Xitsonga 1989 (TSO89)
5

51“We Yobo, khongela, kumbexana u ta hlamuriwa.

Xana a ku na ntsumi leyi yi nga ku pfunaka xana?

2Xiphunta xi fa hi mbitsi,

mavondzo ma dlaya munhu wo kala mehleketo.

3Ndzi vonile xiphukuphuku xi dzima timitsu,

kambe ku nga ri khale, ndzi rhuketele muti wa xona.

4Vana va xona a va hlayisekanga,

loko va tengisiwa ehubyeni, a va sirheleriwi hi munhu.

5Vanhu va ndlala va xi tekela swakudya,

hambiloko xi swi biyelela hi mitwa;

lava nga ni makungu ya ku yiva,Kumbe: lava rhiyaka mintlhamu

va navela ku phangha rifuwo ra xona.

6Makhombo ya xona a mo humelela ntsena-ntsena,

maxangu ma ni xivangelo xa wona.

7Munhu ú lo velekeriwa ku xaniseka,

kukotisa nhlahle leyi fanelaka ku baleka ndzilweni.”

Xikwembu xa hanyisa

8Elifasi a engeta a ku:

“Loko mina a ndzo va wena, a ndzi ta khongela Xikwembu,

ndzi boxa mhaka ya mina emahlweni ka xona.

9Xona xi endla swilo leswikulu swo hlamarisa,

masingita ya xona i ntsandza-vahlayi.

10Hi xona xi nisaka mpfula emisaveni,

xi khulukisa ni milambu ematikweni.

11Xi kutsula lava xanisiwaka,

lava rilaka, xa va chavelela.

12Hi xona xi onhaka makungu ya lavo tlharihela tlhelo,

va nga humeleli eka leswi va swi endlaka.

13

5:13
I Kor. 3:19
Vakanganyisi, xi va phasa hi mano ya vona,

xi hatla xi hangalasa marhengu ya vona.

14Dyambu ri va pelela ka ha ri nhlekanhi,

va gugurhuteka onge i vusiku.

15I Xikwembu lexi ponisaka vapfumari,

xi sirhelela lava lumbetiwaka hi swifumi.Van'wana va ri: xi ponisa eku feni lava pfumalaka vatswari

16Hikokwalaho xisiwana xi nyikiwa ku tshemba,

kambe lavo homboloka va pfariwa milomo.

17

5:17
Swiv. 3:11-12
Hev. 12:5-6
“Ku katekile munhu loyi Xikwembu xi n'wi tshinyaka,

hikokwalaho u nga ali ku xupuriwa hi xona,

xona Xikwembu-xa-matimba-hinkwawo.

18Loko xi boxa munhu timbanga xi tlhela xi bohelela,

lava xi va baka, xi tlhela xi va horisa.

19Hambiloko u nga wela hi makhombo layo tala ku tlula mpimo,

xi ta ku ponisa eka wona, leswo biha a swi nga ku tshineleli.

20Etindlaleni, a xi nga ku tshiki u fa,

xi ta bakanya matlhari ya valala etinyimpini.

21Siku vanhu va lavaka ku ku tlhava hi marito, xi ta va xi ku tumbetile;

hambiloko tiko ri hlaseriwa, a wu nga chavi nchumu.

22Etindlaleni ni le makhombyeni, u ta tshama u tsakile,

swiharhi swa nhova swi nga ku chavisi.

23Wena ni maribye ya nhova, mi ta twanana,

hambi swi ri swiharhi leswo leva, u ta hanyisana na swona hi ku rhula.

24Emutini wa wena, u ta va u tshamisekile,

loko u ya kamba swifuwo swa wena emadyelweni, u ta swi kuma swi ri kona hinkwaswo.

25U ta va ni vana lavo tala, u va tiva hinkwavo,

vatukulu va wena va ta andza kukota byanyi bya nhova.

26U ta ya eku feni u dyuharile,

u fana ni mavele lama tshoveriwaka ma vupfile.

27Yingisa! Timhaka leti, hi ti kambisisile, to va tona;

tiva leswaku hi wona ntiyiso, wu hlayise!”