Xitsonga 1989 (TSO89)
8

Ta Davhida loko a kurisa mfumo wa yena

(I Tikr. 18:1-13)

81Endzhaku ka timhaka teto, Davhida a tlhela a lwa ni Vafilista a va hlula, a heta matimba ya mfumo wa vona.Kumbe: a va tekela muti wa Metege-Ama

2Davhida a hlula ni mavuthu ya Vamowabu; a xaxameta lava khomiweke, a va pavalarisa ehansi, kutani a va pima hi ngoti, ku huma mintlawa minharhu; hiloko a yisa mintlawa mimbirhi eku dlaweni, kambe a tsetselela hinkwavo lava a va ri entlaweni wa vunharhu. Ku sukela siku rero, Vamowabu va va ehansi ka mfumo wa Davhida, va humesa ndzuvo va n'wi luva.

3Davhida a hlula na Hadadi-Ezere n'wana Rehobo hosi ya le Soba, loyi a a ringeta ku pfuxa mfumo wa yena ematlhelweni ya nambu wa Yufrata. 4A khoma vagadi va tihanci ta Hadadi-Ezere va 1 700, a khoma ni ntlawa wa masocha ya 20 000 lawa a ma famba hi milenge; naswona Davhida a lerisa leswaku tihanci hinkwato ta makalichi ti lamatiwa hi ku tsemiwa minsiha ya milenge, a siya leti ringanaka ku koka makalichi ya dzana ntsena. 5Loko VasiriyaVasiriya, kumbe: Vaaramu va le Damaska va ya phalala Hadadi-Ezere hosi ya le Soba, Davhida a lwa na vona, a dlaya vavanuna va 22 000. 6Kutani Davhida a veka mintlawa ya varindzi leswaku va rindza Vasiriya va le Damaska; kwalaho Vasiriya va va ehansi ka mfumo wa Davhida, va humesa ndzuvo va n'wi luva. HOSI Xikwembu a xi nyika Davhida ntamu wa ku hlula valala va yena, hinkwako lomu a a famba a ya lwa kona. 7Davhida a teka switlhangu swa nsuku leswi a swi tirhisiwa hi tinhenha ta Hadadi-Ezere, a ya na swona eYerusalema. 8Hosi Davhida a phangha ni koporo leyo tala ngopfu emitini ya Beta na Berotayi, leyi a yi ri ehansi ka Hadadi-Ezere.

9Loko Toyi hosi ya le Hamata a twa leswaku Davhida ú hlurile mavuthu hinkwawo ya Hadadi-Ezere, 10a rhumela n'wana wa yena YoramuVan'wana va ri: Hadorama eka hosi Davhida, ku ya n'wi pfuxela ni ku n'wi nkhensa, leswi a hluleke Hadadi-Ezere enyimpini. (Toyi na Hadadi-Ezere a va tshamela ku lwa.) Yoramu a famba a tamele tinyiko ta silivhere, ni ta nsuku, ni ta koporo. 11Davhida a teka tinyiko leti, a ti veka hi tlhelo leswaku ti ta tirhiseriwa HOSI Xikwembu, swin'we ni swilo swin'wana swa silivhere ni swa nsuku leswi humaka ematikweni hinkwawo lawa a ma hluleke. 12Swilo leswi a swi huma eka Vaedomu,Van'wana va ri: Vasiriya ni Vamowabu, ni Vaamoni, ni Vafilista, ni Vaamaleke, ku katsa ni leswi a swi phangheke eka Hadadi-Ezere n'wana Rehobo hosi ya le Soba.

13

8:13
Ps. 60:1
Davhida a sungula ku duma ngopfu. Loko a vuya hi le ku hlaseleni ka Vasiriya, [a hlasela ni Vaedomu]Van'wana a va tsalanga marito lawa eka “Nkova-wa-Munyu”, a dlaya vanhu va 18 000, 14kutani a veka mintlawa ya varindzi ematlhelweni hinkwawo ya tiko ra Edomu. Hi mukhuva wolowo Vaedomu hinkwavo va va ehansi ka mfumo wa Davhida. HOSI Xikwembu a xi nyika Davhida ntamu wa ku hlula valala va yena hinkwako lomu a a ya kona.

Valanguteri ni tindhuna ta Davhida

(II Sam. 20:23-26; I Tikr. 18:14-17)

15Davhida a fuma tiko hinkwaro ra Israele. A a fambisa vanhu va yena hinkwavo hi moya wo lulama, a nga yi hi nghohe.

16Ndhuna ya mavuthu ya yena a a ri Yowabu.

Muhlayisi wa makanelwa a a ri Yoxafati n'wana Ahiludi.

17Vaprista a va ri Sadoki n'wana Ahituba, na Ahimeleke n'wana Abiyatara.Van'wana va ri: Vaprista a va ri Abiyatara n'wana Ahimeleke wa Ahituba, na Sadoki

Matsalani a a ri Seraya.

18Mufambisi wa mavuthu ya Vakereti ni Vapeleti a a ri Benaya n'wana Yoyada.

Vana va Davhida a va ri van'wana va vaprista.