Sesotho 1989 (SO) (SSO89SO)
2

Motlotsuwa wa Modimo

21Moferefere ke wa eng hara ditjhaba?

Matjhaba a rerelang

ntho tsa mafeela?

2Dikgosi tsa lefatshe

di eme ka maoto;

babusi, ba le mmoho,

ba rera Morena

le Motlotsuwa wa hae, ba re:Dik. 4:25,26

3“A re itokolleng ditlamong tsa bona,

re lahleng joko ya bona.”

4Ya dutseng teroneng, lehodimong,

o a ba tsheha,

Morena o a ba soma.

5Jwale o bua le bona ka kgalefo,

ka bohale ba hae o a ba tshosa, o re:

6“Thabeng ya ka e halalelang,

thabeng ya Sione,

nna ke beile kgosi ya ka.”

7Yona e re: “A nke ke phatlalatse

taelo ya Morena.

“O itse ho nna: ‘O mora wa ka;

kajeno ke o tswetse.Dik. 13:33
Bah. 1:5
5:5

8Nkope, ke tla o nea ditjhaba

e be lefa la hao,

le lefatshe ka bophara ba lona

e be leruo la hao.

9O tla di busa ka lere la tshepe,

o di pshatle

jwaloka nkgo ya letsopa.’ ”Tshen. 2:26,27
12:5
19:15

10Jwale he, halefang, lona dikgosi;

eletsehang, lona babusi ba lefatshe.

11Sebeletsang Morena ka tshabo,

le itihele maotong a hae

ka thothomelo.

12Ho seng jwalo o tla halefa,

mme le timelle tseleng ya lona,

hobane kgalefo ya hae

e phakisa ho tuka.

Ho lehlohonolo bohle

ba tshabelang ho yena.

3

Thapelo ya hoseng

31Pesalema ya Davida ha a baleha mora hae Abosalome.

2Morena, dira tsa ka

di ngata hakaakang!

Ba bangata ba ntsohelang matla,

3ba bangata ba buang ka nna, ba re:

“Modimo ha a na ho mo pholosa.”

4Empa wena Morena,

o thebe e ntshireletsang,

o mpha seriti, o ntsosa molota.

5Ha ke ipiletsa ho Morena,

o nkaraba a le thabeng ya hae

e halalelang.

6Ke ye ke ithoballe, ke kgalehe,

ke be ke itsohele,

hobane Morena o na le nna.

7Ha ke tshabe diketekete tsa batho

tse ntikileng kamahohle.

8Thusa, Morena!

O mpholose, Modimo wa ka,

wena ya jabelang

dira tsa ka tsohle marameng,

ya pshatlang mehlaare ya ba kgopo.

9Pholoho e tswa ho Morena.

Tlhohonolofatso ya hao

e ke e be hodima setjhaba sa hao.2 Sam. 15:13 — 17:22

4

Thapelo ya mantsiboya

41Pesalema ya Davida. Taelo ho motsamaisi wa dibini: E binwe ka diletsa tsa dikgwele.

2Oho, Modimo,

mosireletsi wa ditokelo tsa ka,

ako nkarabe ha ke ipiletsa ho wena.

O ntokolotse matshwenyehong a ka;

nkgauhele, o mamele thapelo ya ka.

3Lona batho ting!

le tla ntlontlolla ho fihlela neng,

le rate mafeela,

le mathele mashano?

4Tsebang hore Morena

o etsetsa motshepuwa wa hae

tse hlollang,

Morena o a mmamela

ha ke ipiletsa ho yena.

5Tshabang Modimo,

le se hlole le etsa sebe;

tholang, mme le thuise tsena

ka dipelong,

le di thuise ha le le diphateng.Bae. 4:26

6Nyehelang ka mahlabelo

ka mokgwa o lokelang,

le nyehele ka wona,

le tshepe Morena.

7Ba bangata ba re:

“Re tla fumantshwa lehlohonolo

ke mang?”

Oho, Morena,

re phuthollele sefahleho sa hao.

8O thabisitse pelo ya ka

ho feta mohla batho

ba atetsweng ke koro le veine.

9Ke tla ithoballa ka kgotso,

ke kgalehe hanghang,

hobane Morena ke wena feela,

ke wena feela

ya ntshireletsang kahohle.