Tihlabelelo 149 - Siswati 1996 (SWA96) - BibleSA

Siswati 1996 (SWA96)

148

Yonkhe indalo ayidvumise Nkulunkulu

Haleluya, dvumisani Simakadze!

148¹

148:1

Luk. 2:14
Dvumisani Simakadze

nine mazulu laphakeme,

nidvumise Simakadze

nani lenisezulwini.

²Mdvumiseni nine tingilosi takhe,

nimdvumise nani nonkhe mabutfo akhe.

³Mdvumise wena langa, nawe nyanga,

nimdvumise nani nonkhe

tinkhanyeti letikhatimulako!

⁴

148:4

Gen. 1:7
Mdvumiseni nine mazulu laphakeme,

nani manti langetulu kwesibhakabhaka.

⁵Konkhe akudvumise libito laSimakadze,

ngobe wakhuluma kwadaleka.

⁶

148:6

Jobe 28:24
Jer. 33:25
Wakumisa etindzaweni tako

phakadze naphakadze,

wakushayela umtsetfo longenakweciwa.

⁷Dvumisani Simakadze nine lenisemhlabeni,

nani tilwane letesabekako taselwandle,

nawe kujula kwelwandle,

⁸

148:8

Jobe 37:11
nawe mlilo nesangcotfo,

nelichwa, netinkhungu,

nemoya lonemandla lolalela imiyalo yakhe.

⁹Mdvumiseni nine magcuma netintsaba tonkhe,

nimdvumise nani tihlahla tetitselo,

nani nonkhe mahlatsi,

¹⁰nine tilwane tesiganga netekufuywa,

nani lenihamba ngesisu,

netinyoni letindizako.

¹¹Mdvumiseni nine makhosi netive tonkhe,

nimdvumise nani tikhulu

nebabusi bonkhe bemhlaba,

¹²nani majaha netintfombi,

nani labadzala nalabancane.

¹³

148:13

Isa. 12:4
Bonkhe abadvumise libito laSimakadze,

ngobe lakhe kuphela libito leliphakeme;

inkhatimulo yakhe ingetulu

kwemhlaba nelizulu.

¹⁴Sive sakhe usivusele insindziso,

kuze kudvunyiswe

bonkhe labangcwele bakhe,

lekusive saka-Israyeli,

lesisedvute naye.

Haleluya, dvumisani Simakadze!

149

Ingoma yekuncoba

Haleluya, dvumisani Simakadze!

149¹

149:1

Hla. 96:1
Simakadze mhlabeleleni ingoma lensha,

nimdvumise ebandleni lalabangcwele.

²

149:2

Hla. 100:3
Israyeli akajabule ngenca yeMdali wakhe,

bantfu beSiyoni batfokote ngeNkhosi yabo.

³

149:3

Eks. 15:20
2 Sam. 6:14
Abadvumise ngekugidza

nangesigubhu nangehabhu.

⁴Simakadze uyasijabulela sive sakhe,

labatitfobako ubapha umchele wekuncoba.

⁵Labangcwele abahlabele ngebukhosi,

bahlabele ngenjabulo bonkhe busuku.

⁶

149:6

Ef. 6:17
Heb. 4:12
Shangatsi emaphimbo abo

angadvumisa Nkulunkulu,

netandla tabo

tihlome inkemba lekhalipha

tinhlangotsi totimbili.

⁷Khona batewuphindzisela kubetive,

bajezise nebahedeni,

⁸

149:8

Mik. 4:13
babophe nemakhosi abo ngemaketane,

netikhulu tabo batibophe ngabozankosi,

⁹

149:9

Dut. 32:41
batewufeza sijeziso sabo

njengobe kubhaliwe.

Loku kuludvumo

lwalabangcwele bakhe bonkhe.

Haleluya, dvumisani Simakadze!

150

Haleluya, dvumisani Simakadze!

150¹

150:1

Hla. 148:1
Haleluya, dvumisani Simakadze!

Dvumisani Nkulunkulu,

endlini yakhe lengcwele!

Mdvumiseni emazulwini akhe lanemandla.

²Mdvumiseni ngemisebenti yakhe yemandla,

nimdvumise ngebukhulu bakhe

lobumangalisako.

³Mdvumiseni ngekushaya licilongo,

nimdvumise ngehabhu nangelugitali.

⁴

150:4

Hla. 149:3
Mdvumiseni ngetingubhu nangekugidza,

nimdvumise ngetintsambo nangefluthi.

⁵Mdvumiseni ngekukhencetisa bokhencekhence,

yebo nimdvumise

ngekukhencetisa bokhencekhence.

⁶

150:6

Semb. 5:13
Konkhe lokuphilako akudvumise Simakadze.

Haleluya, dvumisani Simakadze!