Sesotho 1989 (SO) (SSO89SO)
25

Ho roriswe Morena

251Oho, Morena,

ke wena Modimo wa ka,

ke tla o tlotla,

ke rorise lebitso la hao,

hobane wena o entse dimakatso,

merero ya hao ya kgale

e a tshepeha, ke ya nnete.

2Wena o fetotse motse

qubu ya majwe,

motse o haheleditsweng

wa o fetola lesupi,

motse wa bokgosi wa baditjhaba

ha e sa le motse,

le ho tsoswa

o ke ke wa hlola o tsoswa.

3Kahoo ditjhaba tse matla

di tla o tlotlisa,

metse ya tjhaba tse sehloho

e o tshabe,

4hobane o bile setshabelo

ho mafutsana,

wa ba setshabelo

ho bahloki tsietsing tsa bona,

wa ba mosireletsi

nakong ya difefo,

wa ba moriti

hara lebatama la letsatsi.

Moya wa ya sehloho

o ka sefefo se thula lebota,

5o ka lebatama

la letsatsi lehwatateng.

Rata la baditjhaba o tla le fedisa;

jwalokaha leswiti

le kokobetsa motjheso,

le pina ya ya sehloho

e tla fediswa jwalo.

Modimo o etsa mokete wa dijo

6Thabeng ena Morena wa mabotho

o tla etsa mokete,

a etsetse tjhaba tsohle

mokete wa dimonate,

a o etse ka veine e ritelehile,

dijo di le monate, veine e ritelehile.

7Thabeng ena o tla tlosa lesira,

le fifaditseng tjhaba tsohle,

a tlose lesela

le fifaditseng ditjhaba tsohle.

8Morena Modimo o tla fedisa lefu,

le felle ruri,

a hlakole meokgo

fahlehong tsa batho bohle,

a tlose dihlong

tjhabeng sa hae fatsheng lohle,

hobane Morena o buile jwalo.1 Bakr. 15:14
Tshen. 7:17
21:4

9Ka tsatsi leo, batho ba tla re:

“Ruri enwa ke Modimo wa rona,

re ile ra mo tshepa,

o re pholositse;

enwa ke Morena,

re ile ra mo tshepa,

a re nyakalleng,

re thabele ha a re pholositse.”

Modimo o tla otla Bamoabe

10Morena o tla sireletsa thaba ena,

Bamoabe bona a ba hatakele,

a ba hatakele sa mmoko

o hatakellwa moraheng.

11Leha ba ka phakalatsa

matsoho a bona hodima moraha,

ba a phakalatsa sa sehlapi se sesa,

Morena o tla fedisa

boikgantsho ba bona,

le hoja matsoho a bona a le bohlale.

12Qhobosheane

e marako a phahameng

o tla e heletsa,

a e heletse, e burame fatshe,

a e heletse, e fetohe lerole.

25:10-12 —
Esa. 15:1 — 16:14;