Sigaba sesibili

(Tihlabelelo 42 – 72)

Komela Nkulunkulu

Sihlabelelo lesiyimaskili sentalelwane yaKhora, lesetfulwe kumhlabelisi.

42¹Njengendluzele yomele emanti emfula,

kanjalo nemphefumulo wami

ulangatelela wena, Nkulunkulu.

²

yena lowo Nkulunkulu lophilako.

Ngiyawufika nini

ngibonakale embikwaNkulunkulu?

³

busuku nemini,

ngobe lilanga lonkhe

bantfu bangichwephesha batsi:

“Kantsi ushonephi loNkulunkulu wakho?”

⁴Nangikhumbula emuva,

inhlitiyo yami iyabibitseka

ngekhatsi kwami.

Ngangihamba nesicuku lesikhulu

ngisihola embili

ngiya endlini yaNkulunkulu

sihlabela ngekujabula lokukhulu.

⁵Mphefumulo wami, udzabukeleni?

Uvungamelani ngekhatsi kimi?

Mani kuNkulunkulu,

ngobe ngisetawumdvumisa

uMsindzisi wami naNkulunkulu wami.

⁶

ngekhatsi kwami,

ngako-ke ngiyawukukhumbula ngiseseJordane,

nasetintsabeni taseHemoni netaseMisari.

⁷

titiba nemabhudlo timemetana todvwana,

shangatsi ngigujetelwa ngemagagasi

netikhukhula temfula logcwele.

⁸

angakhombisa umusa wakhe kimi emini,

kuze kutsi ebusuku

ngihlabele ngimdvumise,

ngikhuleke kuNkulunkulu wekuphila kwami.

⁹

“Dvwala lami,

kwentiwa yini kutsi ungikhohlwe?

Kungani ngihambe ngilila

ngenca yekucindzetelwa sitsa?”

¹⁰

titsa natingihheletela

lilanga lonkhe, titsi:

“Kantsi uphi loNkulunkulu wakho?”

¹¹

Uvungamelani ngekhatsi kwami?

Mani kuNkulunkulu,

ngobe ngisetawumdvumisa

uMsindzisi wami naNkulunkulu wami.