Singeniso
11
3 Joh. 1
Lencwadzi iphuma kuMbonisi.
Iya kuMake lokhetsiwe nakubantfwabakhe, lengibatsandza ngeliciniso, kungesimi ngedvwana, kodvwa nabo bonkhe labalatiko liciniso, 2
ngenca yeliciniso lelihlala kitsi naleliyawuba natsi phakadze naphakadze.
3
Shangatsi umusa, nesihawu, nekuthula lokuvela kuNkulunkulu, longuBabe, nakuJesu Khristu iNdvodzana yeYise kungaba natsi ngeliciniso nangelutsandvo.
Liciniso nelutsandvo
4
3 Joh. 4
Maye, ngajabula, nangikhandza kutsi labanye bebantfwabakho bahamba ecinisweni, njengobe sayalwa nguBabe. 5
15:12,17
1 Joh. 2:7
3:11
4:21
Namanje ngiyakuncusa-ke, Make, kungesiko kutsi ngikushayela umyalo lomusha, kodvwa wona lowo lesawuva ekucaleni wekutsi sifanele sitsandzane. 6
Ngulolo-ke lutsandvo, kutsi sihambe ngekwemiyalo yakhe; ngiwo lomyalo lekumelwe kutsi nihambe ngawo, njengobe neva kwasekucaleni.
Secwayiso ngetimfundziso temanga
7
4:1
Bakhohlisi labanyenti baphumele emhlabeni, bantfu labangeke bavume kutsi Jesu Khristu weta waba ngumuntfu. Umuntfu lonjalo ungumkhohlisi namphikakhristu. 8
4:11
Ticapheleni nine, kuze ningalahlekelwa nguloko lesikusebentele,Letinye tincwadzi tekucala titsi “lenikusebentele” kodvwa nemukeliswe umvuzo wenu lophelele.
9
15:23
1 Joh. 2:23
Umuntfu longahlali emfundzisweni yaKhristu, kodvwa ayengce ngetulu usuke ate Nkulunkulu. Kodvwa umuntfu lohlala emfundzisweni unaBabe neNdvodzana, bobabili. 10
1 Khor. 5:11
2 Thes. 3:6
Thit. 3:10
Nakufika umuntfu longeti nalemfundziso, ningabomemukela emakhaya enu, futsi ningambingeleli nekumbingelela, 11
ngobe umuntfu lombingelelako ubambisana naye emisebentini yakhe lemibi.
Imikhontiso yekugcina
12
3 Joh. 13
Nome nginalokunyenti lenginganitjela kona, angite ngakubhala phansi; kepha ngetsemba kutsi ngitakuta ngitenibona ngikhulume nani umlomo nemlomo, khona sitewujabula ngalokuphelele.
13Bantfwana badzadzewenu lokhetsiwe bayakuhambisa.