Xitsonga 1989 (TSO89)
11

111Kuteloko Yesu a hetile ku lerisa vadyondzisiwa va yena lava va khume na vambirhi, a suka kwalaho, a ya dyondzisa ni ku twarisa Evhangeli emitini ya vona.

Ta lava rhumiweke hi Yohane Mukhuvuri

(Lk. 7:18-35)

2Kuteloko Yohane a ri ekhotsweni, a twa ta mintirho ya Kriste, kutani a rhuma vadyondzisiwa van'wana va yena, va ya vutisa Yesu, va ku: 3“Xana hi wena loyi va nge wa ta, kumbe xana ha ha langutela un'wana ke?” 4Yesu a hlamula, a ku ka vona: “Fambani, mi ya rungulela Yohane leswi mi swi twaka ni leswi mi swi vonaka: 5

11:5
Es. 35:5-6
61:1
Lavo-fe-mahlo va tlhela va vona, swilema swa famba, vanhlokonho va basisiwa, lavo-fe-tindleve va twa, vafi va pfuka, swisiwana swi byeriwa Mahungu Lamanene. 6Kutani ku katekile la nga ta ka a nga khunguvanyeki hikwalaho ka mina.”

7Loko volavo va sukile, Yesu a sala a vulavula hi Yohane, a ku ka ntshungu: “A mi yile ku ya hlalela yini emananga xana? A ri ri rihlanga leri tsekatsekisiwaka hi mheho xana? E-e! 8Loko swi ri tano, a mi yela ku ya vona yini ke? Xana a a ri munhu la ambaleke swo saseka ngopfu xana? Vonani, lava ambalaka leswo saseka va le tindlwini ta vuhosi. 9Kumbe ndzi byeleni, a mi yela ku ya vona yini ke? A a ri muprofeta xana? Ina, a a ri yena, ni ku tlula ni muprofeta. 10

11:10
Mal. 3:1
Hi yena loyi ku nga tsariwa ta yena loko va te:

“ ‘Vona! Ndzi rhuma ntsumi ya mina emahlweni ka wena;

yi ta ku rhangela emahlweni, yi lunghisa ndlela ya wena.’

11“Ndzi tiyisile ndzi ri ka n'wina: Exikarhi ka vanhu lava tswariweke hi vavasati, a ku humelelanga loyi a tlulaka Yohane Mukhuvuri; kasi la nga lontsongo eka hinkwavo eMfun'weni wa matilo i nkulukumba eka yena. 12

11:12-13
Lk. 16:16
Ku sukela enkarhini wa Yohane Mukhuvuri ku fikela enkarhini wa sweswi, ku ngheniwa eMfun'weni wa matilo hi ku tirhisa matimba, kutani va matimba hi vona lava titekelaka wona. 13Vaprofeta hinkwavo ni vatsari va Nawu va vhumbhile leswi nga ta humelelaKumbe: Vaprofeta ni vatsari va Nawu va vile ni rito ku kondza loko Yohane a fika. 14
11:14
Mal. 4:5
Mt. 17:10-13
Mk. 9:11-13
Kutani loko kunene mi amukela marito lawa, Yohane hi yena Eliya loyi a faneleke ku ta. 15La nga ni tindleve, a a yingise!

16“Hikokwalaho, vanhu va masiku lawa, ndzi nga va fanisa na yini ke? Va fana ni swihlangi leswi huhaka entsendzeleni, swi huwelelana swi ku:

17“ ‘Hi mi chayele nanga, kambe a mi cinanga;

hi yimbelerile tinsimu ta mahlomulo, kambe a mi rilanga.’

18“Hi mukhuva lowu, Yohane ú tile a nga dyi, a nga nwi, kutani va ku: ‘Ú ni rihuhe!’ 19N'wana-wa-Munhu ú tile a dya, a nwa, kutani va ku: ‘Langutani, munhu wa makolo hi loyi, wa xidakwa, la twananaka ni valuvisi ni vadyohi!’ Kambe vutlhari bya Xikwembu byi tikomba byi ri lebyo lulama hi mintirho ya byona.”

Ta ku tshinyiwa ka miti leyi nga hundzukangiki

(Lk. 10:13-15)

20Enkarhini wolowo Yesu a sungula ku tshinya miti leyi a nga endla mahlori ya yena layo tala eka yona, hi mhaka ya leswi yi nga hundzukangiki, 21

11:21
Es. 23:1-18Yuw. 3:4-8
Am. 1:9-10
Zak. 9:2-4
a ku: “U ni khombo wena Korazini, na wena Betsayida, hikuva mahlori lama nga endliwa exikarhi ka n'wina, loko onge ma endliwile le Tiri ni le Sidoni, ingi miti leyi yi hundzukile khale, yi ambele leswo khwaxa, yi tshamile enkumeni. 22Hambiswiritano, ndza mi byela leswaku, hi siku ra ku avanyisiwa, miti ya Tiri na Sidoni yi ta vevukiseriwa ku tlula n'wina.

23

11:23
Es. 14:13-15
Gen. 19:24-28
“Na wena Kapernawume:

“ ‘Xana u ta tlakusiwa ku ya fika etilweni ke?

E-e! U ta tsongahatiwa ku fikela eTiheleni.’

“Hakunene, mahlori lama endliweke eka wena, loko onge ma endliwile eSodoma, ingi muti lowu ni namuntlha wa ha ri kona. 24
11:24
Mt. 10:15
Lk. 10:12
Hambiswiritano ndza ku byela leswaku, hi siku ra ku avanyisiwa, tiko ra Sodoma ri ta vevukiseriwa ku tlula wena.”

Tanani ka mina, mi ta wisa!

(Lk. 10:21-22)

25Enkarhini wolowo Yesu a vulavula a ku: “Ndza ku nkhensa Tatana, Hosi ya tilo ni misava, hikuva timhaka teto, u ti fihlele lavo tlhariha ni lava mano, kambe u ti hlavutele eka lavatsongo. 26Ina Tatana, u swi lavise sweswo.

27

11:27
Yoh. 3:35
1:18
10:15
“Tatana ú vekile swilo hinkwaswo emavokweni ya mina; kutani a ku na loyi a tivaka N'wana, loko a nga ri Tatana; naswona a ku na loyi a tivaka Tatana, loko a nga ri N'wana, ni loyi N'wana a lavaka ku hlavutela Tatana eka yena.

28“Tanani ka mina, n'wina hinkwenu lava karheleke, ni lava tikeriwaka, ndzi ta mi wisisa. 29

11:29
Yer. 6:16
Rhwalani joko ra mina, mi dyondza ka mina, hikuva ndzi ni mbilu yo rhula ni ya tintswalo; kutani mimoya ya n'wina yi ta kuma ku wisa; 30hikuva joko ra mina ra olova,Kumbe: a ri gogonyi ni ndzhwalo wa mina wa vevuka.”