Sepedi 2000 (NSO00)
1

PUKU YA PELE

(Pesalome 1 – 41)

Lehlogonolo la mmakgonthe

11Go lehlogonolo motho,

moganakeletšo ya bakgopo,

yo a sa tšeego ka tsela ya badiradibe,

a sa ikopanyego le ba ba kwerago Modimo.

2Sa gagwe ya ba go thabela melao ya Morena,

le go ithuta yona bošego le mosegare.

3

1:3
Jer. 17:8
O bjalo ka mohlare mobjalwamoeleng;

wa enywa dikenywa lebakeng la gona,

le gona wa se pone matlakala.

Go tšohle tše a di dirago o a atlega.

4Bakgopo bona le gatee ga ba bjalo;

ba swana le mooko motšewakephefo.

5Ba tla bonwa molato ke Modimo kahlolong;

badiradibe ba ka se kgobokane gotee le badiratoka.

6Ee, Morena o hlokomela badiratoka;

badiradibe bona ba tla fedišwa.

2

Kgoši ke morwa wa Modimo

21

2:1-2
Dit. 4:25-26
Ditšhaba di reng di tsoša marole?

Merafe e reng e dulela serepa sa lefeela?

2Magoši a lefase a tsoša mpherefere;

babuši ba lakana Morena,

le motlotšwa wa gagwe ba a mo lakana.

3Ba re: “A re itokolleng kgatelelong ya bona;

re kgaoleng dithapo tše ba re bofilego ka tšona,

re di lahleng.”

4Mong wa bohle o ba sega a dutše setulong sa gagwe sa bogoši legodimong;

o a ba kwera.

5Ya ba o bolela le bona a galefile;

o ba tšhoša a ba befeletšwe.

6O re: “Ke nna ke hlomilego kgoši ya ka Sione,

thabeng ya ka ye kgethwa.”

7

2:7
Dit. 13:33
Bah. 1:5
5:5
Kgoši o re: “A ke le botše se se begilwego ke Morena.

O mpoditše a re: ‘O morwa wa ka;

lehono ke go tswetše.

8Nkgopele, mme ke tla go fa ditšhaba;

lefase ka moka e tla ba la gago.

9

2:9
Kut. 2:26-27
12:5
19:15
O tla ba robaganya ka patla ya tshipi;

o tla ba pšhatlaganya bjalo ka pitša.’ ”

10Bjale ge, lena dikgoši,

lemogang seo.

Ithuteng, lena babuši ba lefase.

11Direlang Morena le mmoifa;

12mo khunameleng le thothomela,2:12 Mohlomongwe go swanetše go balwa “mo khunameleng le thothomela” Seheberu ga se kwagale gabotse.

gore a se tlo le galefela mme la hwa.

Go lehlogonolo ba ba tšhabelago go yena.

3

Thapelo ya mosong

Ke pesalome ya Dafida mola a tšhabela Absalomo, morwagwe.

31

3 Hlogo
2 Sam. 15:13 – 17:22
Morena, manaba a ka a atile e le ruri;

ba ba ntsogelago maatla ga ba kaaka.

2Ke ba bantši ba ba mpolelago ba re:

“Modimo a ka se mo hlakodiše.” Sela

3Fela wena, Morena,

o ntšhireletša ka mathoko ohle;

o mpušetša seriti,

wa dira gore batho ba buše ba ntlhomphe.

4Ge ke llela Morena,

o nkaraba thabeng ya gagwe ye kgethwa. Sela

5Ke a sekama ka robala,

ka ba ka tsoga,

gobane Morena o lala a ntšhireleditše.

6Ga ke tšhoge diketekete tša batho

bao ba ntikaneditšego.

7Nanoga, Morena!

Modimo wa ka, ntlhakodiše!

Manaba ohle a ka o a kgitla mohlagare ka letswele,

wa kgola bakgopo meno.

8Phološo e tšwa go wena, Morena;

anke o šegofatše setšhaba sa gago. Sela