1 Tikhronike 7

₁Emadvodzana a-Isakhari bekuboThola, naPhuwa, naJashubi, naShimroni; amane asawonkhe. ₂Emadvodzana aThola bekubo-Uzi, naRefaya, naJeriyeli, naJamayi, na-Ibsamu, naSamuweli, lekwakubaholi bemindeni yabo. Ngesikhatsi sekubusa kwaDavide titukulwane taThola tatingetekulwa timphi, ngekwemlandvo weluhlanga lwekutalana kwato bekungemadvodza lati-22 600.

₃Umsa wa-Uzi bekunguJizrahiya. Emadvodzana aJizrahiya bekuboMikhayeli, na-Obadiya, naJoweli, naJishiya. Bonkhe laba labasihlanu bebabaholi. ₄Ngekwemlandvo weluhlanga lwekutalana kwabo bekungemadvodza lati-36 000, labengalungela kuphuma imphi, ngobe bebanebafati labanyenti nebantfwana labanyenti.

₅Tihlobo tabo bonkhe betinsendvo tesive saka-Isakhari ngekwemlandvo weluhlanga lwekutalana kwabo bekungemadvodza lati-87 000 labengalungela kuphuma imphi.

₆Emadvodzana lamatsatfu aBhenjamini bekuboBela, naBekheri, naJediyayeli.

₇Emadvodzana lasihlanu aBela bekubo-Esboni, na-Uzi, na-Uziyeli, naJerimothi, na-Iri, lekwakubaholi bemindeni. Ngekwemlandvo weluhlanga lwekutalana kwabo bekungemadvodza lati-22 034, labengalungela kuphuma imphi.

₈Emadvodzana aBekheri bekuboZemira, naJowashi, na-Eliyezeri, na-Eliyoyenayi, na-Omri, naJeremothi, na-Abiya, na-Anathothi kanye na-Alemethi. Bonkhe laba bekungemadvodzana aBekheri. ₉Ngekwemlandvo weluhlanga lwekutalana kwabo bekubaholi bemindeni nemadvodza lati-20 200 labengalungela kuphuma imphi.

₁₀Indvodzana yaJediyayeli bekunguBilhani, emadvodzana aBilhani bekuboJewushe, naBhenjamini, na-Ehudi, naKhenana, naZethani, naThashishi kanye na-Ahishahari. ₁₁Onkhe lamadvodzana aJediyayeli abebaholi bemindeni. Bekungemadvodza lati-17 200 labengalungela kuphuma imphi. ₁₂BakaShuphimi nebakaHuphimi bona babetitukulwane taka-Ire, kantsi bakaHushimu bona babetitukulwane taka-Aheri.

₁₃Emadvodzana aNaftali bekuboJasiyeli, naGuni, naJeseri kanye naShilemi, lekwakungemadvodzana aBilha.

₁₄Titukulwane takaManase bekungu-Asriyeli, lamtala esinganini sakhe lesasingumSiriya, saphindze samtalela naMakhire, uyise waGileyadi. ₁₅Makhire watsatsa umfati esiveni sakaHuphimi, kwatsi lomunye wamtsatsa esiveni sakaShuphimi. Libito ladzadzewabo bekunguMakha. Lenye indvodzana yaMakhire bekunguSelofehadi labenemadvodzakati kuphela.

₁₆Makha, umkaMakhire, watala emadvodzana lamabili lekwakuboPhereshi naShereshi; emadvodzana aPhereshi bekubo-Ulamu naRakhemi. ₁₇Indvodzana ya-Ulamu bekunguBedani. Lawa bekungemadvodzana aGileyadi, umsa waMakhire, umsa waManase.

₁₈DzadzewaboGileyadi bekunguHamolekhethi lowatala emadvodzana lamatsatfu: bo-Ishodi, na-Abiyezeri, naMahala. ₁₉Emadvodzana aShemida bekubo-Ahiyani, naShekhemu, naLikhi kanye na-Aniyamu.

₂₀Titukulwane taka-Efrayimu bekunguShuthela, umsa wakhe, naBheredi, umsa wakhe, naThahathi, umsa wakhe, na-Eleyada, umsa wakhe, naThahathi, umsa wakhe, ₂₁naZabadi, umsa wakhe, naShuthela, umsa wakhe. Bo-Ezeri na-Eleyadi babulawa ngesikhatsi batsi betama kuba tinkhomo tebantfu baseGathi. ₂₂Efrayimu, uyise, wabalilela emalanga lamanyenti, netihlobo takhe taze teta kutamdvudvuta. ₂₃Waphindze walala nemkakhe lowatetfwala, wase umtalela indvodzana, layetsa libito watsi nguBheriya, ngobe kwaba nenhlupheko leyahlasela umndeni wabo. ₂₄Indvodzakati yakhe bekunguShera lowakha iBhethi Horoni Lengentansi kanye naLengenhla, waphindze wakha ne-Uzeni Shera.

₂₅Efrayimu waphindza watala Refa. Titukulwane takaRefa kwaba nguReshefi, umsa wakhe, naThela, umsa wakhe, naThahani, umsa wakhe, ₂₆naLadani, umsa wakhe, na-Amihudi, umsa wakhe, na-Elishama, umsa wakhe, ₂₇naNuni, umsa wakhe, naJoshuwa, umsa wakhe.

₂₈Tindzawo tato tekuhlala bekuyiBetheli nemiti leyayiyitungeletile, kusuka eNarani ngasemphumalanga, neGezeri kanye nemiti yayo ngasenshonalanga, neShekhemu kanye nemiti yayo, kuze kuyewufika e-Aya kanye nemiti yayo.

₂₉Titukulwane takaManase ngito letatiphetse lamadolobha: iBhethi Shani, neThanaki, neMegido, neDori kanye nemiti yawo.

Titukulwane takaJosefa, umsa wa-Israyeli, tatihlala kulamadolobha.

₃₀Emadvodzana a-Asheri bekuboJimna, naJishuwa, naJishvi, naBheriya kanye naSera lekwakuyindvodzakati.

₃₁Emadvodzana aBheriya bekuboHebere, naMalkhiyeli, uyise waBizayithi.

₃₂Hebhere abenguyise waboJafleti, naShomeri, naHothami kanye naShuwa labengudzadzewabo.

₃₃Emadvodzana aJafleti bekuboPhasaki, naBimhali kanye na-Ashvathi. Ngawo lawa emadvodzana aJafleti.

₃₄Emadvodzana aShomeri bekubo-Ahi, naRoga, naHubha kanye na-Aramu.

₃₅Emadvodzana aHothami, umnakabo, bekuboSofa, naJimna, naSheleshi kanye na-Amali.

₃₆Emadvodzana aSofa bekuboShuwa, naHaneferi, naShuwali, naBeri, naJimra, ₃₇naBeseri, naHodi, naShama, naShilsha, naJithrani kanye naBheyera.

₃₈Emadvodzana aJetheri bekuboJefune, naPhispha kanye na-Ara.

₃₉Emadvodzana a-Ula bekubo-Ara, naHaniyeli kanye naRisiya.

₄₀Bonkhe laba bekutitukulwane taka-Asheri: kwakutinhloko temindeni, emadvodza elikhetselo, tingwazi letinesibindzi babaholi labahlonishwako. Ngekwemlandvo weluhlanga lwekutalana kwabo bekungemadvodza lati-26 000 labengalungela kuphuma imphi.