Sesotho 1989 (SO) (SSO89SO)
113

Rorisang MorenaDipesalema tsena di bitswa “Halel”.

1131Haleluja!

Lona bahlanka ba Morena,

mo roriseng,

le rorise lebitso la Morena.Phal. 12:51

2Ho bokwe lebitso la Morena,

ho tloha jwale le kamehla yohle.

3Ho tloha botjhabela

ho isa bophirimela,

ho roriswe lebitso la Morena.

4Morena o phahametse tjhaba tsohle,

tlotla ya hae

e okametse mahodimo.

5Ke mang ya kang Morena,

Morena Modimo wa rona,

ya dutseng teroneng,

teroneng e hodimodimo,

6empa a ikokobeletsa ho tadima

mahodimo le lefatshe?

7O tsosa mofutsana leroleng,

a phahamise mohloki thotobolong;

8a mo dudise le mahosana,

le mahosana a setjhaba sa habo.

9O fa nyopa lelapa,

a e etse mma bana ya thabileng.

Haleluja!

114

Sefela sa Paseka

1141Mohla Iseraele a tswang Egepeta,

ba ntlo ya Jakobo ba tloha,

ba tloha setjhabeng sesele,

2Juda ya eba sehalalelo sa Morena,

Iseraele ya eba mmuso wa hae.

3Lewatle ha le ba bona la baleha,

Jorodane ya tjhetjha kasanthao.Phal. 14:21
Josh. 3:16

4Dithaba tsa thala jwaloka dipheleu,

maralla jwaloka dikonyana.

5Wena lewatle, o balehelang?

Le wena Jorodane,

o tjhetjhelang kasanthao?

6Lona dithaba,

keng ha le thala jwaloka dipheleu,

le lona maralla, jwaloka dikonyana?

7Wena lefatshe, thothomela,

thothomela pela fahleho sa Morena,

pela sefahleho

sa Modimo wa Jakobo;

8yena ya fetolang lefika

letsha la metsi,

lejwe la moralla a le fetole sediba.Phal. 17:1-7
Dipa. 20:2-13

115

Modimo wa nnete o mong feela

1151O se ke wa re nea tlotla, Morena,

o se ke wa e nea rona,

o mpe o e nee lebitso la hao,

ka baka la mohau wa hao

le botshepehi ba hao.

2Keng ha baditjhaba ba ka re:

“O kae Modimo wa bona?”

3Modimo wa rona o mahodimong,

o etsa tsohle tse mo kgahlang.

4Medimo ya bona

ke ya silefera le ya kgauta,

ke mosebetsi wa matsoho a batho.

5E na le melomo, empa ha e bue;

e na le mahlo, empa ha e bone.

6E na le ditsebe, empa ha e utlwe;

e na le dinko, empa ha e fofonele.

7E na le matsoho, empa ha e tshware;

e na le maoto, empa ha e tsamaye;

ha ho modumo

o tswang qoqothong tsa yona.

8Ba e etsang

ba ke ba tshwane le yona,

ba be jwalo bohle ba e tshepang.Pes. 135:15-18
Tshen. 9:20

9Lona ba ntlo ya Iseraele,

tshepang Morena:

Ke yena thuso le thebe ya lona.

10Lona ba ntlo ya Arone,

tshepang Morena:

Ke yena thuso le thebe ya lona.

11Lona ba tshabang Morena,

tshepang Morena:

Ke yena thuso le thebe ya lona.

12Morena o ntsa re hopotse,

o tla re hlohonolofatsa;

a hlohonolofatse

ba ntlo ya Iseraele,

a hlohonolofatse

ba ntlo ya Arone,

13a hlohonolofatse bohle,

bohle ba tshabang Morena,

ba banyenyane mmoho le ba baholo.Tshen. 11:18
19:5

14Morena a ke a le ngatafatse,

lona le bana ba lona.

15Morena a ke a le hlohonolofatse,

yena ya entseng mahodimo,

a etsa le lefatshe.

16Mahodimo ke mahodimo a Morena,

lefatshe lona

o le neile bana ba batho.

17Hase bafu ba ka rorisang Morena,

leha e le ba theohetseng lebitleng.

18Empa ke rona ba phelang

ba ka bokang Morena,

ho tloha jwale le kamehla yohle.

Haleluja!