Sepedi 2000 (NSO00)
51

Thapelo ya go kgopela tebalelo

Go tsebišwa moopediši gore ke pesalome ya Dafida ka morago ga ge moprofeta Nathane a seno bolela le yena, ka ge a be a robetše le Batseba.

511

51 Hlogo
2 Sam. 12:1-15
Ntšhokelwe hle, Modimo,

ka ge o nthata ka leratorato.

Phumola dibe tša ka ka kgaugelo ya gago ye kgolo.

2Ntlhatswe bokgopo bja ka,

o ntire yo a hlatswitšwego sebe.

3Diphošo tša ka ke a di tseba,

le sebe sa ka ke dula ke se gopola.

4

51:4
Bar. 3:4
Ke phošeditše wena, wena fela,

mme ke dirile se o bonago e le se sebe.

Ka gona go a swanela ge o nkahlola.

Go lebane ge o mpona molato.

5Ke tswetšwe ke le yo kgopo,

ke imilwe ke le modiradibe.

6Ka ge therešo e le se se go kgahlago pelong ya motho,

nthute ka pelong ka mo ke swanetšego go phela.

7Ntlhwekiše sebe ka hisopo,51:7 “hisopo” Ke semela sa ntšhuthana se se bego se šomišwa ke Baisraele go hlwekiša batho. Lebelela Num. 19:6.

ke mo ke tlago hlweka.

Ntlhapiše ke tage go feta leswela.

8Nke o nkweše mekgolokwane ke boele ke thabe,

mme le ge o nthobagantše marapo ke tla buša ka thaba.

9Budulala o se hlwe o bona dibe tša ka,

mme o phumole bokgopo bja ka bjohle.

10Modimo, hle,

mpopele pelo ye e hlwekilego,

mme o ntsenye moya wo mofsa wa potego.

11Se nthake pele ga gago;

se nkamoge moya wa gago wa bomodimo.

12Buša o mphe lethabo la motho yo o mo phološitšego,

mme o dire gore ke rate go go theeletša,

13ke gona ke tlago ruta batshelamolao ditaelo tša gago,

mme badiradibe bao ba sokologela go wena.

14Ntokolle molatong wa polao, Modimo,

wena Modimo, Mophološi wa ka,

gore ke opelele go loka ga gago.

15Mong wa ka,

nthuše gore ke bolele ke lokologile,

ke mo ke tlago go tumiša.

16Wena ga o nyake dihlabelo;

ge o be o di nyaka,

nkabe ke go direla tšona;

ga o kgahlwe le ke dihlabelo tša go tšhungwa ka moka.

17Modimo,

sa ka sehlabelo ke boitsholo bja nnete;

motho yo a ikokobetšago mme a itsholelago dibe tša gagwe ga o mo lahle.

18Eba yo botho go Sione ka lešoko la gago;

tsošološa merako ya Jerusalema.

19Ke gona o tla kgahlwago ke dihlabelo tše di laetšwego tša go tšhungwa ka moka,

le dipoo tša hlabja aletareng ya gago.