Xitsonga 1989 (TSO89)
8

Vito ra n'wana Esaya ri ta va xitsundzuxo

81HOSI Xikwembu xi ku ka mina: “Teka ribye lerikulu ra xiphepherhele u tsala eka rona hi maletere lamakulu, u ku: ‘Lexi i xa Hatla-Phangha-Hatlisa-Hlasela.’ ”Hi Xiheveru: “Mahere-Xalali-Haxi-Bazi” 2Hiloko ndzi tilavela vavanuna vambirhiVan'wana va ri: U fanele ku ndzi lavela vavanuna vambirhi lavo tshembeka leswaku va va timbhoni ta mina, ku nga muprista Uriya na Zakariya n'wana Yeberekiya.

3Emasikwini walawo ndzi tivanile ni nsati wa mina, kutani a tika, a veleka n'wana wa mufana. Kavaloko HOSI Xikwembu xi ku ka mina: “U fanele ku thya n'wana loyi evito ra ‘Hatla-Phangha-Hatlisa-Hlasela’, 4hikuva loko n'wana a nga si kota ku vula ku ‘tatana’, kumbe ‘manana’, rifuwo ra Damaska ni xuma xa Samariya swi ta phanghiwa swi yisiwa eka hosi ya Asiriya.”

Hosi ya Asiriya yi le ndleleni

5HOSI Xikwembu xi engeta xi vulavula na mina, xi ku: 6“Leswi vanhu lava va nyenyaka mati ya xinambyana xa Xilowa lama khulukaka khwatsi, kambe va tsakela ResiniVan'wana va ri: ni leswi va rhurhumerisiwaka hi Resini ni n'wana Remaliya, 7mina N'wini wa hinkwaswo ndzi ta va vitanela hosi ya Asiriya ni mavuthu hinkwawo lawa a tidzunisaka ha wona. Swi ta fana ni loko nambu wa Yufrata wu ta hi matimba lamakulu, wu khapa matlhelo hinkwawo, wu tlula ribuwu ra wona, 8mati ma nghena etikweni ra Yuda kukota ndhambi, ma ndlandlamuka, vanhu va nghena va fika hi le tinhan'wini; timpapa ta nambu ti ta ntlharamuka ti khubumeta tiko ra wena hinkwaro, we Emanuwele.”Kumbe: Xikwembu xi na hina; xi ta tlharamula timpapa ta xona, xi khubumeta tiko ra xona hinkwaro

9Rhurhumelani n'wina vamatiko mi hela ntamu,

rhiyani ndleve n'wina hinkwenu vaaki va matiko ya le kule.

Hlomani matlhari, kambe mi ta hela ntamu,

ina, ntamu wa n'wina wu ta hela mi hlomile matlhari.

10Bohani makungu, kambe a ma nga pfuni nchumu,

vulavulani, kambe swi ta helela emoyeni,

hikuva Xikwembu xi na hina.

Xikwembu xi tsundzuxa Esaya

11HOSI Xikwembu xi ndzi tlhandleka voko ra xona ra matimba, kutani xi ndzi tsundzuxa leswaku ndzi nga tshuki ndzi tekelela mikhuva ya vanhu lava, xi ku: 12

8:12-13
I Pet. 3:14-15
“Swilo hinkwaswo leswi vanhu lava va nge i ‘ku xenga tiko’, u nga tshuki na wena u ku i ‘ku xenga tiko’; naswona u nga tshuki u chavisiwa hi leswi vona va swi chavaka; swi nga ku rhurhumerisi. 13Tiva leswaku mina HOSI ya matimba hinkwawo, ndzi kwetsimile; kutani u fanele ku chava mina, u rhurhumela emahlweni ka mina ntsena. 14
8:14-15
I Pet. 2:8
Ndzi ta va xivandla lexo hlawuleka, tlhelo ribye leri nga ta khugula ni ku wisa vanhu va tiko ra Yuda ni ra Yerusalema; ndzi ta va ntlhamu ni xirimbana lexi nga ta phasa vaaki va muti wa Yerusalema. 15Vanhu lavo tala va ta khuguka, va ta wa va vaviseka, va ta phasiwa va nga ha chupuki.”

Miringo ni makhombo

16Vumbhoni bya mina a byi bohiwe, ni switsundzuxo swi funengetiwa, swi vekiwa exikarhi ka vadyondzisiwa va mina. 17

8:17
Hev. 2:13
HOSI Xikwembu xi fularhele va ka Yakobo, kambe mina ndzi ta langutela xona, ndzi xi tshemba. 18
8:18
Hev. 2:13
Exikarhi ka Vaisraele, mina ni vana va mina hi swikombiso swa leswi swi nga ta humelela; hi rhumiwile hi HOSI ya matimba hinkwawo leyi tshamaka entshaveni ya Siyoni.

19Van'wana va ta mi kucetela ku ya eka lava nga ni swikwembu ni le ka swingomantanda leswi vulavulaka hi ku hlevetela, swi n'unun'uta kunene. Kambe xana loko Vaisraele va ri ni mhaka, a va nga fanelanga ku ya vutisa eka Xikwembu xa vona xana? Xana va nga vutisa eka lava feke etimhaka ta lava hanyaka xana? 20Leswi vanhu vo tano va swi vulavulaka, swi nge tlhaveli hi sana. N'wina tiyiselani eka leswi mi dyondzisiweke swona, leswi nga ni vumbhoni!

21Vanhu va ta pepetseka na tiko va ri ni gome lerikulu ni ndlala. Loko ndlala yi ta va yi va khomile swinene, va ta hlundzuka va rhuketela hosi ya tiko ra vona ni Xikwembu xa vona. Va ta languta ehenhla, 22va languta ni le hansi, kambe va to vona gome, ni munyama, ni nhlomulo lowukulu; va ta khubumetiwa hi munyama lowo chavisa.