Xitsonga 1989 (TSO89)
22

Vanghana va Yobo va hlamulana na yena ra vunharhu

(22:1 – 27:23)

Elifasi ú ri, Yobo ú ni swidyoho leswo tala

221Kutani Elifasi wa le Temani a hlamula a ku:

2

22:2-3
Yob. 35:6-8
“Xana munhu a nga pfuna Xikwembu ha yini ke?

Loko a ri ni mianakanyo leyinene, swi to pfuna yena n'wini.

3Wena Yobo, loko u endla leswi lulameke, swi nga tsakisa Lowa-matimba-hinkwawo xana?

Hambi mahanyelo ya wena lamanene ma ta n'wi vuyisela yini ke?

4“Loko Xikwembu xi ku tshinya ni ku ku veka nandzu,

a hi mhaka ya vukhongeri bya wena,

5kambe xi ku bela ku homboloka ka wena lokukulu;

swidyoho swa wena, a hi ku tala ka swona!

6“U rihisile varikwenu, va nga ku dyohelanga,

swisiwana, u swi tekerile swiambalo.

7Lava karheleke, u va tsonile mati yo nwa,

u arile ku phamela lava twaka ndlala.

8Munhu la fumeke, u n'wi nyike ndhawu,

u tshamisisa eka yona loyi u n'wi tsakelaka.

9U tlherisile tinoni ti nga kumanga nchumu,

lava pfumalaka vatswari, u va hete matimba.

10Hikokwalaho, u rhiyeriwile mintlhamu matlhelo hinkwawo,

u wele hi makhombo layo chavisa.

11U le xinyamini,Van'wana va ri: Ku vonakala ka wena ku hundzuke xinyami a wu voni nchumu,

u mbombomerile exidziveni.

12“Wa swi tiva, Xikwembu xi tlakukile ku tlula matilo,

languta ni tinyeleti letikulu le henhla!Van'wana va ri: xi languta tinyeleti letikulu le henhla

13Kambe wena u ri: ‘Xikwembu xi nga tiva yini,

xana xi nga tsemakanya mapapa ya ntima xi tela ku avanyisa vanhu xana?’

14U ri: ‘Munyama wu xi siva mahlo, a xi voni,

xo tirhendzelekela le vugimamusi!’

15“We Yobo, xana wa ha lava ku famba etindleleni ta khale,

leti vadyohi va fambeke ha tona xana?

16Vona va lovisiwile va ha ri lavantshwa,

va khukhuriwile hi ndhambi ya mati.

17A va ku: ‘Xikwembu a xi suke laha ka hina;

hambileswi xi nga ni matimba hinkwawo, xi nga hi endla yini ke?’

18Kasi hi xona xi nga andzisa rifuwo emitini ya vona!

Makungu ya Xikwembu ma le kule na vona.Van'wana va ri: Makungu ya vona a ma ve kule na mina

19Vanhu vo lulama va swi vonile, kutani va tsaka;

lava pfumalaka nandzu va hlekula vadyohi lava.

20Hakunene, valala va hina va herisiwile,

ndzilo wu hisile tinhundzu ta vona.”

Elifasi a khongotela Yobo ku vuyela eka Xikwembu

21“We Yobo, vuyela eka Xikwembu u va ni ku rhula,

hi kona u nga ta kuma minkateko.

22Pfumela leswaku xi ku dyondzisa milawu,

u hlayisa marito ya xona embilwini ya wena.

23Loko u tlhelela eka Lowa-matimba-hinkwawo, yena ú ta ku aka.Van'wana va ri: ni loko u titsongahata

Susa leswo biha emutini wa wena.

24Cukumeta nsuku wa wena wa le Ofiri eritshurini,

eka wena a wu fane ni maribye ya le nkoveni!

25Xikwembu-xa-matimba-hinkwawo a xi ve nsuku wa wena,

ni silivhere ya wena leyo saseka,

26kutani u ta titsakela eka xona,

u tlhela u langutana na xona.

27U ta xi khongela, kutani xi ta ku twa;

u ta xi humesela leswi u tiboheke ku xi nyika swona.

28Makungu lawa u ma boheke, ma ta humelela,

u ta voningeriwa tindlela.

29Loko Xikwembu xi tsongahata van'wana, wena u ta ku: ‘Va lo tikurisa!’Van'wana va ri: Xikwembu xi tsongahata lava tikurisaka

kambe lava titsongahataka, xa va ponisa.

30Hambi va ri lava nga ni nandzu, xi ta va ntshunxa,Van'wana va ri: lava nga riki na nandzu, xi ta va ntshunxa

hikwalaho ka mintirho ya wena leyi tengeke.”