Sepedi 2000 (NSO00)
8

Letago la Modimo le seriti sa motho

Go tsebišwa moopediši gore e opelwe e letšwa ka diletšo. Ke pesalome ya Dafida.

81Morena, Mong wa rena,

leina la gago ke le legolo bjang lefaseng lohle!

Tše o di hlomilego legodimong di taga bjang!8:1 “Tše ... bjang!” Seheberu ga se kwagale gabotse.

2

8:2
Mat. 21:16
Bana le masea ba reta maatla a gago, ba hlokiša balwantšhi ba gago melomo,

manaba a gago le baitefeletši.

3Ge ke lebelela leratadima,

mošomo wa diatla tša gago,

ngwedi le dinaledi tše o di beilego madulong,

4

8:4
Jobo 7:17-18
Pes. 144:3
Bah. 2:6-8
ke re motho ke eng ge o bile o mo gopola,

motho wa lešidi ge o mmabalela?

5Eupša o mo hlaeditše gannyane a se lekane le wena;8:5 “wena” goba “sebopiwa sa legodimo”

o mo godišitše ka letago le tlhompho.

6

8:6
1 Bakor. 15:27
Baef. 1:22
Bah. 2:8
O mmeile mmuši wa mediro yohle ya atla tša gago;

wa mo dira molaodi wa tšohle:

7dihuswane le dikgomo tšohle,

ešita le diphoofolo tša naga,

8le dinonyana tša legodimo,

le dihlapi tša lewatle,

le nyabanyaba ka moka ka mawatleng.

9Morena, Mong wa rena,

leina la gago ke le legolo bjang lefaseng lohle!