Xitsonga 1989 (TSO89)
6

Xikwembu xi tikomba eka Esaya, xi tlhela xi n'wi rhuma

61

6:1
II Tih. 15:7
II Tikr. 26:23
Elembeni leri hosi Uziya a feke ha rona, ndzi vonile N'wini wa hinkwaswo a tshamile exiluvelweni lexikulu xo tlakuka; xiambalo xa yena a xi koka hansi xi tata Tempele. 2A a rhendzeriwe hi tintsumi leti vuriwaka “tiserafi”, yin'wana ni yin'wana yi ri ni timpapa ta 6; timpapa timbirhi a ti ri to funengeta xikandza, timbirhi to funengeta miri, timbirhi to haha ha tona. 3
6:3
Nhlav. 4:8
Tintsumi a ti hlamulana ti ku:

“Wa kwetsima, wa kwetsima, wa kwetsima loyi a nga HOSI ya matimba hinkwawo,

misava hinkwayo yi tele hi ku dzuneka ka yena.”Kumbe: leswi tateke misava hinkwayo, i ku dzuneka ka yena

4

6:4
Nhlav. 15:8
Ku huwelela loku ka tintsumi a ku gudla-gudlisa swihukuvaswihukuva, kumbe: switsandze swa tinyangwa ta Tempele, kutani ku va ni musi lowu tataka Tempele hinkwayo.

5Kutani ndzi ku:

“Yo, ndzi lovile,

mina munhu wa milomo ya thyaka

la tshamaka ni vanhu va milomo ya thyaka,

hikuva ndzi vonile Hosi,

xona Xikwembu xa matimba hinkwawo!”

6Hiloko yin'wana ya tintsumi yi haha yi ta ka mina yi ri ni khala lero vuvumela leri yi ri okeke alitarini. 7Kutani yi khumba nomo wa mina yi ku:

“Ndzilo lowu wu khumbile milomo ya wena;

hikokwalaho vubihi bya wena byi herisiwile,

u rivaleriwile ni swidyoho swa wena.”

8Kutani ndzi twa N'wini wanga a huwelela a ku: “Ndzi ta rhuma mani, i mani la nga ta va nomo wa hina xana?” Hiloko ndzi ku: “Hi mina loyi, ndzi rhume!” 9

6:9-10
Mt. 13:14-15
Mk. 4:12
Lk. 8:10
Yoh. 12:40
Mint. 28:26-27
Kutani a ku: “Famba u ya byela vanhu lava, u ku:

“ ‘Ku twa mi ta twa, kambe a mi nga twisisi;

ku vona mi ta vona, kambe a mi nga vonisisi!’ ”

10A engeta a ku ka mina:

“Nonon'hwisa timbilu ta vanhu lava,

u va pfala tindleve ni mahlo,

leswaku va nga ha voni,

ni ku twa va nga ha twi,

hambi ku ri ku twisisa va nga ha twisisi,

hikuva va nga tshuka va hundzuka,

kutani va rivaleriwa.”

11Kutani ndzi vutisa ndzi ku: “We N'wini wanga, swi ta va tano ku fika rini xana?” A hlamula a ku:

“Ku kondza miti yi va marhumbi,

ku nga ha tshami munhu eka yona,

ni tindlu ti sala ti nga ha ri na vanhu,

ni tiko ri hundzuka mananga.

12Mina HOSI ndzi ta hlongola vanhu ndzi va yisa kule;

va ta siya tindhawu to tala etikweni ti nga ha ri na munhu.

13Hambiloko eka ntlawa wun'wana ni wun'wana wa vanhu va khume ku nga sala munhu un'we,

vanhu lava ndzi ta va herisa;

va ta fana ni murhi lowukulu wa nkuhlu lowu weke,

ku sala xikundzu ntsena.”

Xikundzu lexi i mbewu leyo hlawuleka.