Xitsonga 1989 (TSO89)
7

71Kutani HOSI Xikwembu xi ku ka Muxe: “Languta, ndzi ta endla leswaku Faro a ku teka onge u Xikwembu, kutani makwenu Aroni ú ta va nomo wa wena.Kumbe: Aroni ú ta va muprofeta wa wena 2Wena u ta vula hinkwaswo leswi ndzi nga ta ku lerisa swona, kutani makwenu Aroni yena ú ta byela Faro leswaku a tshika Vaisraele va huma etikweni ra yena. 3

7:3
Mint. 7:36
Kambe mina ndzi ta nonon'hwisa mbilu ya Faro, lero hambiloko ndzi andzisa swikombiso ni swihlamariso etikweni ra Egipta, 4Faro a nga ka a nga mi yingisi; kwalaho ndzi ta tirhisa matimba ya mina ehenhla ka tiko ra Egipta, ndzi humesa mintshungu ya mina, va nga vanhu va mina va Israele, etikweni ra Egipta, hi ku avanyisa loku hlamarisaka. 5Loko ndzi tirhisile matimba ya mina ehenhla ka tiko ra Egipta ku humesa vanhu va mina exikarhi ka rona, hi kona Vaegipta va nga ta tiva leswaku hi mina HOSI Xikwembu.” 6Kutani Muxe na Aroni va endla hilaha HOSI Xikwembu xi va leriseke hakona. 7Enkarhini lowu va nga ya vulavula na Faro, Muxe a a ri ni malembe ya 80, Aroni yena a a ri ni malembe ya 83.

Ta xihlamariso xa nhonga ya Aroni

8Kutani HOSI Xikwembu xi ku ka Muxe na Aroni: 9“Loko Faro a mi byela leswaku mi tikombisa hi ku endla swihlamariso, wena Muxe u ta lerisa Aroni leswaku a teka nhonga ya yena a yi hoxa hansi emahlweni ka Faro, kutani yi ta hundzuka nyoka.”nyoka, kumbe: nyoka ya mati, kumbe: ngwenya 10Kutani Muxe na Aroni va ya eka Faro, va endla hilaha HOSI Xikwembu xi va leriseke hakona: Aroni a hoxa nhonga ya yena emahlweni ka Faro ni malandza ya yena, kutani nhonga yi hundzuka nyoka. 11Kwalaho Faro a vitana tintlhari ni vangoma va tiko, kutani vaendli lava va mahlori va tiko ra Egipta na vona va endla swo fana ni swa Aroni, hi migilo-gilo ya vona. 12Un'wana ni un'wana wa vona a hoxa nhonga ya yena ehansi, kutani yi hundzuka nyoka, kambe nhonga ya Aroni yi mitetela ta vona. 13Hambiswiritano, Faro a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Makhombo lama vangeriweke tiko ra Egipta

Ngati

14Hiloko HOSI Xikwembu xi ku ka Muxe: “Faro wa tinonon'hwisa, ú ala ku tshika vanhu va famba. 15Kutani yana eka Faro nimpundzu, nkarhi lowu a humaka a ya enambyeni,Kumbe: a ya eku hlambeni, kumbe: a ya eku phahleni (Vaegipta a va gandzela nambu wa Nilo) u famba u khomile nhonga leyi a yi hundzukile nyoka, u fika u n'wi yimela eribuweni ra nambu. 16U ta ku ka yena: ‘HOSI Xikwembu, xi nga Xikwembu xa Vaheveru, xi ndzi rhumile eka wena leswaku u tshika vanhu va xona va ya xi gandzela emananga, kambe wena ku fika ni sweswi a wu si yingisa. 17

7:17
Nhlav. 16:4
Hikokwalaho HOSI Xikwembu xi vurisa sweswo xi ri, hi xona xi nga HOSI! U ta swi tiva hi mukhuva lowu: Mina Muxe ndzi ta ba mati ya nambu hi nhonga leyi ndzi nga yi khoma, kutani ma ta hundzuka ngati. 18Tinhlampfi ti ta fa enambyeni; nambu wa kona wu ta nun'hwa, kutani vanhu va Egipta va ta tsandzeka ku nwa mati ya wona.’ ” 19Kutani HOSI Xikwembu xi ku ka Muxe: “Lerisa Aroni leswaku a teka nhonga ya yena hi voko, a yi tlakusela ehenhla ka mati hinkwawo ya le Egipta, emilambyeni, ni le tindleleni ta mati, ni le maqhivini, ni le mativeni hinkwawo, kutani mati ya kona ma ta hundzuka ngati. Tiko hinkwaro ra Egipta ri ta tala hi ngati, yi ta va kona ni le swibyeni swo vatliwa ni le makhuwaneni.”eswibyeni swo vatliwa ni le makhuwaneni, kumbe: emirhini ni le maribyeni

20Kutani Muxe na Aroni va endla hilaha HOSI Xikwembu xi leriseke hakona: AroniAroni, kumbe: Muxe a tlakusa nhonga emahlweni ka Faro ni malandza ya yena, a ba mati ya nambu, kutani hinkwawo ma hundzuka ngati. 21Tinhlampfi ta nambu ti fa, nambu wu sungula ku nun'hwa, kutani vanhu va Egipta va tsandzeka ku nwa mati ya kona; tiko ra Egipta hinkwaro ri tala hi ngati. 22Kambe vangoma va tiko ra Egipta na vona va endlisa sweswo hi migilo-gilo ya vona; hikokwalaho Faro a ya emahlweni a tinonon'hwisa, a nga yingisi Muxe na Aroni, tani hilaha HOSI Xikwembu a xi vurile hakona. 23Kutani Faro a tlhelela entsindza; leswi humeleleke a swi nga n'wi khumbanga nikutsongo. 24Vanhu hinkwavo va tiko ra Egipta va famba va cela swihlovo eribuweni ra nambu, va lava mati yo nwa, hikuva a va nga ha koti ku nwa lawa yo huma enambyeni wa Nilo.

25Swi tekile masiku ya 7, ku sukela loko HOSI Xikwembu xi bile mati ya nambu.