Siswati 1996 (SWA96)
10

Ingilosi lenencwajana legocotwako

101

10:1
Semb. 1:16
4:3
5:2
Ngase ngibona lenye ingilosi lenemandla lamakhulu yehla ezulwini yehlela phansi, yembetse lifu, inemushi wenkosazana etikwenhloko yayo, buso bayo bunjengelilanga, imilente yayo injengetinsika temlilo. 2Yayiphetse incwajana levulekile esandleni sayo. Ngelunyawo lwayo lwangesekudla yema etikwelwandle, ngelwangesancele yema etikwemhlabatsi. 3Yamemeta ngelivi lelikhulu lelalinjengelekubhodla kwelibhubesi. Yatsi kube imemete, kwevakala kudvuma lokusikhombisa. 4
10:4
Dan. 12:4,9
Kwatsi kube kuvakale lokudvuma lokusikhombisa, ngase ngilungiselela kubhala, kodvwa ngeva livi liphuma ezulwini litsi: “Loko lokushiwo kudvuma lokusikhombisa ungakubhali phansi; kugcine kuyimfihlo.”

5

10:5-7
Eks. 20:11
Dut. 32:40
Dan. 12:7
Amo. 3:7
Lengilosi lengayibona ime elwandle nasemhlabatsini, yaphakamisela sandla sayo sangesekudla ezulwini, 6
10:6
Gen. 14:19,22
yamfunga yena lophila kuze kube phakadze, lowadala lizulu nako konkhe lokukulo, nemhlaba nako konkhe lokukuwo, nelwandle nako konkhe lokukulo, yatsi: “Kutawubate lokutawubambelela! 7
10:7
Amo. 3:7
Imis. 3:21
Semb. 11:15
17:17
Kodvwa kutawutsi ngesikhatsi selivi lengilosi yesikhombisa, nase itawushaya licilongo layo, kufezeke imfihlakalo yaNkulunkulu, njengobe abetsembisile etisebentini takhe, baphrofethi.”

8

10:8-10
Hez. 2:8 – 3:3
Ngaphindza ngaliva livi liphuma ezulwini likhuluma kimi litsi: “Hamba uyewutsatsa lencwajana levulekile lesesandleni sengilosi leme etikwelwandle nasetikwemhlabatsi.”

9Ngako ngaya kulengilosi, ngayitjela kutsi ayinginike lencwajana. Yatsi kimi: “Yitsatse, uyidle. Itawuluma esiswini, kodvwa ibe mnandzi njengeluju emlonyeni.”

10Ngayitsatsa-ke lencwajana esandleni salengilosi, ngayidla. Yaba mnandzi njengeluju emlonyeni wami, kodvwa ngatsi nase ngiyidlile yaluma esiswini sami. 11

10:11
Jer. 1:10
Ngatjelwa kwatsiwa: “Kufanele uphrofethe ngebantfu labanyenti, nangetive, nangetilimi, nangemakhosi.”