Siswati 1996 (SWA96)
115

Nkulunkulu netithico

1151

115:1
Hla. 79:9
Yenta kungabi ngitsi, Simakadze,

yenta kungabi ngitsi,

kepha akudvunyiswe libito lakho

ngenca yemusa wakho

nangenca yekwetsembeka kwakho.

2

115:2
Hla. 79:10
Kungani betive batsi:

“Sewushonephi loNkulunkulu wabo?”

3

115:3
Jobe 23:13
42:2
Phela, Nkulunkulu wetfu usemazulwini,

wenta konkhe lakutsandzako.

4

115:4
Isa. 44:9
115:4-8
Hla. 135:15-18
Semb. 9:20
Kodvwa tithico tebetive

tentiwa ngesiliva nangegolide,

tingumsebenti wetandla temuntfu.

5Tinemilomo, kodvwa atikhulumi,

tinemehlo, kodvwa atiboni.

6Tinetindlebe, kodvwa ativa,

tinemakhala, kodvwa atiliva liphunga.

7Tinetandla, kodvwa atiphatsi,

tinetinyawo, kodvwa atihambi.

Tite nemalakanya emiphinjeni yato.

8

115:8
Isa. 42:17
Laba labatentako bafanana nato,

bonkhe labetsembele kuto bafanana nato.

9

115:9
Hla. 33:20
Awu, Israyeli,

yetsembelani kuSimakadze.

Nguye longumsiti wenu nesihlangu senu!

10Awu, wena ndlu yaka-Aroni,

beka litsemba lakho kuSimakadze.

Nguye longumsiti wakho nesihlangu sakho!

11Nine lenesaba Simakadze, yetsembelani kuye.

Nguye longumsiti wenu nesihlangu senu!

12

115:12
Hla. 118:2
Simakadze usikhumbulile, utasibusisa;

utayibusisa nendlu yaka-Israyeli,

ayibusise nendlu yaka-Aroni.

13

115:13
Semb. 11:18
19:5
Utababusisa bonkhe labamesabako Simakadze,

labancane nalabakhulu.

14

115:14
Dut. 1:11
Shangatsi Simakadze anganandzisela

nine kanye nebantfwabenu.

15

115:15
Mat. 25:34
Shangatsi ningabusiswa nguSimakadze,

yena lowenta lizulu nemhlaba.

16Emazulu ayindzawo yaSimakadze,

yena yedvwa,

kodvwa umhlaba wawuniketela kubantfu.

17

115:17
Isa. 38:18
Nkulunkulu akadvunyiswa ngulabafile;

yebo, akadvunyiswa ngulabo

lase bathula emathuneni.

18

115:18
Hla. 118:17
Kodvwa tsine, lesiphilako,

siyawumbonga Simakadze,

kusukela manje kuze kube phakadze.

Haleluya, dvumisani Simakadze.