvuri; van'wana va ri, hi we Eliya; van'wana va ri, hi we Yeremiya, kumbe un'wana wa vaprofeta.” 15A ku ka vona: “N'wina ke, mi ri ndzi mani xana?” 16
16:16
Yoh. 6:68-69
Kutani Simoni Petro a hlamula a ku: “U Mesiya, N'wana wa Xikwembu lexi hanyaka.” 17Yesu a hlamula a ku: “U katekile Simoni n'wana Yona, hikuva a hi munhu wa misava la nga ku pfuletela sweswo, kambe i Tata wa mina wa le tilweni. 18Kwalaho ndzi ri ka wena: U ‘Petro’,Vito ra ‘Petro’, ri vula ‘ribye’ hi Xigriki kutani ehenhla ka ribye reri, ndzi ta aka kereke ya mina; kutani hambi wu ri ntamu wa rifu wu nga ka wu nga yi hluri. 19
16:19
Mt. 18:18
Yoh. 20:23
Ndzi ta ku nyika swilotlelo swa Mfumo wa matilo; kutani lexi u nga ta xi alela la misaveni, xi ta aleriwa ni le tilweni, ni lexi u nga ta xi pfumelela la misaveni, xi ta pfumeleriwa ni le tilweni.”ku alela, ku pfumelela, kumbe: ku boha, ku ntshunxa 20Kutani a laya vadyondzisiwa leswaku va nga tshuki va byela munhu leswaku hi yena Mesiya.

Ta Yesu loko a tivisa rifu ra yena

(Mk. 8:31 – 9:1; Lk. 9:22-27)

21Ku sukela nkarhini wolowo Yesu a sungula ku tivisa vadyondzisiwa va yena leswaku ú fanele ku ya eYerusalema, a twisiwa ku vaviseka lokukulu hi vakulukumba ni vaprista lavakulu ni vatsari, a dlawa, a tlhela a pfuka eku feni hi siku ra vunharhu. 22Kambe Petro a n'wi kokela etlhelo, a n'wi tshinya a ku: “Xikwembu xi nga swi pfumeleri leswi, we Hosi! Swilo leswi, swi nga ka swi nga ku humeleri.” 23Yena a hundzuluka, a ku ka Petro: “Suka ka mina Sathana! U xikhunguvanyiso eka mina, hikuva a wu ehleketi swa Xikwembu, u ehleketa swa vanhu ntsena.”

24

16:24
Mt. 10:38
Lk. 14:27
Yesu a engeta a ku ka vadyondzisiwa va yena: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza, 25
16:25
Mt. 10:39
Lk. 17:33
Yoh. 12:25
hikuva la rhandzaka ku tihlayisela vutomi bya yena, ú ta lahlekeriwa hi byona; kambe loyi a lahlekeriwaka hi vutomi bya yena hikwalaho ka mina, u ta tlhela a byi kuma. 26Hikokwalaho loko munhu a kota ku fuwa misava hinkwayo, kambe a lahlekeriwa hi vutomi bya yena, swi ta va swi n'wi pfune yini ke? Kumbe munhu ú ta humesa yini ku xava vutomi bya yena xana? 27
16:27
Mt. 25:31
Ps. 62:12
Rho. 2:6
Hikuva N'wana-wa-Munhu ú ta vuya hi ku kwetsima ka Tata wa yena, a ri ni tintsumi ta yena, kutani hi kona a nga ta nyika un'wana ni un'wana hi ku ya hi mintirho ya yena. 28Ndzi tiyisile ndzi ri ka n'wina: Ku ni van'wana exikarhi ka lava nga kwala, lava nga ta ka va nga khumbiwi hi rifu va nga si vona N'wana-wa-Munhu a vuya eMfun'weni wa yena.”