Sepedi 2000 (NSO00)
48

Sione, motse wa Modimo

Ke kopelo; ke pesalome ya Bakorage.

481Morena ke yo mogolo,

a a retwe gagolo motseng wa Modimo wa rena.

Thaba ya gagwe ye kgethwa

2

48:2
Mat. 5:35
e botse e phagame,

mme e kgahla batho bohle ba lefase.

Thaba ya Sione ka leboaboa48:2 “ka leboaboa” Seheberu se re “godimo ga thaba ya Tsafone” Bakanana ba be ba kgolwa gore thaba ya Tsafone ke bodulo bja medimo. ke bodulo bja Kgoši ye kgolo.

3Ka gare ga dibo tša motse Modimo o iponagaditše gore ke yena setšhabelo.

4Magoši a rapane mme a hlasela mmogo.

5Ba re go bona motse, ba tlabega,

ba boifa, ba tšhaba.

6Ba swarwa ke poifo le tlalelo semeetseng

go etša mosadi ge a šokwa;

7go etša ge o pšhatlaganya maselawatle a magolo ka phefo ya bohlabela.

8Tše re bego re di kwa bjale re di bone ka borena motseng wa Morena Ramaatlaohle,

wa yena Modimo wa rena.

O tla lota motse wo go ya go ile. Sela

9Modimo,

re gopola leratorato la gago re le ka Tempeleng ya gago.

10Setumo sa gago se aparetše lefase lohle,

mme o retwa gohle lefaseng.

O buša ka toka.

11Batho ba Sione ba thabile;

metse ya Juda le yona e gobela dikahlolo tša gago.

12Dikologang Sione,

le bale ditora tša yona.

13Le bone merako ya yona,

le boge dibo tša yona,

gore le tle le anegele ba meloko ya ka moso

14gore tšeo ke tša go dirwa ke Modimo,

yena Modimo wa rena go ya go ile;

o tla re eta pele.

Pesalome ye ke ya go opelwa ka modumo wa kopelo “Lehu”.48:14 Mohlomongwe go swanetše go balwa “Pesalome ... ‘Lehu’ ” Seheberu ga se kwagale gabotse.