Sepedi 2000 (NSO00)
16

Thapelo ya go bota Modimo

Ke pesalome ya go lefela dibe. Ke ya Dafida.

161Ntšhireletše, Modimo,

gobane ke tšhabela go wena.

2Ke botša Morena ke re:

“Mong wa ka ke wena;

ga go se se nkgahlago ntle le wena.”

3Bakgethwa ba ba lego mo nageng ke dinatla;

ke bona ba ba nkgahlago kudu.16:3 Ka Seheberu temana ye ga e kwagale gabotse.

4Bao ba kitimelago medingwana ba itlišetša mathata a mantši.16:4 Mohlomongwe go swanetše go balwa “Bao ba ... a mantši” Seheberu ga se kwagale gabotse.

Nna nka se phase medingwana ya bona;

le maina a yona nka se a bitše.

5Morena, ke wena lefa la ka;

tšohle tše ke di hlokago ke di fiwa ke wena.

Bophelo bja ka bo ka diatleng tša gago.

6O ntira gore ke ipshine ka bophelo;

o dira gore bo ntsefele e le ruri!

7Ke reta Morena yo a nkeletšago;

le bošego letswalo la ka le a ntemoša.

8

16:8-11
Dit. 2:25-28
Ke dula ke tseba gore Morena o na le nna;

ka ge a le kgauswi, nka se thedimoge.

9Ka gona ke thabile, ke hlaletše,

mme ke ikwa ke bolokegile,

10

16:10
Dit. 13:35
ka gobane o ka se nkgafele bodulabahu;

o ka se lese mmotegi wa gago a eya boyabahu.

11O ntlhahla tseleng ya bophelo;

ge ke na le wena ke thakgala kudu.

O nthabiša go ya go ile.