Xitsonga 1989 (TSO89)
3

Xikhongelo xa Habakuku

31Lexi i xikhongelo xa muprofeta Habakuku. Mayimbelelele ya xona i ya swirilo.

2HOSI, mahungu ya ntirho wa wena ndzi ma twile,

kutani wa ndzi chavisa, we HOSI.

Pfuxa mintirho ya wena eminkarhini ya sweswi!

Tikombe ni manguva lawa!

Kambe, eku kariheni ka wena, u nga rivali ku tsetselela.

3Xikwembu xi ta tlhela xi ta hi le Temani,

Muhlawuleki ú ta rhelela hi le ntshaveni ya Parani.

Vukulukumba bya yena byi funengeta matilo,

ku dzuneka ka yena ku tata misava.

4A vangama hi ku hatima ka rihati,

exandleni xa yena ku tlhava miseve ya rona,

hikuva hi laha matimba ya yena ma titumbetaka kona.

5Ntungu wu n'wi rhangela emahlweni,

daridari, kumbe: dzedzedze ri n'wi landza hi le ndzhaku.

6Loko a yima, misava ya tsekatseka;Van'wana va ri: A yima, kutani a pima misava

loko a languta vamatiko, va rhurhumela.

Tintshava leti nga riki na ku hela, ti mbundzumuka,

ni switsunga swa khale swi mbombomela,

swi nga leswi a a famba-famba eka swona khale.

7Ndzi vonile mixaxa ya va le Kuxani yi hahluriwa,

ni minceka yo pfala mintsonga ya va le Midiyani yi pewuka-pewuka.

8Xana u hlundzukela milambu, we HOSI,

u karihela yona xana?

Xana ku hlundzuka ka wena ku kongomile lwandle ke,

siku u gadaka mapapa wonge i tihanci ta wena,

siku u ma khandziyaka wonge i makalichi ya wenaVan'wana va ri: wonge i khalichi ya wena yo hlula ha wona enyimpini, xana?

9U hlomula vurha bya wena enkotlotweni wa byona,

u tilulamisela ku copa miseve ya rito ra wena,

kutani misava yi pfelerisa milambu.

10Loko tintshava ti ku vona, ta chukuvanya;

ndhambi yi halaka kunene, yi khuluka;

mati ya xidziva ma hobomulana,

magandlati ya xona ma tlakuka, wonge i mavoko.

11Dyambu ni n'weti swi yima laha swi tshamaka kona;

swi nyamalarisiwa hi ku hatima ka miseve ya rihati ra wena,

ni ku vangama ka matlhari ya wena lama phatimaka.

12U tsemakanya misava hi marito lama dzindzaka,

kutani, eku kariheni ka wena, u kandziyela vamatiko.

13U humelerile ku ta ponisa tiko ra wena,

ni ku ponisa MuhlawuriwaMuhlawuriwa, kumbe: Mutotiwa, Mesiya. Vonani Nhlamuselo ya Marito wa wena,

kambe u hlanhla yindlu ya lowo biha ku sukela exihlungwaneni,

u yimbula masungulo ya yona ku fikela eribyeni.

14Miseve ya wena yi tlhavile ndhuna ya mavuthu;

mavuthu lawa, a ma humelerile tanihi xidzedze ma ta hi hangalasa;

a ma tsakile tanihi loyi a xanisaka xisiwana exihundleni.

15U kandziyela lwandle hi tihanci ta wena,

kutani maboboma ya matimba u ma tlhutlhisa khuvi.

16Loko ndzi twa leswi hinkwaswo, ndzi tela hi rhumbu,

milomo ya mina yi tshavatana hi huwa ya kona;

marhambu ya mina ma heleriwa hi mongo,

ni matsolo ya mina ma gudlagudla.

Ndzi langutela ntsena siku ra khombo,

leri nga ta wela vanhu lava va hi hlaselaka.

17Hambiloko nkuwa wu nga baleki swiluva,

kumbe murhi wa vhinya wu nga cheli mihandzu;

hambiloko mutlhwari wu kanganyisa mubyari wa wona,

ni masimu ma nga humesi swakudya;

hambiloko tinyimpfu ti fa hinkwato ematshangeni,

ni tihomu ti nga ha vonaki eswivaleni,

18mina ndza ha ta bela HOSI minkulungwana ya ntsako,

ndzi tsakela Xikwembu lexi xi ndzi ponisaka.

19

3:19
II Sam. 22:34
Ps. 18:33
HOSI Xikwembu i N'wini wanga ni matimba yanga,

ú tiyisa milenge ya mina wonge i ya mhunti,

a ndzi famba-fambisa eswivandleniVan'wana va ri: eswivandleni swa mina leswi tlakukeke.

(Leri i risimu ra Muyimbelerisi,

ro hlaveleriwa hi swichaya-chayani.)