Xitsonga 1989 (TSO89)
15

Ku avanyisiwa ka va ka Yuda

151

15:1
Eks. 32:11-14
Tinhl. 14:13-19
I Sam. 7:5-9
HOSI Xikwembu xi ndzi byerile xi ku: “Vanhu lava a ndzi nga va tsetseleli, hambiloko Muxe na Samiele va nga ta emahlweni ka mina va va khongelela. Va hlongole va suka emahlweni ka mina! 2
15:2
Nhlav. 13:10
Kutani loko va ku vutisa va ku: ‘Hi ta ya kwihi xana?’ va byele leswaku mina HOSI ndzi ri:

“Lava hlawuleriweke ntungu, a va fe hi wona;

lava hlawuleriweke tlhari, a va dlawe hi rona;

lava hlawuleriweke ndlala, a va fe hi yona;

lava hlawuleriweke ku ya evukhumbini, a va yisiwe kona!

3“Mina HOSI ndzi lerisile leswaku va herisiwa hi swilo swa mune: Va ta dlawa hi tlhari, timbyana ti kokakoka mintsumbu ya vona, tinyanyana ti yi dya, swiharhi swi hetisa! 4

15:4
II Tih. 21:1-16
II Tikr. 33:1-9
Vanhu lava, ndzi ta va hundzula xihlambanyiso lexo chavisa emahlweni ka vanhu va matiko hinkwawo, hikwalaho ka leswi Manase n'wana Hezekiya hosi ya Yuda a swi endleke eYerusalema.”

Muti wa Yerusalema wu le khombyeni

5HOSI Xikwembu xi ri:

“We Yerusalema, i mani loyi a nga ta ku twela vusiwana,

a xaniseka na wena xana?

Xana i mani loyi a nga ta hambuka

a ta ku pfuxela xana?

6Mina HOSI ndzi ri: U ndzi tshikile,

u lo ya u tlhelela endzhaku,

hikokwalaho ndzi tshambulutile voko ra mina, ndzi ku ba ndzi ku herisa.

A ndzi karhele ku ku rivalela.

7Vanhu va mina ndzi va peperhile hi rihlelo,

emitini hinkwayo ya tiko;

ndzi va herisile, ndzi dlaya ni vana va vona,

kambe a va tshikanga tindlela ta vona leto homboloka.

8Ndzi andzisile tinoni exikarhi ka vona,

ti tala ku tlula sava ra lwandle;

vavasati lava, vona va nga veleka tinhenha,

ndzi va rhumerile muhlaseri ninhlekanhi,Van'wana va ri: vamanana lava, ndzi ta va rhumela nhenha leyi hlaselaka ninhlekanhi

kutani va hatle va khoma hi ku chava,

ndzi va tshukisa va rhurhumela.

9Hambi loyi a a ri ni vana va 7,

ú wile a titivala,

nhlekanhi wu n'wi hundzukela munyama,

a khoma hi tingana, a titwa a nga ha ri nchumu.

Vanhu lava nga ta tshuka va ponile,

ndzi ta va nyiketa eka valala, va va dlaya.

Ndzi vula sweswo mina HOSI.”

Ku vilela ka Yeremiya

10We manana, xana u ndzi velekele yini xana? Vanhu hinkwavo etikweni va lwa na mina, va ndzi venga. A ndzi va lombanga nchumu kumbe ku kombela leswaku va ndzi lomba, kambe hinkwavo va le ku ndzi sandzeni! 11HOSI Xikwembu xi hlamula xi ku: “Hakunene ndzi ta ku kutsula ndzi ku katekisa, kutani enkarhini wa khombo ni maxangu, ndzi ta endla leswaku valala va titsongahata eka wena.Van'wana va ri: We HOSI, a swi ta va swi ndzi fanerile ku sandziwa, loko hakunene ndzi nga ku tirhelanga hi ndlela leyinene, ni loko ndzi nga khongelelanga valala emahlweni ka wena enkarhini wa khombo ni maxangu 12Xana munhu ntsena a nga tshova nsimbhi, yona nsimbhi ya le n'walungwini leyi pfanganyisiweke na koporo xana?”

13HOSI Xikwembu xi engeta xi ku: “N'wina Vaisraele, ndzi ta nyiketa rifuwo ra n'wina ni xuma xa n'wina eka valala, va swi phangha, ndzi mi bela swidyoho swa n'wina hinkwaswo leswi tateke tiko ra n'wina. 14Ndzi ta mi hundzula mahlonga ya valala va n'wina etikweni leri mi nga ri tiviki, hikuva ndzilo wa vukari bya mina wu le ku pfurheni, wu ta pfurha wu nga heli!”Van'wana va ri: wu ta pfurha wu mi herisa

15We HOSI, u tiva hinkwaswo.

Ndzi anakanye u tikomba eka mina,

u rihiseta lava va ndzi xanisaka;

u nga ndzi dlayisi hi ku va lehisela mbilu.

Wa swi tiva: Vanhu lava va ndzi monya hi mhaka ya wena.

16Siku ndzi kumeke marito ya wena,

ma hundzukile swakudya swa mina ma ndzi tsakisa;

ndzi ma tsakerile hi mbilu hinkwayo,

hikuva ndzi vuriwa munhu wa wena.

We HOSI, Xikwembu xa matimba hinkwawo,

17a ndzi lavanga ku dzumba ni lava tsakaka,

a ndzi navelanga ku tiphina na vona.

Hi wena u ndzi vangeleke xivundza lexi,

hikuva ndzi tshamela ku tshinya vanhu hi vito ra wena.

18Xana ku vaviseka ka mina ku tsandzeka ha yini ku hela,

ni mbanga ya mina yi alela yini ku tshunguriwa yi hola, ke?

Hakunene u ndzi xisile kukota xihlovo lexi phyaka,

lexi tshikaka vanhu empfhukeni!

19HOSI Xikwembu xi ndzi hlamula xi ku:

“Loko u vuyela eka mina, ndzi ta tlhela ndzi ku amukela,

kutani u ta ya emahlweni u ndzi tirhela.

Loko u vulavula leswi twalaka, u tshika ku jamuka,

wa ha ta va nomo wa mina.

Vanhu va ta vuyela eka wena,

a hi wena u nga ta ya eka vona.

20Emahlweni ka vanhu lava, ndzi ta ku endla khokholo,

rirhangu lero tiya ra koporo.

Va ta lwa na wena,

kambe va nga ka va nga ku hluri,

hikuva ndzi ta va na wena,

ndzi ku ntshunxa ndzi ku ponisa,

ku vula mina HOSI.

21Ndzi ta ku ponisa emavokweni ya lavo homboloka,

ndzi ku kutsula eka vanhu va tihanyi.”