Xitsonga 1989 (TSO89)
47

Ta ku biwa ka Vafilista

471

47:1-7
Es. 14:29-31
Ez. 25:15-17
Yuw. 3:4-8
Am. 1:6-8
Sof. 2:4-7
Zak. 9:5-7
Lawa i mahungu hi tlhelo ra tiko ra Vafilista, lawa HOSI Xikwembu xi ma nyikeke muprofeta Yeremiya loko hosi Faro a nga si hlasela muti wa Gaza.

2HOSI Xikwembu xi vurisa sweswo xi ri:

“Langutani! Mati ma ta ma huma en'walungwini,

ma hobomulana kukota nambu lowu taleke,

ma khukhula tiko ni swa rona hinkwaswo,

ma funengeta miti ni vaaki va yona.

Vanhu hinkwavo lava akeke etikweni rero

va ta ba nkalanga va huwelela.

3Loko va twa huwa ya tihanci leti paletelaka ritshuri,

ni vugedle-gedle bya makalichi ya nyimpi,

ni vuntswikiri-ntswikiri bya mavhilwa ya kona,

vavanuna va ta tsemeka nhlana hi ku chava,

va rivala ni ku sirhelela vana va vona.

4Ri fikile siku leri Vafilista hinkwavo

va fanelaka ku herisiwa:

Va ta dlawa, ku nga ha sali na un'we

la nga yaka a ya lwela miti ya Tiri na Sidoni.

Vafilista, vona masalela ya lava khale a va akile exihlaleni xa Kreta,Kreta, kumbe: Kafitoro

ndzi ta va herisa mina HOSI.

5“Va le Gaza va byewurile tinhloko, va rila;

va le Axikeloni a va ha vulavuli.

N'wina masalela ya Vaanakimi,Van'wana va ri: N'wina masalela ya va le timbaleni

swa ku tixekelela hi mikwana enkosini, mi ta va na swona ku fikela rini ke?

6Mi rila mi ku: ‘Yo! Wena banga ra HOSI,

u ta tshika rini ku tirha ke?

Tlhelela enkotlotweni wa wena,

tshika ku dlaya, u wisa!’

7Kambe banga ra kona ri nga wisisa ku yini xana?Van'wana va ri: Kambe u nga wisisa ku yini we banga ke?

Hi mina HOSI ndzi ri leriseke

ku ya ba Axikeloni ni lava akeke eribuweni ra lwandle;

ndzi ri rhwexile ntirho etindhawini teto!”