Sesotho 1989 (SO) (SSO89SO)
128

Lehlohonolo la ya tshabang Morena

1281Sefela sa ho nyolohela Jerusalema.

Ho lehlohonolo bohle,

bohle ba tshabang Morena,

ba tsamayang ditseleng tsa hae.

2O tla ja tholwana tsa mosebetsi,

tsa mosebetsi wa matsoho a hao,

o tla ba lehlononolo,

o be le katleho.

3Mosadi wa hao

o tla ba jwaloka morara,

morara o behang ka tlung ya hao;

bana ba hao

ba be jwaloka mahlomela,

mahlomela a mohlwaare

ho potapota tafole ya hao.

4E, motho ya tshabang Morena

o hlohonolofala jwalo.

5Morena a ke a o hlohonolofatse,

a o hlohonolofatse a le Sione,

o tle o bohe katleho ya Jerusalema

ka ditshiu tsohle tsa bophelo ba hao.

6O ke o bone bana ba bana ba hao.

Kgotso e ke e be teng Iseraele.

129

Thapelo e kopang ho hlola dira tsa Iseraele

1291Sefela sa ho nyolohela Jerusalema.

Haesale ba ntshwenya haholo

ho tloha botjheng ba ka,

Iseraele a ke a rialo,

2haesale ba ntshwenya haholo

ho tloha botjheng ba ka,

empa ha ba a ka ba ntlhola.

3Balemi ba lemile

mokokotlong wa ka,

ba entse diforo tse telele.

4Empa Morena o lokile,

o kgaotse dikgwele tsa ba kgopo.

5Bohle ba hloileng Sione

ba ke ba hlajwe ke dihlong,

ba tjhetjhiswe kasanthao.

6Ba be jwaloka jwang

bo marulelong a matlo,

bo ponang pele bo ka fotholwa,

7boo ho seng ya bo helang,

ya ka tlatsang seatla sa hae ka bona,

kapa ya tlamang mangata

a a nka ka matsoho a hae.

8Ba fetang ka tsela

ba ke ke ba re ho bona:

“Tlhohonolofatso ya Morena

e ke e be le lona,

re le hlohonolofatsa

ka lebitso la Morena.”

130

Thapelo e kopang kgauhelo

1301Sefela sa ho nyolohela Jerusalema.

Ke ipiletsa ho wena Morena,

ke le tlasetlase.

2Morena, ako utlwe lentswe la ka!

Tsebe tsa hao di ke di mamele

ha ke etsa thapedi ya ka.

3Morena, ha o tshwaya diphoso,

o tshwaya phoso tsa rona,

ke mang, Morena, ya ka phelang?

4Empa wena o a re tshwarela,

e le hore re tle re o hlomphe.

5Ke tshepile Morena,

moya wa ka

o tshepile lentswe la hae.

6Moya wa ka o lebeletse Morena,

ho feta balebedi

ba lebeletseng meso,

e, ho feta balebedi

ba lebeletseng meso.

7Iseraele a ke a lebelle Morena,

hobane Morena o mohau,

o na le topollo e kgolo.

8Ke yena ya tla lopolla Iseraele

bokgopong bohle ba hae.Mat. 1:21
Tite 2:14