Sesotho 1989 (SO) (SSO89SO)
134

Balebedi ba Tempele ba boke Morena

1341Sefela sa ho nyolohela Jerusalema.

Tloong, le boke Morena,

lona bahlanka bohle ba Morena,

ba emang ka Tlung ya Morena,

ba emang ka teng ka masiu wohle.

2Phahamisang matsoho a lona,

le a phahamisetse Sehalalelong,

le boke Morena.

3Morena a ke a o hlohonolofatse,

a o hlohonolofatse a le Sione,

yena ya entseng

mahodimo le lefatshe.