Bokgopo bja batho

(Pes. 53)

Go tsebišwa moopediši gore ke pesalome ya Dafida.

14¹

“Modimo ga a gona.”

Ba dira bokgopo le tše di šiišago –

ga go le o tee modiratoka.

²Morena yena o lebeletše batho a le legodimong,

gore a bone ge eba go na le wa temogo,

yo a mo khunamelago.

³Eupša bohle ba kgelogile, ka moka ba senyegile.

Ga go le o tee modiratoka,

ee, le o tee ga a gona.

⁴Morena o a botšiša o re:

“A badirakgopo bohle ba ga ba tsebe selo?

Ba phela ka go radia setšhaba sa ka,

le gona ga ba nthapele, nna, Morena.”

⁵Eupša ba tla thothomela ka letšhogo,

gobane Modimo o ema le baloki.

⁶Badirakgopo ba leka go folodiša merero ya batlaišegi,

fela botšhabelo bja batlaišegi bao ke Morena.

⁷A Sione go tšwe phološo ya Israele!

Mohla Morena a bušetšago setšhaba sa gagwe sekeng sa sona,

ditlogolo tšeo tša Jakobo di tla gobela megobo;

setšhaba sa Israele se tla hlalala.