1 Tikhronike 2

₁Emadvodzana a-Israyeli bekuboRubeni, naSimeyoni, naLevi, naJuda, na-Isakhari, naZebuloni, ₂naDani, naJosefa, naBhenjamini, naNaftali, naGadi, na-Asheri.

₃Emadvodzana aJuda bekubo-Era, na-Onani, naShela. Lamadvodzana omatsatfu wawatalelwa nguBhatishuwa, umKhenanikati. Era, litubulo laJuda, wenta lokubi emehlweni aSimakadze, ngako Simakadze wambulala. ₄Thamari, malukatana waJuda, wamtalela boPheresi naZera. Juda abenemadvodzana lasihlanu asawonkhe.

₅Emadvodzana aPheresi bekuboHesroni naHamuli. ₆Emadvodzana aZera bekuboZimri, na-Ethani, naHemani, naKhalkoli, naDara; babe ngemadvodzana lasihlanu sebabonkhe. ₇Umsa waKhami bekungu-Akhani, lowadvonsela ema-Israyeli inhlupheko ngekutsintsa intfo lekwakungakafaneli ayitsintse. ₈Umsa wa-Ethani bekungu-Azariya.

₉Emadvodzana latalelwa Hesroni bekuboJerameli, naRamu, naKhalebi.

₁₀Ramu abenguyise wa-Aminadabi, Aminadabi anguyise waNasoni, umholi wesive sakaJuda. ₁₁Nasoni abenguyise waSalmoni, Salmoni anguyise waBowazi; ₁₂Bowazi abenguyise wa-Obedi, Obedi anguyise waJese. ₁₃Jese abenguyise wa-Eliyabe, litubulo lakhe, Eliyabe abelanywa ngu-Abinadabi, wesitsatfu bekunguShimeya, ₁₄wesine kunguNethaneli, wesihlanu kunguRadayi, ₁₅wesitfupha bekungu-Osemi, wesikhombisa kunguDavide. ₁₆Bodzadzewabo bekuboSeruya na-Abigayili.

Emadvodzana lamatsatfu aSeruya bekubo-Abishayi, naJowabe, na-Asaheli. ₁₇Abigayili watala Amasa. Uyise wa-Amasa bekunguJetheri, um-Ishmayeli.

₁₈Khalebi, umsa waHesroni, umkakhe labengu-Azubha wamtalela indvodzakati lekwatsiwa nguJeriyothi. Azubha abenemadvodzana lekwakuboJesheri, naShobabi, na-Aridoni. ₁₉Kwatsi kube kufe Azubha, Khalebi watsatsa Efratha lamtalela Hure. ₂₀Hure abenguyise wa-Uri, Uri anguyise waBesaleli.

₂₁Emvakwaloko Hesroni walala nendvodzakati yaMakhire, uyise waGileyadi; Hesroni wayitsatsa asaneminyaka lengema-60 budzala; yamtalela Segubi. ₂₂Segubi abenguyise waJayire, labephetse emadolobha langema-23 eveni lakaGileyadi. ₂₃Kodvwa imibuso yaseGeshuri newaseSiriya yehlula emadolobha langema-60 khona lapho, yatfumba iHavothi Jayire, neKhenathi kanye netabelo takhona. Tonkhe leti bekutitukulwane taMakhire, uyise waGileyadi. ₂₄Watsi kube Hesroni afele eKhalebi Efratha, Abiya, umfati waHesroni, wamtalela Ashuri, uyise waThekhowa.

₂₅Emadvodzana aJerameli, litubulo laHesroni, bekuboRamu, litubulo lakhe, naBuna, na-Oreni, na-Osemi kanye na-Ahiya. ₂₆Jerameli abenalomunye umfati, libito lakhe kungu-Atara; yena abengunina wa-Onamu. ₂₇Emadvodzana aRamu, litubulo laJerameli, bekuboMazi, naJamini, na-Ekeri. ₂₈Emadvodzana a-Onamu bekuboShamayi naJada, emadvodzana aShamayi bekuboNadabi na-Abishuri.

₂₉Libito lemka-Abishuri bekungu-Abihayili, lamtalela bo-Abani naMolidi. ₃₀Emadvodzana aNadabi bekuboSeledi na-Aphayimi. Seledi wafa angenamntfwana. ₃₁Umsa wa-Aphayimi bekungu-Ishi, Ishi labenguyise waSheshani. Umsa waSheshani bekungu-Ahilayi.

₃₂Emadvodzana aJada, umnakaboShamayi, bekuboJetheri naJonathani. Jetheri wafa angenamntfwana. ₃₃Emadvodzana aJonathani bekuboPhelethi naZaza. Tonkhe leti bekutitukulwane takaJerameli.

₃₄Sheshani abete emadvodzana, anemadvodzakati kuphela. Abenesisebenti lesasingumGibhithe, libito laso kunguJaha. ₃₅Sheshani wanika lesisebenti lesinguJaha indvodzakati yakhe, kutsi siyitsatse ibe ngumkaso. Batala Athayi. ₃₆Athayi abenguyise waNathani, Nathani anguyise waZabadi; ₃₇Zabadi abenguyise wa-Eflali, Eflali anguyise wa-Obedi. ₃₈Obedi abenguyise waJehu, Jehu anguyise wa-Azariya; ₃₉Azariya abenguyise waHelesi, Helesi anguyise wa-Eleyasa; ₄₀Eleyasa abenguyise waSismayi, Sismayi anguyise waShalumi; ₄₁Shalumi abenguyise waJekamiya, Jekamiya anguyise wa-Elishama.

₄₂Emadvodzana aKhalebi, umnakaboJerameli, bekunguMesha, litubulo lakhe, labenguyise waZifi, Zifi anguyise waMaresha; Maresha abenguyise waHebroni. ₄₃Emadvodzana aHebroni bekuboKhora, naThaphuwa, naRekhemu, naShema. ₄₄Shema abenguyise waRahamu, Rahamu anguyise waJokeyamu. Rekhemu abenguyise waShamayi. ₄₅Umsa waShamayi bekunguMayoni, Mayoni anguyise waBhethi Suri.

₄₆Khalebi abenesingani lesasingu-Efa, labengunina waboHarani, naMosa, naGazezi. Harani abenguyise waGazezi.

₄₇Emadvodzana aJahadayi bekuboRegemi, naJothamu, naGeshani, naPheleti, na-Efa, naShafi.

₄₈Khalebi abenesingani lesasinguMakha, labengunina waboSheberi naThihana. ₄₉Waphindze watala naShafi, uyise waMakbena naGibeya.

Indvodzakati yaKhalebi bekungu-Akhisa.

₅₀Leti-ke bekutitukulwane takaKhalebi: Emadvodzana aHure, litubulo la-Efratha, bekuboShobali, uyise waKhiriyathi Jeyarimu, ₅₁naSalma, uyise waBhetlehema, naHarefi, uyise waBhethi Gaderi.

₅₂Titukulwane takaShobali, uyise waKhiriyathi Jeyarimu, bekuboHarowe, nencenye yesive semaManahathi, ₅₃nemindeni yaseKhiriyathi Jeyarimu, lekungemaJetheri, nemaPhuthi, nemaShumathi, nemaMishra. EmaSorathi nema-Eshtayoli adzabuka kulemindeni.

₅₄Titukulwane takaSalma, uyise waBhetlehema, bekungemaNethofa, nebase-Atrothe Bhethi Jowabe, nencenye yemaManahathi, nemaSori, ₅₅nemaSoferi, lekwakungimindeni yebabhali lababehlala eJabesi: emaThirathi, nemaShimeyathi, nemaSukathi. Laba-ke bekungemaKheni labevela kuHamathi, titukulwane tawo tatitekudzabuka emndenini waRekhabi.