Imphumelelo ichamuka kuNkulunkulu
Ingoma yaSolomoni yekuya emikhosini.
1271
1 Khor. 3:7
Indlu nayingakhiwa nguNkulunkulu,
basebentela lite labo labayakhako.
Lidolobha nalingagadvwa nguNkulunkulu,
basebentela lite labo labaligadzako.
2
Mat. 6:25
Kulite kini
kuvuka ekuseni nephute nekulala,
nidle nekudla kwekuhlupheka,
ngobe Nkulunkulu uyamupha
lotsandzekako wakhe ebusuku aselele.
3
Bantfwana balifa leliphuma kuSimakadze,
basibusiso lesivela kuye.
4Bantfwana bebusha
banjengemicibisholo
lesesandleni selichawe.
5Ibusisiwe indvodza,
lemgodla wayo ugcwele
imicibisholo lenjalo.
Bangeke bahlazeke
nabamelene netitsa tabo
emasangweni ekwehlulela.
Kubusiswa kwalowo lowesaba Nkulunkulu
Ingoma yekuya emikhosini.
1281
119:1
Babusiswe labo labesaba Nkulunkulu,
labo labahamba ngetindlela takhe.
2Uyawudla titfukutfuku takho,
ube nenhlanhla nemphumelelo.
3Umkakho uyawufanana nemvini lotselako
nasahleti endlini yakho,
bantfwabakho
babe njengemahlumela emncumo
nase bahleti etafuleni lakho.
4Ibusiswa kanjalo-ke,
indvodza leyesaba Nkulunkulu.
5
Shangatsi Nkulunkulu angakubusisa aseSiyoni,
shangatsi ungabona kuchuma kweJerusalema
emphilweni yakho yonkhe.
6
Gal. 6:16
Shangatsi ungaphila uze ukhokhobe,
uze ubone nebatukulu bakho.
Kuthula akube na-Israyeli.
Umthandazo wekucela kutsi titsa teSiyoni ticitfwe
Ingoma yekuya emikhosini.
1291“Bangihlupha kwasebusheni bami,”
akasho njalo Israyeli atsi:
2“Bangihlupha kwasebusheni bami,
kodvwa abazange bangehlule.
3
Isa. 51:23
Hez. 19:10
Balimi babelima emhlane wami,
bembe lemikhulu imisele.
4Kodvwa Simakadze ulungile,
utijubile tindilimo talababi
lababengibophe ngato.”
5Shangatsi bonkhe labatondza Siyoni,
bangancandvwa bahlazekile.
6
Isa. 37:27
Shangatsi bangafanana netjani
lobumila etikwetindlu,
bubune busengakakhuli.
7Kute nalobuvunako, abubutse,
nome lobetfwala ngetitfungo.
8
Nalabendlulako abayiwusho
ngisho nekutsi:
“Shangatsi Simakadze anganibusisa.
Sinibusisa ngelibito laSimakadze.”