2 kubaseKorinthe 3 - Siswati 1996 (SWA96)

Siswati 1996 (SWA96)

Tisebenti tesivumelwane lesisha

3¹

3:1

Imis. 18:27
2 Khor. 1:12
5:12
10:8
Sesiphindze siyatincoma yini? Siyatidzinga yini tsine tincwadzi tekusincoma letiya kini nome letiphuma kini, njengobe labanye batidzinga? Cha! ²

3:2

1 Khor. 9:2
Nine niyincwadzi yetfu, lebhalwe etinhlitiyweni tetfu, leyatiwa ifundvwe bantfu bonkhe. ³

3:3

Eks. 24:12
31:18
34:1
Dut. 10:1
Taga 3:3
Jer. 31:33
Hez. 11:19
36:26
Rom. 15:16
Kuyakhanya kutsi niyincwadzi yaKhristu leletfwe ngitsi, lengakabhalwa ngenki, kepha ngaMoya Longcwele, waNkulunkulu lophilako, hhayi etibhelekeceni tematje kepha etinhlitiyweni tebantfu.

⁴Loko sikusho ngobe setsembele kuNkulunkulu ngaKhristu. ⁵

3:5

Fil. 2:13
Akusho noko kwekutsi sinemandla ekwenta lutfo ngekwetfu; kute lokuphuma kitsi, kepha emandla etfu avela kuNkulunkulu, ⁶

3:6

Jer. 31:31
Joh. 6:63
Rom. 2:27
7:6,10
8:2
1 Khor. 11:25
Heb. 8:6
lowasenta safaneleka kuba baphatsi besivumelwane lesisha, lesingesiso semtsetfo lobhaliwe, kodvwa saMoya; umtsetfo lobhaliwe uyabulala, kodvwa Moya uyaphilisa.

⁷

3:7

Eks. 34:29
Inkonzo yemtsetfo lobhalwe etibhelekeceni tematje igcine iletse kufa noko yeta ngeludvumo, kangangekutsi baka-Israyeli abazange bakhone kubuka buso baMosi ngenca yenkhatimulo yayo, nome yabuye yaphela. ⁸Iyawuba yinkhulu kangakanani-ke leyo nkhatimulo yenkonzo yaMoya? ⁹

3:9

Dut. 27:26
Rom. 1:16
3:21
4:15
2 Khor. 5:19
Gal. 3:10
Nangabe inkonzo yemtsetfo leletsa kulahlwa yefika nenkhatimulo lengaka, iyawuba yinkhulu kangakanani-ke inkhatimulo yalenkonzo lesenta silungelane naNkulunkulu? ¹⁰Nangempela loko lokwase kwefika ngenkhatimulo seyakulahlekela, sekuvulele litfuba kuloko lokunenkhatimulo lenkhulu kuneyako. ¹¹Ngobe nangabe loko lobekutawuphela kwaba neyako inkhatimulo, iyawuba yinkhulu kangakanani-ke inkhatimulo yaloko lokungayikuphela?

¹²

3:12

Ef. 6:19
Ngulelo litsemba letfu, ngiko nje sikhuluma ngesibindzi. ¹³

3:13

Eks. 34:33
Tsine asifanani naMosi yena lowambonya buso bakhe ngendvwangu kuze baka-Israyeli bangetiwusibona siphetfo saleyo nkhatimulo lebeyitawuphela. ¹⁴

3:14

Isa. 6:10
Sil. 3:65
Hez. 12:2
Rom. 10:4
11:7
Ef. 2:15
Heb. 8:13
Kodvwa ingcondvo yabo yaba lukhuni, ngisho nalamuhla loku nakufundvwa sivumelwane lesidzala, leyo ndvwangu isehleti; nanyalo ayikembulwa, ngobe yembuleka ngaKhristu kuphela. ¹⁵Yebo, kudzimate kube ngulamuhla, nakufundvwa tincwadzi taMosi, kuba shangatsi kukhona indvwangu lembonye tingcondvo tabo, baka-Israyeli. ¹⁶

3:16

Eks. 34:34
Rom. 11:23
Kodvwa “umuntfu nakaphendvukela kuNkulunkulu, indvwangu iyesuswa.” ¹⁷

3:17

Joh. 4:24
8:36
Gal. 5:1
INkhosi inguye Moya, lapho akhona Moya nenkhululeko ikhona. ¹⁸

3:18

Eks. 24:17
Rom. 8:29
1 Khor. 13:12
2 Khor. 4:4
1 Joh. 3:2
Ngako tsine sonkhe lesibuka ngebuso lobembuliwe, inkhatimulo yeNkhosi ibonakala kitsi njengasesibukweni, sibe siguculwa sibe njengaye ngekusuka ezingeni lelitsite lenkhatimulo siye kulelinye lizinga. Ngulowo-ke umsebenti weNkhosi lenguMoya.

Resources

Tisebenti tesivumelwane lesisha