Thapelo ya go kgopela thušo

Ke sefela sa ge go iwa Tempeleng Jerusalema go rapela.

130¹Morena, ke go bitša ke le fasefase

sekoting sa dibe tša ka.

²Ekwa sello sa ka, hle, Mong wa ka;

ntlhwaele tsebe ge ke go kgopela thušo!

³Ge o ka be o eya le makgopo a rena, Morena,

ke mang yo a ka bego a ka phela, Mong wa ka?

⁴Eupša o re swarela dibe,

gore re tle re go boife.

⁵Ke dula ke letetše go thušwa ke Morena,

ke letetše ka mafolofolo,

ke emetše gore go phethege se a se boletšego.

⁶Ke dula ke letetše Morena

go feta bahlapetši ba ba letago masa,

ee, bahlapetši ba ba letago masa.

⁷Israele, holofela Morena,

gobane lerato la gagwe ga le fetoge,

gomme o dula a itokišeditše go phološa.

⁸