Umthandazo wekucela kuvikelwa esitseni

(Hla. 108:6-13)

Sihlabelelo lesiyimiktamu yaDavide, lesetfulwe kumhlabelisi kutsi sifundziswe satiwe ngekusihlabela ngendlela letsi: “Siphephane.” Bufakazi. Wasihlabela ngesikhatsi alwa nemaSiriya aseMesophothamiya naseSobha, Jowabe wabe sewubuyela emuva wacitsa baka-Edomu labatinkhulungwane letilishumi natimbili endzaweni letsiwa Sigodzi Seluswayi.

60¹

usiyekelele wasilahla,

wenta netivikelo tetfu tabhidlitwa,

kwaya njengobe usitfukutselele.

Buya utesilulamisa.

²Utamatamise umhlaba,

wawudzabula timfa;

tivale letimfa tawo ngobe uyaceka.

³

wasinatsisa liwayini sadzakwa,

saba ngumhlaba.

⁴Ubanike luphawu labakwesabako,

wabenta bacocana ngaphansi kwalo,

kuze bavikeleke

emicibisholweni yetitsa. Cabanga.

⁵

usiphendvule,

kuze labatsandzekako bakho bakhululwe.

⁶Nkulunkulu ukhulume

asendzaweni yakhe lengcwele watsi:

“Ngiyakwetsaba,

ngilehlukanise lakaShekhemu,

ngisabe Sigodzi saseSukhothi.

⁷

nelive laManase lami,

Efrayimu usivikelo senhloko yami,

Juda uyindvuku yami yebukhosi.

⁸

etikwa-Edomu ngijika sicatfulo sami.Loku kusho kutsi “Edomi wami”

Nine maFilisti, memetani, ningikhonte.”

⁹Ngitawumikiswa ngubani

kulomuti loyinqaba?

Ngitawuholwa ngubani

kuya ka-Edomu?

¹⁰

wena usilahlile.

Awu, Nkulunkulu,

awusahambi nemabutfo etfu emphi.

¹¹

ngobe lusito lwebantfu lulite.

¹²

Nguye lotawugcobagcoba titsa tetfu.

Umthandazo wekucela kuvikelwa

Sihlabelelo saDavide lesetfulwe kumhlabelisi kutsi sihlatjelwe ngetingubhu letinetintsambo.

61¹Lalela kukhala kwami, Nkulunkulu,

uve umthandazo wami.

²Ngikhala kuwe ngikhashane,

emajukujukwini emhlaba,

ngesikhatsi inhlitiyo yami idzangele.

Ngiholele edvwaleni

leliphakeme kakhulu kunami.

³

uyinqaba lengumbhoshongo locinile

wekungivikela esitseni sami.

⁴

kuze kube phakadze!

Ngiyawukhosela ngaphansi kwemaphiko akho. Cabanga.

⁵Wena, Nkulunkulu,

utivile tetsembiso tami,

ngobe nguwe lobanika lifa,

labo labalesabako libito lakho.

⁶

yengeta emalanga ekuphileni kwenkhosi,

ime titukulwane ngetitukulwane.

⁷Ebukhoneni bakho, Nkulunkulu,

inkhosi ayihlale esihlalweni sebukhosi,

ibuse kuze kube phakadze;

uyilondvolote ngemusa wakho

nangekwetsembeka kwakho.

⁸Ngako libito lakho ngiyawulidvumisa

kuze kube phakadze,

kuze ngigcwalise tetsembiso tami

imihla ngemihla.

NguNkulunkulu kuphela losiphephelo setfu

Sihlabelelo saDavide lesetfulwe kumhlabelisi kutsi sihlatjelwe ngendlela yaJeduthuni.

62¹Umphefumulo wami utithulele

kuNkulunkulu kuphela,

insindziso yami ivela kuye.

²

nensindziso yami, nenqaba yami,

ngingeke ngishukunyiswe.

³Kuyawuze kube ngunini nidvumela lendvodza

nine nonkhe kuze niyibulale?

Injengelubondza lolutjekele kuwa,

nanjengelutsango loludzilikako.

⁴Bafuna licebo lekumketula

esikhundleni sakhe lesiphakeme,

batsandza emanga.

Ngemilomo yabo bayabusisa,

kodvwa etinhlitiyweni tabo bayacalekisa. Cabanga.

⁵Mphefumulo wami,

thula kuNkulunkulu,

ngobe litsemba lami livela kuye.

⁶

nensindziso yami, nenqaba yami,

ngingeke ngitanyatanyiswe.

⁷Insindziso yami neludvumo lwami

kusetandleni taNkulunkulu.

Nkulunkulu usiphephelo sami

nelidvwala lami lelicinile.

⁸Nine sive, yetsembelani kuye

ngato tonkhe tikhatsi,

tfululelani kuye tinhlitiyo tenu,

Nkulunkulu usiphephelo setfu. Cabanga.

⁹

tikhulu nato tilite lelite.

Nome bafakwa esikalini kanyekanye,

balula kunemoya.

¹⁰

ningatilulati ngematsemba lalite nekugcekeza,

nome ngabe ingcebo iyandza,

ningatibeki tinhlitiyo tenu kuyo.

¹¹Nkulunkulu ukhulume kanye,

ngeva kwaba kubili:

kutsi emandla ngakho, Nkulunkulu,

¹²

Ngobe wena umuntfu umnika umvuzo

njengekwemisebenti yakhe.