Xitsonga 1989 (TSO89)
17

Ta mati lama humesiweke eribyeni

(Tinhl. 20:1-13)

171

17:1-7
Tinhl. 20:2-13
Kutani ntshungu hinkwawo wa Vaisraele wu ya emahlweni ni riendzo, wu suka emananga ya Sina; va famba mpfhuka lowu a va pimeriwile wona hi siku, hilaha HOSI Xikwembu a xi lerisile hakona, ku kondza va ya gova eRefidimi, kambe kona a ku nga ri na mati yo nwa. 2Kutani va sungula ku holovela Muxe, va ku ka yena: “Hi nyike mati hi nwa!”Van'wana va ri: Hi nyikeni mati hi nwa! (hileswaku: wena HOSI na wena Muxe; kumbe: wena Muxe na wena Aroni) Muxe a va hlamula a ku: “Mi ndzi holovelela yini xana? Xana mi ringela yini HOSI Xikwembu xana?” 3Vanhu va khomiwa hi torha swinene kwale Refidimi, kutani va dzumadzumela Muxe, va ku ka yena: “Xana u hi humesele yini etikweni ra Egipta, u ta hi lovisa hi torha, hina ni vana va hina ni swifuwo swa hina xana?” 4Kutani Muxe a huwelela eka HOSI Xikwembu a ku: “Xana ndzi ku yini hi vanhu lava xana? Va le kusuhi ni ku ndzi khandla hi maribye!” 5Hiloko HOSI Xikwembu xi ku ka Muxe: “Hundzela emahlweni ka vanhu, u teka van'wana va vakulukumba va Israele, u rhanga na vona, u famba ni nhonga leyi u nga ba mati ya nambu hi yona. 6Vona, u ta ndzi kuma ndzi ku yimerile le ntshaveni ya HorebeHorebe, kumbe: Sinayi kusuhi ni ribye;Van'wana va ri: Ndzi ta va ndzi yimile eribyeni, entshaveni ya Horebe u ta fika u ba ribye, kutani ku ta huma mati lawa vanhu va nga ta nwa wona.” Muxe a endla sweswo, vakulukumba va Israele va ri karhi va n'wi vona. 7Kutani Muxe a thya ndhawu leyi evito ra “Masa na Meriba”, hileswaku: “Ndzingo ni mholovo”, hikuva Vaisraele a va n'wi holoverile kona, va ringa na HOSI Xikwembu hi ku vutisa va ku: “Xana HOSI Xikwembu xi na hina, kumbe a xi na hina xana?”

Ta nyimpi ya Vaisraele ni Vaamaleke

8Kutani Vaamaleke va ya va ya lwa ni Vaisraele, kwale Refidimi. 9Kutani Muxe a byela Yoxuwa a ku: “Hlawula vavanuna lava nga ta hi lwela, u huma nyimpi na vona mi ya lwa ni Vaamaleke; loko a ri mina, mundzuku ndzi ta ya yima enhlohlorhini ya ntshava ndzi khomile nhonga ya Xikwembu evokweni.” 10Kutani Yoxuwa a endla hilaha Muxe a n'wi leriseke hakona, a ya lwa ni Vaamaleke; Muxe na Aroni na Huru vona va tlhandluka va ya enhlohlorhini ya ntshava. 11Nkarhi hinkwawo loko Muxe a tlakuserile voko ra yena ehenhla, Vaisraele a va hlula, kambe loko a yisile voko ra yena ehansi, a ku hlula Vaamaleke. 12Ku fika laha mavoko ya Muxe ma karhalaka, kutani Aroni na Huru va teka ribye, va ri tikirheta leswaku a tshama ehenhla ka rona, kutani Aroni na Huru va tlakusela mavoko ya Muxe ehenhla, un'wana a yimile etlhelweni ra xinene, un'wana eka lera ximatsi; hi ndlela leyi, mavoko ya Muxe ma tshama ma tlakusiwile, dyambu ri kondza ri ya pela. 13Kutani Yoxuwa a hlula Vaamaleke hi matlhari.

14

17:14
Dut. 25:17-19
I Sam. 15:2-9
Kutani HOSI Xikwembu xi ku ka Muxe: “Vaamaleke, ndzi ta va herisela makumu emisaveni, ku nga sali na un'we loyi vanhu va nga ta va tsundzuka ha yena! Tsala marito lawa ebukwini, ma ta ka ma nga rivariwi, u ma hlayela na Yoxuwa.” 15Kutani Muxe a aka alitari, a yi thya vito ra “HOSI-i-mujeko-wanga”, 16a ku: “Leswi Vaamaleke va pfukeleke xiluvelo xa HOSI,Van'wana va ri: Tlakusani mujeko wa HOSI!, kumbe: Ndzi hlambanya hi mujeko wa HOSI, ndzi ri nyimpi exikarhi ka vona na yona yi ta tlulela ni le ka vatukulu va vona hinkwavo.”

18

Ta Yetro loko a endzela Muxe

181Yetro muprista wa Midiyani loyi a a ri mukon'wana wa Muxe, a twa hinkwaswo leswi Xikwembu xi swi endleleke Muxe ni vanhu va xona va Israele, ni hilaha xi va humeseke hakona etikweni ra Egipta. 2

18:2-3
Eks. 2:21-22
Mint. 7:29
Sipora nkata Muxe a a tshama eka tata wa yena Yetro, endzhaku ka loko Muxe a n'wi yisile kwale ka vona. 3Yetro a a amukerile ni vana va Sipora lava vambirhi. N'wana lowo sungula, Muxe a a n'wi thyile vito ra Gerixomu (hileswaku: “Ndzi muluveri kwala”), hikuva a a ku: “Ndzi muluveri etikweni ra vanhu vambe.” 4Lowa vumbirhi, a a n'wi thyile vito ra Eliezere (hileswaku: “Xikwembu xanga i mupfuni”), hikuva a a ku: “Xikwembu xa tatana, hi xona xi ndzi pfuneke, xi ndzi ponisa ku dlayiwa hi Faro.”

5Kutani Yetro mukon'wana wa Muxe a ta ni vana va Muxe ni nsati wa yena emananga, laha Muxe a a govile kona entshaveni ya Xikwembu. 6A rhumela rito eka Muxe a ku: “Mina Yetro mukon'wana wa wena, ndzi ta ka wena ndzi ri ni nsati wa wena ni vana va yena vambirhi.”Van'wana va ri: Vanhu va tivisa Muxe va ku: Vona, mukon'wana wa wena Yetro wa karhi wa ta, ú ta ni nsati wa wena ni vana va yena vambirhi 7Kutani Muxe a huma a ya hlanganisa mukon'wana wa yena; a fika a nkhinsama, kutani a n'wi ntswontswa. Loko va pfuxelanile, va ya nghena entsongeni. 8Kutani Muxe a rungulela mukon'wana wa yena hinkwaswo leswi HOSI Xikwembu xi swi endleke eka Faro ni le ka Vaegipta, xi endlela ku pfuna Vaisraele; a n'wi rungulela ni ku tikeriwa hinkwako loku va nga va na kona endleleni, ni hilaha HOSI Xikwembu xi va poniseke hakona. 9Yetro a tsaka swinene, loko a twa mintirho leyinene leyi HOSI Xikwembu xi endleleke Vaisraele hi ku va kutsula emavokweni ya Vaegipta.

10Kutani Yetro a ku: “A ku dzunisiwe HOSI Xikwembu, lexi xi mi poniseke emavokweni ya Vaegipta ni le mavokweni ya Faro, lexi xi humeseke tiko ra xona evuhlongeni bya le Egipta. 11Sweswi ndza swi tiva leswaku HOSI Xikwembu xi tlula swikwembu hinkwaswo, hikuva xi ponisile Vaisraele eka Vaegipta lava a va va khomile hi tihanyi.” 12Kutani Yetro mukon'wana wa Muxe a humesela HOSI Xikwembu magandzelo lama hisiwaka ni lama dyiwaka;Van'wana va ri: Kutani Yetro mukon'wana wa Muxe a pfunana na yena loko a humesela HOSI Xikwembu magandzelo lama hisiwaka ni lama dyiwaka Aroni ni vakulukumba va Israele hinkwavo va ta va ta dya swakudya na mukon'wana wa Muxe, egandzelweni ra HOSI Xikwembu.

Ta Muxe loko a veka vaavanyisi

(Dut. 1:9-18)

13Siku leri tlhandlamaka, Muxe a tshama ehansi, a avanyisa milandzu ya vanhu; ku sukela nimpundzu ku kondza ri pela, vanhu va yima va rhendzerile Muxe. 14Loko Yetro mukon'wana wa Muxe a vona hinkwaswo leswi Muxe a a ri karhi a endlela vanhu swona, a n'wi vutisa a ku: “Xana i ntirho muni lowu u endlelaka vanhu lava xana? Xana hikwalaho ka yini ku tshama wena ntsena ehansi, vanhu lavan'wana hinkwavo va yimile va ku rhendzerile, ku sukela nimixo ku fikela nimadyambu, xana?” 15Muxe a hlamula mukon'wana wa yena, a ku: “Vanhu va ta va ta ndzi vutisa leswaku Xikwembu xi ri yini etimhakeni ta vona. 16Loko munhu ni muakelani wa yena va holovile, va ta eka mina, kutani mina ndzi va avanyisela mhaka ya vona, ndzi va hlamusela swileriso swa Xikwembu ni milawu ya xona.” 17Kutani mukon'wana wa Muxe a ku: “Matirhele ya wena a ma hetisekanga. 18Wena ni vanhu lava u nga na vona mi ta tidlaya hi mintirho; ndzhwalo lowu i wukulu ngopfu eka wena, u nga ka u nga wu koti u ri wexe. 19Sweswi, yingisa leswi ndzi ku byelaka swona; ndzi navela ku ku tsundzuxa, kutani Xikwembu a xi ve na wena! Wena u ta hamba u va muyimeri wa vanhu eka Xikwembu, u fikisa timhaka ta vona eka xona. 20Hi wena u nga ta va dyondzisa swileriso ni milawu, u va tivisa leswi va fanelaka ku hanyisa swona, ni leswi va fanelaka ku endla swona. 21Tlhandlakambirhi, tihlawulele exikarhi ka vanhu hinkwavo vavanuna lava tiyeke, u va veka ku va varhangeri, va fambisa mintlawa ya vanhu va 1 000, van'wana ya 100, van'wana ya 50, van'wana ya 10. Vavanuna lava va fanele ku va lava xiximaka Xikwembu, lava tshembekeke, naswona lava nga ta ala ku xaviwa. 22Kutani u tshika vavanuna lava va hamba va avanyisela vanhu timhaka ta vona. Mhaka yin'wana ni yin'wana leyikulu, va ta yi tisa eka wena, kambe letitsongo hinkwato va ta ti avanyisa vona; sweswo swi ta vevukisa mpingu wa wena, hikuva u ta rhwarisana na vona mpingu wa kona. 23Loko u endla tano, ni loko Xikwembu xi ku lerisisa xisweswo,Kumbe: Loko u endla tano, Xikwembu xi ta ku komba ndlela, kutani u ta kota ku yisa ntirho emahlweni u ta kota ku yisa ntirho emahlweni; naswona, vanhu lava hinkwavo va ta ya emakaya va rhulisiwile timbilu.”

24Muxe a amukela marito ya mukon'wana wa yena, a endla hinkwaswo leswi a n'wi tsundzuxeke swona. 25Kutani Muxe a hlawula vavanuna lava tiyeke exikarhi ka Vaisraele hinkwavo, a va veka ku va varhangeri, va fambisa mintlawa ya vanhu va 1 000, kumbe 100, kumbe 50, kumbe 10. 26Vavanuna lava va hamba va avanyisela vanhu timhaka; timhaka leto tika, va ti tisa eka Muxe, kambe letitsongo hinkwato ti avanyisiwa hi vona. 27Muxe a lelana ni mukon'wana wa yena, kutani Yetro a timukela karikwavo.

19

Ta Vaisraele entshaveni ya Sinayi

191Hi siku ra ku tshama ka n'hweti ya vunharhu endzhaku ka loko va humile etikweni ra Egipta, Vaisraele va fikile emananga ya Sinayi. 2Loko va nghena emananga ya Sinayi, a va ta va huma hi le Refidimi; kutani va fika va gova kwale mananga ya Sinayi, va dzima mintsonga ya vona ku langutana ni ntshava ya Sinayi. 3Kutani Muxe a tlhandluka a ya eka Xikwembu entshaveni. HOSI Xikwembu xi huwelela xi ri entshaveni, xi ku ka Muxe: “Byela Vaisraele, vona vatukulu va Yakobo, leswaku mina HOSI ndzi vurisa sweswo ndzi ri: 4‘Mi swi vonile hi n'wexe leswi ndzi swi endleke eka Vaegipta; mi vonile ni hilaha ndzi mi rhwaleke hakona ndzi mi tisa ka mina, ku fana ni gama leri rhwalaka mavondlo ya rona etimpapeni. 5

19:5
Dut. 4:20
7:6
14:2
26:18
Tit. 2:14
19:5-6
I Pet. 2:9
Nhlav. 1:6
5:10
Kutani ke, loko mi yingisa leswi ndzi vulaka swona, ni loko mi hlayisa ntwanano wa mina, hambileswi misava hinkwayo yi nga ya mina, n'wina mi ta va vanhu va mina va xiviri exikarhi ka vanhu va matiko hinkwawo. 6Eka mina, mi ta va mfumo wa vaprista,mfumo wa vaprista, hileswaku: mfumo lowu tirhelaka Xikwembu exikarhi ka mimfumo yin'wana, kumbe: mfumo lowu fambisiwaka hi vaprista mi va tiko leri hlawulekeke.’ Hi wona marito lawa u nga ta ma byela Vaisraele.”

7Kutani Muxe a ya vitana vakulukumba va Israele, a andlala emahlweni ka vona marito hinkwawo lawa HOSI Xikwembu xi n'wi leriseke wona. 8Kutani vanhu hinkwavo va hlamula hi nomo wun'we, va ku: “Hinkwaswo leswi HOSI Xikwembu xi swi vuleke, hi ta swi endla.” Kutani Muxe a yisa nhlamulo leyi eka HOSI Xikwembu. 9HOSI Xikwembu xi ku ka Muxe: “Sweswi ndzi ta ta eka wena ndzi ri epapeni lero dziva, leswaku ndzi ta vulavula na wena vanhu va ri karhi va swi twa; kutani va ta hamba va ku tshemba.”

Kwalaho Muxe a vikela HOSI Xikwembu leswi vanhu va vuleke swona. 10Kutani HOSI Xikwembu xi ku ka Muxe: “Famba u ya byela vanhu leswaku namuntlha ni mundzuku va tibasisela ku gandzela, va hlantswa ni swiambalo swa vona. 11Mundlwana, ri nga ta va siku ra vunharhu, va fanele ku va va hetile, hikuva hi siku rero mina HOSI Xikwembu ndzi ta rhelela ndzi ta entshaveni ya Sinayi, vanhu hinkwavo va ri karhi va swi vona. 12

19:12-13
Hev. 12:18-20
U ta bela vanhu mindzilekana ku rhendzeleka ni ntshava, u ku ka vona: ‘Tivoneleni leswaku mi nga tshuki mi khandziya mi ya entshaveni; ni ku khumba laha yi helelaka kona, mi nga khumbi! Loyi a nga ta khumba ntshava, u ta dlayiwa.’ 13Munhu wa kona a nge dlayiwi hi mavoko, kambe ú to khandliwa hi maribye, kumbe a tlhaviwa hi nseve, a fa; hambi i xiharhi kumbe munhu, ku hava ku pona! Kambe loko mhalamhala yi biwa nkarhi wo leha, van'wana va ta tlhandlukela entshaveni.”Vonani ndzimana 24, na Eksoda 24:1,9-11

14Kutani Muxe a rhelela hi le ntshaveni a ya laha vanhu a va ri kona, a fika a va byela leswaku va tibasisela ku gandzela, va hlantswa ni swiambalo swa vona. 15A engeta a ku ka vona: “Mundlwana, ri nga siku ra vunharhu, mi fanele ku va mi hetile, naswona mi nga tshuki mi etlela ni vasati va n'wina.” 16

19:16-18
Dut. 4:11-12
Nhlav. 4:5
Hi siku ra vunharhu nimpundzu, tilo ri baleka, ri hatima-hatima, papa lero dziva ri khubumeta ntshava, mhalamhala yi ri karhi yi ba swinene, vanhu lava a va ri emintsongeni va rhurhumela hi ku chava. 17Kutani Muxe a vitana vanhu leswaku va huma emintsongeni, va ya hlangana na Xikwembu; vanhu va fika va yima ehansi ka ntshava. 18Ntshava hinkwayo ya Sinayi a yi funengetiwile hi musi, hikuva Xikwembu a xi rhelerile xi ta ehenhla ka yona hi xivumbeko xa ndzilo. Kutani musi wa ndzilo lowu wu huma wu ya ehenhla ku fana ni ndzilo wa le xitikweni, ntshava hinkwayo yi tsekatseka swinene.Van'wana va ri: Vanhu hinkwavo va rhurhumela swinene hi ku chava 19Mhalamhala yi ya yi ba swinene. Muxe a vulavula na Xikwembu, kutani xona xi n'wi hlamula hi rito leri tlakukeke.hi rito leri tlakukeke, kumbe: hi ku baleka ka tilo 20Kutani HOSI Xikwembu xi rhelela xi ta enhlohlorhini ya ntshava ya Sinayi; xi vitanela Muxe enhlohlorhini ya ntshava, kutani Muxe a tlhandluka a ya kona. 21HOSI Xikwembu xi ku ka Muxe: “Rhelela u ya tshinya vanhu, hikuva va nga tshuka va tsemakanya ndzilekana, va ku va ta va ta vona HOSI Xikwembu, kutani ku nga fa lavo tala exikarhi ka vona. 22Hambi va ri vaprista lava pfumeleriwaka ku tshinela kusuhi na mina HOSI, va fanele ku tibasisa; loko swi nga ri tano, ndzi ta va hlundzukela ndzi va ba.” 23Kutani Muxe a ku ka HOSI Xikwembu: “Vanhu va nga ka va nga khandziyi laha ntshaveni ya Sinayi, hikuva hi wena u hi leriseke leswaku hi ba ndzilekana ku rhendzeleka ni ntshava, hi tlhela hi hlawulekisa ntshava leyi.” 24HOSI Xikwembu xi ku ka Muxe: “Rhelela u ya vuya na Aroni; kambe u nga tshuki u pfumelela vaprista ni vanhu leswaku va tsemakanya ndzilekana va tlhandlukela eka mina HOSI Xikwembu, hikuva loko va endla sweswo, ndzi ta va hlundzukela ndzi va ba.” 25Kutani Muxe a rhelela a ya laha vanhu a va ri kona, a fika a va byela.