Sepedi 2000 (NSO00)
6

Thapelo ya motho yo a lego tlalelong

Go tsebišwa moopediši gore e opelwe e letšwa ka diletšo tša metato ye seswai.

61

6:1
Pes. 38:1
Morena, hle, o se nkgale o befetšwe;

o se nkotle o nkgalefetše.

2Ntšhokelwe Morena,

gobane ke fedile maatla.

Mphodiše, Morena, gobane bolwetši bo nthenne ditho la go hwa.

3Nna ke ikwa ke hlakahlakane e le ruri.

Na o tla diega go fihlela neng, Morena?

4Boa, o ntlhakodiše, Morena;

etla o mphološe lehung ka leratorato la gago.

5Kua boyabahu ga o gopolwe ke motho;

kgane ke mang yo a go tumišago bodulabahu?

6Nna ke lapišitšwe ke mefegelo ya ka;

mosamelo wa ka ke o thapiša mašego ohle ka meokgo;

malao a ka ke a kolobiša ka dikeledi.

7Mahlo a ka a fifatšwa ke mahloko;

a gohlomeditšwe ke ge ke atetšwe ke manaba.

8

6:8
Mat. 7:23
Luk. 13:27
Ntlogeleng, bakgopo bohle tenang,

gobane sello sa ka Morena o se kwele.

9O nkwele ge ke mo llela,

gomme o tla mpha se ke se kgopelago.

10Manaba a ka ohle a tla inyatša a tšhogile kudu;

a tla goma le semeetseng a jewa ke dihlong.