Xitsonga 1989 (TSO89)
23

Marito ya Davhida yo hetelela

231Lawa i marito ya Davhida yo hetelela:

“Ku vula mina Davhida n'wana Yese,

ku vula mina, munhu loyi a yisiweke eka xiyimo xa le henhla,

loyi Xikwembu xa Yakobo xi n'wi hlawuleke,

musumi wa tinsimu loyi a tsakeriwaka ngopfu hi Vaisraele.

2Moya wa HOSI Xikwembu wu tirhisa mina ku vulavula,

rito ra xona ri le non'wini wa mina.

3Xikwembu xa Israele xi vulavurile.

Xona xi nga ribye ra vuchavelo bya Israele, xi te ka mina:

‘Loyi a fumaka vanhu hi ku lulama

a fuma a ri karhi a xixima Xikwembu,

4ú fana ni ku vonakala nimixo,

loko dyambu ri tlhava hi siku ro pfumala mapapa:

Ku phatima ka rona, loko mpfula yi nile,

swi hlukisa byanyi bya rihlaza emisaveni!’

5“Hakunene, hi xona xiyimo xa rixaka ra mina emahlweni ka Xikwembu.

Xikwembu xi endlile na mina ntwanano lowu nga heriki,

lowu hetisekeke matlhelo hinkwawo.

Hinkwaswo leswi xi ndzi pfuneke ha swona

ni hinkwaswo leswi ndzi swi tsakelaka,

Xikwembu xi ta swi andzisa.

6Kambe vanhu hinkwavo lava nga pfuniki nchumu, va fana ni mitwa leyi cukumetiweke,

hikuva a ku na loyi a nga yi khomaka hi voko;

7ku khoma yona, munhu u tirhisa nsimbhi kumbe mphiselo wa tlhari,

kutani yi hisiwa yi helela kwalaho.”

Tinhenha ta Davhida

(I Tikr. 11:10-47)

8Mavito ya tinhenha tinharhu letikulu ta Davhida hi lawa: Yo sungula a a ri YixibaaliVan'wana va ri: Yoxebe-Baxebete wa le Hakimoni, loyi a a rhangela tinhenha letin'wana timbirhi.Van'wana va ri: a a ri mufambisi wa tinhenha ta 30 Siku rin'wana a khoma tlhari ra yena a ya lwa ni vanhu vo ringana 800,Van'wana va ri: Siku rin'wana yena Adino wa Ezini a ya lwa ni vanhu va 800 a va dlaya xikan'we hinkwavo.

9Nhenha ya vumbirhi eka tinhenha tinharhu letikulu a a ri Eliyazara, n'wana Dodo wa le Ahohi. Siku rin'wana, yena na Davhida va pfuka Vafilista lava a va hlengeletanile, va tilulamisela ku lwa. Masocha ya Israele ma suka ma tsutsuma, 10kambe Eliyazara yena a yima a nga tsutsumi, a dlayetela Vafilista, voko ra yena ri kondza ri karhala, ri namarhela fumu. Hi siku rero, HOSI Xikwembu xi endla leswaku ku hlula ku va lokukulu. Loko masocha ya Israele ma vuya laha Eliyazara a a ri kona, a mo vuyela ntsena ku ta phangha swa lava dlayiweke.

11Nhenha leyikulu ya vunharhu a a ri Xama n'wana Agi wa le Harari. Siku rin'wana, Vafilista va hlengeletana emutini wa Lehi,Van'wana va ri: va hlengeletana va endla ntlawa wun'we laha a ku ri ni nsimu leyi teleke timbaweni. Masocha ya Israele ma suka ma tsutsuma Vafilista, 12kambe Xama a yima exikarhi ka nsimu, a yi lwela, a dlaya Vafilista. Hi siku rero, HOSI Xikwembu xi nyika Vaisraele ematimba yo hlula valala, va va heta.

13Enkarhini wa ntshovelo, tinhenha leti tinharhu leti humaka eka vuthu ra tinhenha,Van'wana va ri: leti humaka eka leta 30 ti rhelela ti ya eka Davhida, ebakweni ra Adulama; ntlawa wa Vafilista a wu govile enkoveni wa Refayimi. 14Enkarhini wolowo, Davhida a a tala ku tshama ekhokholweni ra le Yerusalema, kasi mixaxa ya Vafilista a yi ri eBetlehema. 15Kutani Davhida a vula hi ku navela, a ku: “Mawaku loko un'wana a nga ndzi tisela mati yo nwa yo huma exihlobyeni lexi nga kusuhi ni nyangwa ya Betlehema!” 16Hiloko tinhenha letinharhu ti hundza hi ku sindzisa emixaxeni ya Vafilista, ti ya ka mati exihlobyeni lexi nga kusuhi ni nyangwa ya Betlehema; ti vuya na wona ti ta nyika Davhida. Kambe yena a ala ku nwa mati ya kona, kutani a ma halata a ri karhi a khongela HOSI Xikwembu, 17a ku: “We HOSI, mati lawa ndzi nga ka ndzi nga ma nwi, hikuva a swi to fana ni loko ndzi nwa ngati ya vavanuna lava va nga tsetselelangiki vutomi bya vona, va ya eBetlehema!” Davhida a arisa sweswo ku nwa. Leswi, hi swona swi endliweke hi tinhenha letinharhu.

18Abixayi makwavo wa Yowabu n'wana Seruya a a ri un'wana wa vafambisi va vuthu ra tinhenha ta 30.Van'wana va ri: mufambisi wa vuthu ra tinhenha leta 30 Siku rin'wana a khoma tlhari ra yena, a ya lwa ni vavanuna va 300, a va dlaya. Hi ndlela leyi, a va un'wana wa lava dumeke, ehandle ka tinhenha letikulu letinharhu.hileswaku Yixibaali na Eliyazara na Xama. Van'wana va ri: exikarhi ka tinhenha ta 30 19Abixayi a a dumile ngopfu ku tlula tinhenha leti ta 30, kutani a vekiwa ku va mufambisi wa tona, kambe, hi ku duma ka yena, a a nga fiki eka tinhenha letikulu letinharhu.

20Benaya n'wana Yehoyada wa le Kabisele a a ri yin'wana ya tinhenha,Van'wana va ri: a a ri n'wana wa nhenha; kumbe: a a ri n'wana wa Ixihayili munhu wa migingiriko. Hi yena loyi a dlayeke tinhenha timbirhi ta Mowabu to tiveka swinene.kumbe: Hi yena loyi a dlayeke vana vambirhi va Ariele Naswona siku rin'wana loko ku ri ni gamboko, hi yena loyi a nga rhelela a ya exihlobyeni, a ya dlaya nghala kona. 21Hi yena kambe loyi a dlayeke Muegipta un'wana wa xiyimo xo saseka; Muegipta loyi a a tamerile tlhari lerikulu, kutani Benaya a rhelela a n'wi yela ni nhonga, a vutla tlhari evokweni ra Muegipta, a n'wi tlhava ha rona. 22Leswi hi swona swi endliweke hi Benaya n'wana Yehoyada; kutani a va un'wana wa lava dumeke, ehandle ka tinhenha letikulu letinharhu.Van'wana va ri: exikarhi ka tinhenha ta 30 23A a dumile ku tlula tinhenha ta 30, kambe a a nga fiki eka tinhenha letikulu tinharhu, hi ku duma ka yena; kutani Davhida a n'wi veka ku va mufambisi wa varindzi va yena.

24Asahele makwavo wa Yowabu a a ri un'wana wa tinhenha leti ta 30;

van'wana hi lava:

Elihanani n'wana Dodo wa le Betlehema;

25Xama na Elika va le Haroda;

26Helese wa le Palati;

Ira n'wana Ikexe wa le Tekowa;

27Abiezere wa le Anatoto;

MebunayiVan'wana va ri: Sabeni, kumbe: Sibekayi wa le Huxa;

28Salimoni wa le Ahohi;

Maharayi wa le Netofa;

29Helebe n'wana Baana wa le Netofa;

Itayi n'wana Ribayi wa le Gibeya, etikweni ra Benjamini;

30Benaya wa le Piratoni;

Hidayi wa le swinkobyaneni swa Gaaxi;

31Abi-Aliboni wa le Araba;

Azimavhete wa le Bahurimi;

32Eliyahaba wa le Xaaliboni;

Yaxeni wa le Guni;Van'wana va ri: Haxemi wa le Gizoni (kumbe: wa le Gimzoni) Yonatani

33n'wana Xama wa le Harari;Van'wana va ri: Yonatani; Xama wa le Harari

Ahiyama n'wana Xarare wa le Harari;

34Elifalete n'wana Ahasibayi wa le Maaka;

Eliyama n'wana Ahitofele wa le Gilo;

35Hesiro wa le Karmele;

Paarayi wa le Araba;

36Yigala n'wana Natani wa le Soba;

Bani wa le Gadi;

37Seleke wa le Amoni;

Naharayi wa le Beroto, mutameri wa matlhari ya Yowabu n'wana Seruya;

38Ira na Garebe va le Yitira;

39na Uriya lowa Muhiti.

Tinhenha hinkwato a ti ri 37.