Siswati 1996 (SWA96)
36

Lutsandvo lwaSimakadze lume njalo

Sihlabelelo saDavide, inceku yaSimakadze, lesetfulwe kumhlabelisi.

361

36:1
Rom. 3:18
Sono siyakhuluma

ekujuleni kwenhlitiyo yalomubi.

Yebo, lomubi

akamesabi Nkulunkulu.

2

36:2
Hla. 10:3
Utiphakamisa kangangekutsi

akabuboni nebubi besono sakhe.

3Inkhulumo yakhe ikuganga nemacebo;

ubuyekele bucotfo bakhe

nekwenta lokulungile.

4

36:4
Taga 4:16
Mik. 2:1
Utsi alele abe akha emachinga ekuganga,

sewuhamba ngendlela lembi,

akakwenyanyi lokubi aphambane nako.

5

36:5
Hla. 57:10
108:4
Simakadze, umusa wakho

ufikela amazulwini,

kwetsembeka kwakho kufikela emafini.

6

36:6
Hla. 145:15
Rom. 11:33
Kulunga kwakho kunjengetintsaba letinkhulu,

tincumo takho tijule njengelwandle.

Simakadze, ulondvolota bantfu netilwane.

7

36:7
Hla. 17:8
Yebo, Nkulunkulu,

umusa wakho uligugu lelikhulu.

Bantfu basemhlabeni bayakhosela

emtfuntini wetimphiko takho.

8

36:8
Hla. 65:4
Badla indvodla yekudla,

badzimate besutse endlini yakho,

ubanatsise emanti

emfuleni wakho wentfokoto,

9

36:9
Hla. 49:19
Jer. 2:13
17:13
ngobe nguwe umtfombo wekuphila,

kukhanya sikubona ekukhanyeni kwakho.

10Chubeka nawo lowo musa wakho,

kulabo labakwatiko,

uchubeke nekulunga kwakho

kulabacotfo ngenhlitiyo.

11Ungaluvumeli lunyawo lwalotigcabhako

kutsi lunginyatsele,

nalabangamesabi Nkulunkulu

kutsi bangicoshe.

12

36:12
Hla. 18:38
Lababi bawe khona lapho

bawiswe phansi, bangeke bavuke.