Bunye bemtimba waKhristu
41
Ef. 3:1
Fil. 2:1
Khol. 1:10
Ngako-ke mine siboshwa eNkhosini, ngiyanincenga kutsi nihambe ngalokufanele kubitwa lenabitwa ngako. 2
1 Thes. 5:14
Nikhombise lutsandvo lwenu ngekubeketelelana ngekutfobeka konkhe, nangebumnene, nangekucinisela. 3Nibokukhutsalela kugcina bunye baMoya ngesibopho sekuthula. 4
1 Khor. 12:4,11
Munye umtimba, munye naMoya, njengobe lilinye nelitsemba lenabitelwa kulo. 5
Yinye iNkhosi, kunye kukholwa, munye umbhabhatiso; 6
Rom. 11:36
1 Khor. 8:5
Khol. 1:16
munye Nkulunkulu, longuBabe wetfu sonkhe, longetulu kwabo bonkhe, nalongekhatsi kwabo bonkhe, nakubo bonkhe.
7
Kepha ngulowo nalowo emkhatsini wetfu uphiwe umusa ngekwesilinganiso sesipho saKhristu. 8
Ngaloko kutsiwa:
“Watsi nakenyukela etulu,
watfumba titfunjwa letinyenti;
wapha bantfu tipho.”
96:52
Pho, lokutsi: “Wenyuka”, kusho kutsini, nangabe akusho kona kutsi wake wehla, waya phansi ematfunjini emhlaba? 10
Ef. 1:23
Ngako-ke lowo lowehla, nguye futsi lowenyuka, waba ngetulu kwemazulu onkhe, kuze agcwalise konkhe. 11
Imis. 11:27
21:8
Rom. 12:7
1 Khor. 12:28
Nguye futsi lowapha labanye kutsi babe baphostoli, labanye babe baphrofethi, labanye babe bavangeli, labanye babe belusi, labanye babe bafundzisi. 12
2 Thim. 3:17
Loko wakwentela kutsi labangcwele bahlonyiselwe umsebenti wabo wekukhonta, kuze kwakheke umtimba waKhristu, 13
size sifinyelele sonkhe ebunyeni bekukholwa, nasekuyatini iNdvodzana yaNkulunkulu, ebudvodzeni lobuphelele kuKhristu. 14
Heb. 13:9
Ngako-ke ngeke sisaba bantfwana, sigujuteliswe ngemagagasi, sipheshulwe ngimimoya yonkhe yetimfundziso tekukhohlisa kwebantfu labanebucili bekudukisa. 15
5:23
Khol. 1:18
2 Phet. 3:18
Kodvwa asikhulume liciniso ngelutsandvo, kuze sikhule ngako konkhe kuye, longuyena ayinhloko, Khristu. 16
16:14
Khol. 2:19
Umtimba wonkhe uhlanganiswe ngaye, ubambene ngekwelekelelana kwemalunga onkhe awo, njengekusebenta lokulinganiselwe lelo nalelo lunga kukhuliswe umtimba, wakhelwe elutsandvweni.
Imphilo lensha kuKhristu
17
1 Phet. 4:3
Ngako-ke ngiyasho, ngifakaza eNkhosini ngitsi, ningabe nisahamba njengalabanye betive labanemicondvo lengacabangi. 18
5:8
Khol. 1:21
1 Phet. 1:14
Bahlwelwe engcondvweni yabo, bakhashane nekuphila kwaNkulunkulu, ngobe abati lutfo, ngenca yebulukhuni benhlitiyo. 19
Batsi kantsi babutfuntfu, batinikela emanyaleni, basebenta kungcola konkhe ngekuhungeka.
20Kepha nine anizange nimfundze Khristu kanjalo, 21nangabe-ke nimvile nafundziswa futsi kuye, njengobe liciniso likuJesu. 22
Rom. 6:6
Ef. 2:2
Khol. 3:8-9
Thit. 3:3
1 Phet. 2:1
4:2
Khumulani umuntfu lomdzala wesimilo sakucala, lose onakala ngetinkhanuko tenkhohliso, 23
nentiwe nibe basha emoyeni nasengcondvweni yenu. 24
2 Khor. 5:17
Khol. 3:10
Yembatsani umuntfu lomusha, lowadalwa wafuta Nkulunkulu ngekulunga nangebungcwele beliciniso.
25
Ngako-ke lahlani emanga, akube ngulowo nalowo akhulume liciniso kumzalwane wakhe, ngobe sonkhe singemalunga lomunye kulomunye emtimbeni munye. 26
Jak. 1:19
Tfukutselani, kodvwa ningoni; lilanga lingashoni solomane nitfukutsele. 27
Jak. 4:7
Ningamniki Sathane litfuba. 28
2 Thes. 3:8
Lisela alingabe liseba, kepha kunaloko alikhutsale, lisebente lokuhle ngetandla talo, khona litewuba nako lelingahle likwabele labadzingako. 29
Ef. 5:3
Khol. 3:16
4:6
Akungabe kusaphuma nalinye livi lelibolile emlonyeni wenu, kodvwa kube ngulelilungele kwakha njengalokuswelekile, kuze libavetele umusa labevako. 30
Luk. 21:28
2 Khor. 1:22
5:5
Ef. 1:13
Ningamdzabukisi Moya Longcwele waNkulunkulu lenabekwa luphawu ngaye kudzimate kube lilanga lekuhlengwa. 31Konkhe lokubabako, nelulaka, nekutfukutsela, nemsindvo, nekuhlambalata akususwe kini, kanye nako konkhe lokubi. 32
Mak. 11:25
Khol. 3:12-13
1 Phet. 3:8
Kodvwa phatsanani ngebumnene, nihawukelane, nitsetselelane, njengobe naNkulunkulu wanitsetselela ngaKhristu.