Xitsonga 1989 (TSO89)
3

Ta Hosiya loko a rivalela nsati wa yena

31Kutani HOSI Xikwembu xi ku ka mina: “Tlhela u ya rhandzana ni wansati wa muoswi loyi a tsakeriwaka hi xigangu xa yena. Leri hi rona rirhandzu leri mina HOSI ndzi rhandzaka vanhu va tiko ra Israele ha rona, hambileswi vona va ndzi dyohelaka hi ku landza swikwembu swin'wana, va tsakela ni swimbhundzwa swa mihandzu ya vhinya leyi omisiweke.” 2Hiloko ndzi ya n'wi kutsula hi mali ya tisilivhere ta 15 ni masaka ya 15 ya mavele ya maxalana.maxalana, kumbe: maphila, xikombe 3Kutani ndzi ku ka yena: “U ta tshama nkarhi wo leha u ri wa mina ntsena, u nga ha endli vunghwavava hi ku etlela ni vavanuna van'wana; hambi ku ri mina, a ndzi nga etleri na wena.” 4Va tiko ra Israele na vona va ta tshama nkarhi wo leha va nga ri na hosi kumbe murhangeri, va ta pfumala ni swo humesa magandzelo, hambi ma ri maribye ya vugandzeri a va nga vi na wona, va ta pfumala na “efodi” kumbe “terafi”.“efodi” ni “terafi”: Vonani Nhlamuselo ya Marito 5Kambe nkarhi wu ta fika, lowu vanhu va tiko ra Israele va nga ta hundzuka va lava HOSI Xikwembu xa vona, na Davhida hosi ya vona. Kutani va ta ta eka HOSI Xikwembu hi ku rhurhumela, va amukela tinyiko ta xona letinene.