Xitsonga 1989 (TSO89)
1

Ta nawu wa hosi Korexe

(II Tikr. 36:22-23)

11

1:1
Yer. 25:11
29:10
Hi lembe ro sungula ra ku fuma ka Korexe hosi ya Vaperesi, HOSI Xikwembu xi hetisisa marito ya xona lama vuriweke hi muprofeta Yeremiya, xi nyika Korexe miehleketo yo veka nawu ematikweni ya yena hinkwawo, wu tlhela wu tsariwa kunene; nawu wa kona hi lowu:

2

1:2
Es. 44:28
“Mina Korexe hosi ya Vaperesi, ndzi vurisa sweswo ndzi ri: HOSI, Xikwembu xa le matilweni, xi ndzi vekile ku va hosi ya matiko hinkwawo laha misaveni, kutani xi ndzi lerisile ku xi akela yindlu le Yerusalema, etikweni ra Yuda. 3Vanhu va xona hinkwavo lava nga xikarhi ka n'wina, a va tlhelele eYerusalema etikweni ra Yuda, kutani Xikwembu xi va na vona. A va ye va ya aka hi vuntshwa yindlu ya HOSI Xikwembu xa Israele, xi nga Xikwembu xa vona lexi nga kwale Yerusalema. 4Etindhawini hinkwato, vanhu lava tshamaka ni maselela ya va ka Yuda, va fanele ku va pfuna hi silivhere, ni nsuku, ni swibya, ni swifuwo, ehandle ka tinyiko leti va ti humesaka hi ku titwa, va ti humesela yindlu ya Xikwembu xa le Yerusalema.”

Ta va ka Yuda loko va tlhelela eYerusalema

5Kutani varhangeri va mindyangu ya va ka Yuda ni va ka Benjamini, swin'we ni vaprista, ni Valevhi, ni vanhu hinkwavo lava Xikwembu xi khumbeke timbilu ta vona, va tlhelela eYerusalema ku ya aka yindlu ya HOSI Xikwembu hi vuntshwa. 6Vanhu hinkwavo lava va ka Yuda a va akile exikarhi ka vona, va va pfunile hi ku va nyika swibya swa silivhere ni swa nsuku, ni swingolongondzwana swin'wana, ni swifuwo, ni swilo swin'wana swa nkoka, ehandle ka tinyiko hinkwato leti munhu a ngo ti humesa hi ku titwa. 7Hosi Korexe yena, ú humesile swingolongondzwana swa yindlu ya HOSI Xikwembu, leswi Nebukadnetsara a a swi tekile eYerusalema, a ya swi veka endlwini ya swikwembu swa yena. 8Swilo leswi, Korexe hosi ya Vaperesi ú swi humesile a swi veka emavokweni ya Mitiredata, muhlayisi wa xuma. Kutani Mitiredata a swi teka, a swi hlaya, a swi hundzisela eka Xexebasara, ndhuna ya va ka Yuda. 9Mintsengo ya swingolongondzwana swa kona, hi leyi: Minkambana ya nsuku ya 30,Van'wana va ri: minkambana ya nsuku ya 1 000 ni minkambana ya silivhere ya 1 000, ni swibya swa tinxaka-xaka swa 29,Van'wana va ri: mikwana ya 29 10ni tindyelo ta nsuku ta 30, ni tindyelo ta silivhere ta 410, ni swibya swin'wana swa 1 000; 11swingolongondzwana hinkwaswo swa nsuku ni swa silivhere, a swi ri 5 400.Van'wana va ri: a swi ri 5 469 Xexebasara ú fambile na swona, siku Vayuda va humeke evukhumbini eBabilona, va tlhelela eYerusalema.